«قازاقستان – بولاشاعى جارقىن ەل. ءبىز ونىڭ ەرتەڭىنە سەنەمىز»

گازەتىمىزدىڭ كەشەگى نومىرىندە جاريالانعان مەملەكەت باسشىسى نۇرسۇلتان نازارباەۆتىڭ «ۇلت جوسپارى – قازاقستاندىق ارمانعا باستايتىن جول» اتتى ماقالاسى باسىلىم سايتىنان كورىنگەن بويدا ونىمەن تانىسۋشىلاردىڭ تاسقىنى ءسات سايىن ارتا ءتۇستى. مۇنى ساعات سايىن اڭعارىپ وتىردىق. وقىرمان قاۋىم ەلباسىنىڭ ەلدىگىمىز ەرتەڭىنە ەرەن باعدار, ەتەنە جول سالاتىن كەزەكتى قالۋەتتى ماقالاسىمەن جاي عانا تانىسىپ قويا سالعان جوق, ولاردىڭ كوپشىلىگى وسىندا كوتەرىلگەن بارشا ورمانداي ويلار مەن تولىمدى تۇجىرىمدارعا وزدەرىنىڭ ويلارى مەن كوزقاراستارىن زاماتىندا ءبىلدىرىپ جاتتى. سولاردىڭ بارلىعى دەرلىك ماقالانىڭ سوڭىنان بىردەن ورىن الا باستادى. ءبىزدىڭ ءبىر بايقاعانىمىز, سول پىكىر ايتىپ, كوممەنت جازعان وتانداستارىمىزدىڭ بارلىعى دا وزدەرىنىڭ ەلىمىزدىڭ كەلەشەگىنە رياسىز سەنەتىن بولىپ شىقتى. وسى رەتتە ولاردىڭ باسىم بولىگى قازاقستاننىڭ بولاشاعى جارقىن ەكەنىنە يماندارى كامىل ەكەندەرىن اشىق بىلدىرەدى. مۇنداي وپتيميستىك رۋح, ءپوزيتيۆتى سارىن ولارعا پرەزيدەنت ماقالاسىمەن جان-جاقتى دا مۇقيات تانىسىپ شىققاننان كەيىن كەلگەنى انىق. البەتتە, بۇل ءبىزدى دە قۋانتادى. سەبەبى, ءوزىنىڭ بولاشاعىنا سەنگەن ەل تۇرعىندارىنىڭ سەنىمى ەشقاشان الداعان ەمەس. ال ءبىز ءوز ەلىمىزدىڭ الداعى كەزەڭى قازىرگىدەن دا جارقىن بولا تۇسەتىنىنە ەشقانداي كۇمان كەلتىرە المايمىز. بىزگە مۇنداي تۇجىرىم جاساۋعا وقىرماندار ويلارى دا قولداۋ جاساپ, قوزعاۋ سالىپ وتىر. بەرىكباي قازاقستاننىڭ بەكەم بولاشاعى مەن كەمەل كەلەشەگى ەڭ الدىمەن ەلباسىنىڭ ساليقالى سايا­ساتىنىڭ ناتيجەسى دەپ بىلەمىن. جىل سايىنعى مەملەكەت باسشىسىنىڭ ءداستۇرلى حالىققا جول­داۋى – ەلىمىزدىڭ ەرتەڭگى كورىنىسىن, دامۋ جوس­پارىن ايشىقتاپ بەرەتىن ماڭىزدى جولسىلتەمە. مەن قاشاندا نۇرسۇلتاننىڭ «نۇرلى جولىن» ۇستانامىن! جادىرا مەملەكەت باسشىسىنىڭ 5 ينستيتۋتتىق رەفورماسىن باستان-اياق وقىپ شىقتىم. ۇنادى. وندا ەلباسى قازاقستاندىقتاردىڭ دامۋ جوسپارى مەن ەلىمىزدىڭ بولاشاعىن بايانداعان. ەكونوميكالىق-الەۋمەتتىك جەتىستىكتەر مەن ءىس-ارەكەتتەردى كورسەتكەن. ءبىز بىرلىكپەن بىرىگىپ, قيمىل جاساساق, قازاق ەلىنىڭ المايتىن قامالى, اسپايتىن اسۋى جوق! ەرباقىت, سولتۇستىك قازاقستان وبلىسى كاسىپكەرلەردى ابدەن ىعىر ەتەتىنى – ءجون-جوسىق­سىز تەكسەرۋلەر مەن بيۋروكراتتىق كەدەرگىلەر. سونىڭ سالدارىنان سالىقتى جاسىرۋعا, تابىستى بارىن­شا ازايتىپ كورسەتۋگە ءماجبۇر. ەندى بيۋروكرات­تىق شىعىنسىز ەكونوميكاعا قادام باسۋ ارقىلى سالىقتىق جانە كەدەندىك اكىمشىلىك جۇرگىزۋدى جاقسارتۋعا باعىتتالعان شارالار زور ماڭىز اتقاراتىنى انىق. ونىڭ ۇستىنە تەكسەرۋلەرگە شاعىم بەرۋ رەسىمى ءبىرتۇتاستاندىرىلسا, سالىقتىق رەجىمدەر دە وڭتايلانارى ءسوزسىز. مۇنىڭ ءبارى بيزنەس پەن كاسىپكەرلەر قۇقىعىن قورعاۋ جولىنداعى قارىشتى قادامدار بولىپ تابىلادى. يبراگيم جاردەمعالي ۇلى, اتىراۋ وبلىسى جاھان جۇرتىنىڭ تىنىشى كەتىپ تۇرعان بۇگىنگى الماعايىپ كەزەڭدە قازاقستاندى العا باس­تىراتىن 100 ناقتى قادام بار. بۇل – ەلباسى نۇرسۇلتان نازارباەۆ ۇسىنىپ وتىرعان ۇلت جوسپارى. «ەگەمەن قازاقستاننىڭ» بۇگىنگى سانىنان ۇلت جوسپارىنىڭ باسىم باعىتتارىنىڭ جيىنتىعى ىسپەتتى 100 قادامعا قادام باسۋدىڭ ناقتى جولدارىن كورسەتكەن ماقالاسىن دەن قويا وقىپ شىقتىم. مۇنداعى 5 ينستيتۋتتىق رەفورمانىڭ ەلدى ودان ءارى وركەندەتۋ ءۇشىن ماڭىزدىلىعى ايقىندالىپتى. نۇرسۇلتان نازارباەۆ – قازاقستاندى وركەنيەتتى ەلدەر قاتارىنا قوسقان كوشباسشى عانا ەمەس, سونىمەن بىرگە, ءار ازاماتتىڭ باقۋاتتى, الاڭسىز ءومىر سۇرۋىنە جاعداي جاساعان ۇلكەن تۇلعا. ەلدىڭ كەلەشەگىن ارىدەن ويلايتىن كورەگەندىگىن بۇگىنگى ماقالاسىنان دا انىق اڭعاردىق. قازاقستاندىقتاردى ءبىر ماقساتقا جۇمىلدىردى. ءبىزدىڭ ورتاق ارمانىمىز – ۇلى دالا ەلىن جاسامپاز ىستەرمەن جاڭعىرتۋ! ءبىز بۇل ۇلى ارماندى ىسكە اسىرامىز! ماديار قازاقستان تاۋەلسىزدىك العالى تەك العا قاراي ۇمتىلۋمەن كەلەدى. ەلباسىنىڭ اشىق ءارى ناقتى ساياساتىنىڭ ارقاسىندا ءبىز ۇلى مۇراتتارعا قول جەتكىزدىك. بارلىق ازاماتتار ەلباسىنىڭ جوس­پارىن قولداپ, ونىڭ ىسكە اسۋىنا قولىنان كەلگەنشە سەپتىگىن تيگىزەدى دەگەن ويدامىن. دۇيسەن, تالاس مەنىڭشە, وسى باعدارلامانى ءاربىر قازاقستاندىق وقىپ شىقسا ارتىق بولماس ەدى. بۇل – ەلدىڭ دامۋىنا باعىت بەرەتىن قۇجات. ارمان دۇيسەنبين پرەزيدەنت اۋزىنان شىققان ءسوز قاشاندا ىلكىمدى ىستەرگە ۇلاسىپ جاتادى. بۇگىن ەلىمىز باعىت ۇستاپ وتىرعان «ماڭگىلىك ەل» بولۋدىڭ نۇرلى جولىندا بارشا قازاقستاندىقتار جۇمىلعان جۇدىرىقتاي قيمىلداپ, ورتاق وتانىمىزدىڭ گۇلدەنۋىنە ۇلەس قوسۋى كەرەك. تۇرار ەگەمەندىگىمىزدى العالى بەرى ەلىمىزدى ورگە سۇيرەپ كەلە جاتقان ەلباسىنىڭ بۇل جولعى جوسپارى دا, الدىمىزدا تۇرعان بەلەستەردەن سۇرىنبەي وتۋىمىزگە سەپتىگىن تيگىزەرىنە سەنىمدىمىن. «100 ناقتى قادام» جارقىن بولاشاققا جەتەلەر يگى باستاما دەپ بىلەمىن. رينات بەس قادامنان ءۇمىتىمىز كوپ. قازاققا جۇمىس ىستەۋ كەرەك. قول جايىپ, ۇكىمەتتەن كومەك كۇتىپ وتىراتىن كەز ەمەس. داستان پرەزيدەنتتىڭ ماقالاسىندا جاقسى تالداۋ جاسالىپتى. وسىنداي دۇنيەلەر كەرەك. كوشەدە «ەگەمەندى» ىزدەپ جۇرگەن بىرنەشە تانىسىمدى كەزدەستىردىم. ءبىر وكىنىشتىسى, استاناداعى سول جاعالاۋدا گازەت ساتىل­ماي­دى دەيدى. وڭ جاعالاۋعا بارىپ, «ارتەمنىڭ» جا­نىن­داعى «التى الاش» دۇڭگىرشەگىنەن العاندارىن ايتتى. نۇرىم ەرعاليەۆ, «جايىق شۇعىلاسى» گازەتىنىڭ باس رەداكتورى, اتىراۋ وبلىسى, ماحامبەت اۋدانى ءبىز – ارمانى اسقاق ەلمىز. ءبىز – باسەكەگە قابىلەتتى ۇلتپىز. ءبىزدىڭ ەلىمىز كوپەتنوستى بولعانىمەن, ءبىزدىڭ ماقساتىمىز – ورتاق, مۇراتىمىز – ءبىر. ول – ماڭگىلىك ەل بولۋ. ەلباسى ورىندى ايتىپ وتىر, ءبىز تاۋەلسىز قازاقستاندى ۇلى دالا ەلى رەتىندە جاڭاشا قالىپتاستىرا الدىق. ەندى وسى باعىتىمىزدان تايماي, الەمدەگى ەڭ وزىق 30 ەلدىڭ بىرىنە اينالدىرۋ تۇرعىسىنداعى ۇلى مۇراتتى ىسكە اسىرۋعا باتىل قادام جاسادىق. سول ۇلى مۇراتتى ءىس جۇزىنە اسىراتىن ۇلت جوسپارىمىز دا بار. ونى بۇگىن ەلباسى ءوزىنىڭ ماقالاسىندا جان-جاقتى تالداپ, باستى باعىتتارىن ايقىنداپ بەردى. شىنىندا دا بۇل اتا-بابالارىمىزدىڭ عاسىرلار بويى اڭساعان اسقاق ارمانى ەدى. اتا-بابالاردىڭ اڭسارىن ناقتى قادامدارمەن جۇزەگە اسىرۋ بۇگىنگى ۇرپاقتىڭ ەنشىسىنە ءتيىپ وتىر. ءبىز و باستان جاڭاعا ۇمتىلاتىن, ءىلىم-ءبىلىمدى مەڭگەرۋگە تالپىناتىن, ومىرلىك قۇندىلىعىمىزعا اينالعان تاۋەلسىزدىكتىڭ قادىرىن سەزىنە بىلەتىن, العا قويعان ماقساتقا جەتۋ ءۇشىن اسىقساق تا اپتىقپايتىن, ۇلتتىق سالت-ءداستۇرىمىزدى ساقتاي وتىرىپ, جەتى جۇرتتىڭ ءتىلىن ءبىلۋ ارقىلى ورتاق وتانىمىز – قازاقستاندى باسەكەگە قابىلەتتى ەڭ قۋاتتى مەملەكەت دەڭگەيىنە كوتەرۋ جولىندا جۇمىلا الاتىنىمىزدى دالەلدەگەنبىز. سانجار بارلىق دەڭگەيدەگى اتقارۋشى بيلىك تۇراقتى نەگىزدە حالىققا ەسەپ بەرىپ وتىرۋى ءتيىس دەگەن ءسوزى دۇرىس دەپ ويلايمىن ايگەرىم ومىربەكقىزى, وسكەمەن ەلباسىمىزدىڭ ماقالاسىن egemen.kz سايتىنان وقىدىم. جالپى, بىزگە وسىنداي سۇڭعىلا ساياساتكەردى سىيلاعان جاراتقانعا مىڭ العىس. قانشاما ماسەلە قامتىلعان, قانداي تۇسىنىكتى جازىلعان, قانشالىقتى تەرەڭنەن قوزعالعان. بۇل قاراپايىم ادامنىڭ اتقارار شارۋاسى ەمەس. مەملەكەت باسشىسى شىن مانىندە ەلىمىزدى ەرتەڭگى كۇنگە ەرەكشە ەكپىنمەن جەتەلەپ كەلەدى. لايىم سولاي بولعاي! ەل ىرگەسى ءبۇتىن بولىپ, ويعا العان ماقساتتارىمىز ورىندالا بەرسىن. نۇرسۇلتان ءابىش ۇلىنا دەنساۋلىق تىلەيمىن. جاڭا جىلدا حالىققا جاسار جاقسىلىعى مول بولسىن! جانگۇل ۇلت جوسپارى – قازاقستان بولاشاعىنا باس­تايتىن جول. سول جولدا ءبəرىمىز ءبىر تىلەكپەن, بىردەي ماقساتپەن بىرىگىپ, ەل ءۇشىن بىرلەسە جۇمىس جاسايىق. راسۋل ءابىل ۇلى, جاڭا سەمەي, تاڭات اۋىلى پرەزيدەنتىمىزدىڭ ءبىر باسىنا وسىنشا وي مەن تولعام قالاي سىيادى ەكەن؟ ەل باسقارۋ دەگەن وڭاي ەمەسىن وسىنداي ءبىر دۇنيەنى كەرتىپ وقي باستاعاندا-اق تۇسىنەسىڭ. ءبىلىم مەن بىلىك, تاجىريبە مەن تالانت بولماسا, مەملەكەتتىڭ باسىندا ءبىر ءسات تۇرا الار ما ەكەنبىز. ءاي, قايدام. ەلباسى شىعىس قازاقستان وبلىسىنا كوپ جاقسىلىق جاساپ جاتىر. ەندى ءبىزدىڭ جولدارىمىز جوندەلسە ەكەن. بىزدىكى اۋىلىمىز بەن كولىگىمىزدىڭ ماسەلەسى عوي. جاقسى ماقالا. وسىنىڭ ءبارى ورىندالسا, مىقتى بولامىز. اللا جەتكىزسىن! توعجان اللابەرگەن, جامبىل وبلىسى ەلباسىمىز قاشاندا ەلدى قيىن-قىستاۋ كەزەڭ­دەردە ەلدى جارقىن بولاشاققا جەتەلەيتىن جوبالاردى ۇسىنىپ, ءوزىنىڭ كورەگەن باسشى ەكەنىن دالەلدەۋمەن كەلەدى. بۇل باعدارلاما دا سونىڭ ءبىرى. تەمىرلان قازاقتىڭ بولاشاعى كاسىپكەرلىكپەن بايلانىس­تى. كاسىبىڭ – ءناسىبىڭ دەپ بەكەر ايتپايدى. كەز كەلگەن قازاق ءوز كاسىبىن تاۋىپ, سودان تابىس تاۋىپ جاتسا سونداي قازاق ءۇشىن ماقتانامىن. شىنار ەلباسىنىڭ 100 ناقتى قادامى ورىندالسا, ەلىمىزدە كوپ جاقسى ىستەر ورىندالار ەدى. اسەم جاستاردىڭ بولاشاعى ءۇشىن ءبارى جاسالىپ جاتىر, تەك جاستارعا ەڭبەك ەتۋ, ءبىلىم الۋ كەرەك. اسىلبەك بۇل جوسپاردان ەندىگى كەزەكتە مەملەكەتىمىز ءۇشىن پايدالى ىستەردى, باستامالاردى اسىعا كۇتەمىز. تاۋەلسىز جىلدان بەرى ەلىمىزدى الەم الدىندا مويىنداتىپ كەلە جاتقان پرەزيدەنتىمىزدىڭ بۇل باستاماسىنان دا بۇكىل حالىق جاقسىلىقتان ءۇمىتتى. مارال قازاقستاننىڭ ءاربىر ازاماتى ەلىمىزدى ءسۇيۋ كەرەك, ەلىمىزدىڭ بولاشاعى ءۇشىن الاڭداۋى كەرەك. مارعۇلان, وڭتۇستىك قازاقستان مەملەكەت باسشىسىنىڭ «ۇلت جوسپارى – قازاقستاندىق ارمانعا باستايتىن جول» ماقالاسىن وقىپ شىقتىم. كوكەيگە تۇيگەنىمىز كوپ. ارمانى جوق حالىقتىڭ بولاشاعى جوق. مەملەكەتىمىز كەمەلدەنگەن جولعا ءتۇستى. ەكونوميكالىق الەۋە­تىمىز كوتەرىلدى. يندۋستريالىق-يننوۆاتسيالىق باعدارلامالار كەزەڭ-كەزەڭىمەن جۇزەگە اسىپ جاتىر. بارلىق وبلىستاردا ءوندىرىس ورىندارى كوبەيدى. قازاقستاندا تۇراتىن ۇلتتار مەن ۇلىس­تاردىڭ بىرلىگى مىقتى. ءبىر ماقسات, ءبىر مۇددەگە قىزمەت ەتىپ كەلەدى. ەلباسى ارمانداعان ماقالا­سىندا اتاپ كورسەتكەن ماسەلەلەردى وڭتايلى شەشۋدىڭ جولدارى بار. داعدارىس وتەدى, كەتەدى. ءبىزدىڭ حالىققا بۇرىنعىدان دا بەكەم بولىپ, كاسىپكە ماماندانۋ كەرەك. سوندا داعدارىس قورقىنىشتى ەمەس. قازاقستاندى جاقسى بولاشاق كۇتىپ تۇر.