جاستار جۇرەگىندەگى جەلكەن ەل جەتىستىگىن ەسەلەيدى

“نۇر وتان” حالىقتىق-دەمو­كرا­تيالىق پارتياسى قىزمەتىنىڭ ماڭىزدى باعىتتارىنىڭ ءبىرى ەل بولاشاعىنىڭ تىرەگى – جاستارمەن جۇمىستى كەڭ كولەمدە جۇرگىزۋ بو­لىپ تابىلادى. ەلباسى, پارتيا توراعاسى ن.نازارباەۆ وسىناۋ قۋاتتى قوزعالىستى قولداپ, مەم­لە­كەتتىك ساياساتتىڭ باستى بۋىندارى قاتارىندا ماڭىز بەرىپ وتىر. “نۇر وتان” حدپ توراعاسى­نىڭ ءبىرىنشى ورىنباسارى نۇرلان نىعماتۋلين اقمولا وبلىسىندا جۇمىس ساپارىمەن بولىپ, پارتيا­لىق ساياساتتىڭ وزەكتى ماسەلەلەرىن كوپشىلىك تالقىسىنا سالدى. ول “جاس وتان” جق قالالىق جانە اۋداندىق اتقارۋشى حاتشىلارىنا ارنالعان وقۋ سەمينارىنىڭ تىڭ­داۋ­شىلارى مەن “ديپلوممەن ­­— اۋىلعا!” باعدارلاماسى بويىنشا زەرەندى اۋدانىندا جۇمىس ىستەپ جاتقان جاستار الدىندا اشىق-جار­قىن اڭگىمە وتكىزدى. نۇرلان زايروللا ۇلى ەلباسى, پارتيا توراعاسى نۇرسۇلتان نازارباەۆ جۇك­تەگەن تاپسىرمالاردى ورىن­داۋ­داعى جاستارعا جۇكتەلگەن ءمىن­دەت­تەرگە جان-جاقتى توقتالىپ, ءبۇ­گىنگى ءىس-قيمىلدىڭ نەگىزگى باعىت­تا­رىن اشىپ كورسەتتى. ولاردىڭ قا­تارىندا ەلىمىزدىڭ يندۋستريالىق-يننوۆاتسيالىق ۇدەمەلى دامۋ باع­دارلاماسى, الەۋمەتتىك ورتاداعى احۋالدى جاقسارتۋ, ءبىلىم مەن عى­لىم الەۋەتىن كوتەرۋ ماسەلەلەرىمەن قاتار, پارتيا قولعا العان ساياسي جوبالار اۋقىمى كۇن تارتىبىنە قويىلىپ وتىر. قازاقستان تۇركى الەمىندە تۇڭعىش رەت ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق قىزمەتىن تابىستى اتقارىپ كەلەدى. سونىمەن قاتار, الداعى جەلتوقسان ايىندا ەقىۇ ءسامميتىنىڭ تاۋەلسىزدىك بەسىگى استانا قالاسىندا وتكىزىلۋى جا­سامپاز حالقىمىزعا, ۇلت كوش­باس­شىسى ن.نازارباەۆقا كورسەتىل­گەن باعا جەتپەس قۇرمەت بولماق. پرەزيدەنت قولداعان “ديپلوم­مەن — اۋىلعا!” قوزعالىسى جاستار جۇرەگىنە جىگەر قۇيدى. قازىردىڭ وزىندە 7000-نان استام جاس مامان اۋىلدارعا قونىستانىپ, جەمىستى جۇمىس ىستەپ ءجۇر. بۇل استانالىق اقمولا وبلىسىندا دا بەلسەندى سيپات الۋدا. پارتيا توراعاسىنىڭ ءبىرىنشى ورىنباسارىمەن بولعان كەزدە جاستار شىن مانىندە بۇكىلحالىقتىق جوباعا اينالعان قوزعالىستى ورىستەتۋ, اۋىل ءومىرىن گۇلدەندىرۋ جونىندە پىكىر الماسىپ, سۇراقتارعا جاۋاپ قايتارىلدى. “نۇر وتان” حدپ توراعاسىنىڭ ءبىرىنشى ورىنباسارى ن.نى­عما­تۋ­لين مەن اقمولا وبلىسىنىڭ اكىمى, پارتيانىڭ وبلىستىق فيليالىنىڭ توراعاسى س.دياچەنكو, فيليال باس­شىسىنىڭ ءبىرىنشى ورىنباسارى ع.شويكين قويىلعان ماسەلەلەردىڭ وزەكتىلىگىن اتاپ كورسەتىپ, پارتيا جانە وبلىستىق اتقارۋشى ورگان تاراپىنان ولاردى شەشۋگە جاعداي جاسالاتىندىعىن مالىمدەدى. باقبەرگەن امالبەك, اقمولا وبلىسى.