ۇيلەستىرۋ كەڭەسىنىڭ كەزەكتى وتىرىسى

كەشە باس پروكۋرور قايرات ءماميدىڭ توراعالىق ەتۋىمەن قۇقىق قورعاۋ ورگاندارى ۇيلەستىرۋ كەڭەسىنىڭ كەزەكتى وتىرىسى بولدى, وندا سىبايلاس جەمقورلىق قىلمىستارىنا قارسى كۇرەس, سىبايلاس جەمقورلىق ءۇشىن جاۋاپكەرشىلىك تۋرالى ەۋروپا كەڭەسىنىڭ تۇجىرىمداماسىنا قازاقستاننىڭ قوسىلۋى,   قىزمەتكەرلەردىڭ بىلىكتىلىگىن ارتتىرۋ جانە قۇقىق قورعاۋ قىزمەتىن عىلىمي جاعىنان قامتاماسىز ەتۋ, براكونەرلىككە قارسى كۇرەس ماسەلەلەرى قارالدى. ۇيلەستىرۋ كەڭەسى تالقىلاۋ ناتيجەلەرى بويىنشا قورشاعان ورتانى قورعاۋ جانە توتەنشە جاعدايلار جونىندەگى مينيسترلىكتەر قىزمەتىندەگى سىبايلاس جەمقورلىق فاكتىلەرىنىڭ الدىن الۋعا جانە ولاردىڭ جولىن كەسۋگە باعىتتالعان قوسىمشا ءتيىمدى شارالار قابىلداۋ قاجەتتىگى تۋرالى شەشىم قابىلدادى. قولدانىستاعى زاڭنامالاردى جە­تىل­دىرۋ شەڭبەرىندە وسى سالادا  قا­زاق­ستاننىڭ سىبايلاس جەمقور­لىق قىل­مى­سى ءۇشىن قىلمىستىق جانە ازامات­تىق-قۇقىقتىق جاۋاپ­كەر­شىلىك تۋرالى ەۋروپا كە­ڭەسىنىڭ تۇجىرىمداماسىنا قو­سىلۋىنىڭ ورىندى ەكەندىگى اتاپ ءوتىلدى. قىزمەتكەرلەردىڭ بىلىكتىلىگىن, قۇقىق قورعاۋ قىزمەتىن عىلىمي جاعىنان قامتاماسىز ەتۋدىڭ تيىمدىلىگىن  ارتتىرۋ ماسەلەلەرىندە قۇقىق قورعاۋ ورگاندارىنىڭ ءوزارا ارەكەتىن جاق­سارتۋ ءۇشىن ۇيلەستىرۋ كەڭەسى جانىنان قۇقىق قورعاۋ ورگاندارى قىزمەتىن عىلىمي-ادىستەمەلىك قامتاماسىز ەتۋ ورتالىعىن قۇرۋ ۇسىنىلدى. سونداي-اق, ۇيلەستىرۋ كەڭەسى ورال-كاسپي باسسەينىندەگى برو­كونەرلىككە قارسى كۇرەستىڭ تيىمدىلىگىن ودان ءارى ارتتىرۋعا جانە قۇقىق قورعاۋ ورگاندارىنىڭ وسى سالاداعى ارەكەتتەرىن ۇيلەستىرۋ جونىندەگى شارالاردى كۇشەيتۋگە باعىتتالعان شارالاردى بەلگىلەدى. “ەگەمەن-اقپارات”.