جاڭا اقپاراتتار حابارلاندى

كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىندە جاقىندا عانا ء“وز قىزمەتتىك بابىن اسىرا پايدالانعان” دەگەن ايىپ تاعىلعان دەنساۋلىق ساقتاۋ ءمينيسترى جاقسىلىق دوسقاليەۆكە قا­­تىستى قوزعالعان ءىس تۋرالى بريفينگ بولىپ ءوتتى. وندا اگەنتتىكتىڭ ار­نايى وكىلى مۇرات جۇمانباي وسى ىسكە قاتىستى جاڭا دەرەكتەردى جاريا ەتتى. تەرگەۋگە دەيىنگى تەكسەرىس با­رى­سىندا ءبىز دوسقاليەۆ پەن ءبىر­قاتار تۇلعالاردىڭ قىلمىستىق جاۋاپ­كەر­شىلىكتەن جالتارۋدىڭ ءتۇرلى جول­دارىن جوسپارلاعاندىعى تۋ­رالى اقپاراتقا يە بولدىق, ونىڭ ىشىندە شەتەلگە شىعۋ جانە دەن­ساۋلىق جاعدايىنىڭ ناشار­لاۋىنا بايلانىستى جايتتەر بار, دەپ حابارلادى ارنايى وكىل. قازاقستان اۋماعىنان كەتۋ ءجونىن­دەگى ءساتسىز­دىك­­تەن كەيىن ج.دوسقا­ليەۆ وزگە تۇل­­­عالارمەن ءسوز باي­لا­­سىپ, 2-ءشى جوس­­پارعا كوشكەن. ءبىز بۇل جەردە دوس­­قاليەۆتىڭ ءارىپ­تەس­تە­رى مەن با­عى­نىش­تىلارىنىڭ كور­پوراتيۆتىك ءبىر­لەستىگىنە تاپ بول­دىق, دەدى ول. بري­فينگ بارى­سىندا باس ءدارى­گەر­دىڭ, ونىڭ ور­ىن­باسارىنىڭ جانە ءتيىستى ەمدەۋشى دارىگەردىڭ جاۋاپ بەرگەن بەينە­جاز­باسى كورسەتىلدى. “بەي­نەجاز­با­نىڭ مازمۇنىنان قار­جى پولي­­تسيا­سى قىزمەتكەرلە­رى­نىڭ بار كە­زىندە ەسسىز جاعدايدا بول­عان دوس­­قا­ليەۆتىڭ شىن مانىندە اۋرۋعا سي­مۋلياتسيا جاساعاندىعى جانە تەر­گەۋ ورگاندارىن ءوزىنىڭ دەن­ساۋ­لى­عىنا قاتىستى قاساقانا ال­دا­عان­دىعى كورىنىپ تۇر. م.جۇ­مان­باي­دىڭ ايتۋىنشا, كۇدىكتى دوسقا­لي­ەۆ­تىڭ دەنساۋلىق جاعدايى وعان قوي­ىلعان دياگنوزعا سايكەس كەلمەيتىن كورىنەدى. ۆەنەرا تۇگەلباي.