قارتتارىم, اسىل قازىنام

بۇۇ-نىڭ باس اسسامبلەياسى 1990 جىلى 14 جەلتوقساندا 1 قازاندى حا­لىقارالىق قارتتار كۇنى دەپ جا­ريا­لادى. توقسانىنشى جىلداردىڭ با­سىندا ەۋروپادا, بەرى كەلە امە­ري­كادا كەڭ اتاپ وتىلەتىن مەرەكە, جىل­دار وتە الەم بويىنشا تويلانا باس­­تادى. بيىل مىنە, حالىقارالىق قارت­تار كۇنى مەرەكەسىنە 20 جىل تولعالى وتىر. وسىعان وراي, قازاقستان جاستا­رىنىڭ كونگرەسى 2010 جىلدىڭ 28 قىركۇيەك كۇنى استانا قالالىق قارت­تار مەن مۇگەدەكتەرگە ارنالعان مە­دي­كا-الەۋمەتتىك ورتالىعىندا ء“جۇ­رەكتەن جۇرەككە” اتتى قايىرىم­دى­لىق اكتسياسىن وتكىزدى. اكتسيا ء“بىر­لىگىمىز جاراسقان!” رەسپۋبليكالىق ناۋقانى اياسىندا جۇرگىزىلىپ وتىر. مەرەكەنىڭ مۇنشا ەرتە تويلانا باستاعانىنا, ءارى جاستاردىڭ قوناققا كەلگەنىنە اتا-اجەلەرىمىز ءبىر قۋانىپ قالدى. قازاقستان جاستارىنىڭ كون­گرەسى ەۋرازيا ۇلتتىق ۋنيۆەرسيتە­تىنىڭ ستۋدەنتتەرى قۋانىش يەلەرىنە كونتسەرت قويدى. جاستىق شاقتا بي­لەگەن ىرعاقتى اندەرىن ەستىپ, كەيبىر اپا-اجەلەرىمىز ورتاعا شىعىپ بيلەپ تە الدى. ۇلى وتان سوعىسىنىڭ ار­دا­گەرى, وسى مەكەمەگە ءتيىستى مۇرا­جاي­دىڭ جەتەكشىسى ولەگ يۆانوۆيچ بارشا اتا-اجەلەرىمىزدىڭ اتىنان جاستارعا العىسىن ايتتى. جانە شىن جۇرەكتەن ءوزىنىڭ اق باتاسىن بەردى. سازدى اننەن كۇمبىرلەگەن كۇيگە اۋىسقان قىزىقتى كونتسەرت ۇلكەن بۋىنمەن جاستاردىڭ قوسىلا بيلەگەن ىرعاقتى ۆالسىمەن اياقتالدى. مە­رەكە سوڭىندا قازاقستان جاستارى­نىڭ كونگرەسىنىڭ اتقارۋشى ديرەك­تو­رىنىڭ مىندەتىن اتقارۋشى شاح­مار­دان بايمانوۆ قۇتتىقتاۋ ءسوزىن اي­تىپ, بەلسەندى جاستار اتىنان سىي­لىق­تار تارتۋ ەتتى. ۇيىمداستى­رۋ­شى­لار سىيلىقتى كەرەگىنە جاراتسىڭ دەپ, الدىن-الا مەكەمە باسشى­لى­عىنان نە قاجەتتىگىن سۇراپ العان بولاتىن. وسىلايشا قارتتارعا ار­نال­عان ارنايى اربالار سىيلادى. “بۇل ءىس-شارا شارتتىلىق ءۇشىن ىستەلىپ جاتقان دۇنيە ەمەس. بۇل شىن ىقىلاسىمىز. تەك مەرەكە قارسا­ڭىن­دا عانا ەمەس, ەرىكتىلەر توبىن ەرتىپ ءجيى وسىندا جينالۋدى ءجون كورەمىز. بىردە كونتسەرت قويساق, بىردە اڭگىمە ايتۋعا, مۇمكىندىگىمىز بولسا قول قۋ­سىرىپ بوس كەلمەي, سىيلىعىمىزدى ال­ىپ كەلۋگە تىرىسامىز. وسى قۋا­نىش­تان گورى قامىعۋى, شاتتانۋىنان گورى جابىعۋى باسىم قارتتارى­مىز­دىڭ ارمانىن ايالاپ, قۇرمەتىن اسى­رىپ, كوڭىل كۇيىن تاسىتىپ جاتساق بو­لار. سەبەبى, بۇل ناعىز بىرلىگى جا­راس­قان حا­لىقتىڭ ءىسى بولار”, – دەدى جۋرنا­­ليس­تەرگە بەرگەن سۇحباتىندا شاحمار­­دان بايمانوۆ. ەلىگاي نۇر.