بەرەرى مول باسقوسۋ

قارجى پوليتسياسى اكادەميا­سىندا ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ۇيىمداستى­رۋى­مەن (قارجى پوليتسياسى) “كاسىپ­كەر­لىك قىزمەت سالاسىنداعى قىل­مىس­تار” اتتى وقۋ سەمينارى باس­تال­دى. وعان تمد جانە بالتىق ەل­دەرى, سونىڭ ىشىندە تاجىكستان, لات­­ۆيا, ۋكراينا مەملەكەتتەرىنىڭ وكىل­­­دە­­­رى, اكادەميا تىڭداۋشىلارى قاتىسۋدا. سەمينار جۇمىسىن باستاعان اكا­دەميا باستىعى, قارجى پوليتسيا­سىنىڭ پولكوۆنيگى مارات باشيموۆ بۇل باسقوسۋدىڭ بىرقاتار ءتاجىري­بە­لەر الماسۋ مەن ءوزارا قارىم-قاتى­ناستى دامىتۋدا ۇلكەن ماڭىزعا يە ەكەنىن ايتا كەلە, ءىس-شارا ماقساتى سالىقتىق جانە قارجىلىق قىل­مىس­­تارمەن كۇرەستى جۇزەگە اسىرۋ بو­لىپ تابىلاتىندىعىن دا نازار­دان تىس قالدىرمادى. وسى جيىنعا ارنايى كەلگەن لاتۆيا وكىلى پلاۋدە كارينا مەن ۋكراينا وكىلى ميحايل گنەزديلوۆ سەمينار ماڭىزىنا توق­تالدى. ال ەلىمىز قارجى پوليتسياسى اكادەمياسىنىڭ 3-كۋرس تىڭداۋ­شى­سى ولجاس بايباتشاەۆ كاسىبي سا­لادا بىلىكتىلىكتى جەتىلدىرە تۇسۋدە وسىنداي وقۋ سەمينارلارى ءجيى ءوتىپ تۇرسا دەگەن تىلەگىن جەتكىزدى. ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسيا­­سى)تمد-عا قاتىسۋشى ەلدەردىڭ سالىقتىق (قارجىلىق) تەكسەرۋ ورگاندارى باسشىلارىنىڭ ۇيلەس­تى­رۋ كەڭەسىنە (ستوۇك) ەلىمىز اتىنان مۇشە. كەڭەس تمد-عى سالالىق ىن­تىماقتاستىق ورگانى مارتەبەسىنە يە دەسەك, ونىڭ نەگىزگى ماقساتى سا­لىق­تىق (قارجىلىق) زاڭناما بۇزۋ­شى­لىقتارعا قارسى كۇرەستە ءىس-ارە­كەتتەردى ۇيلەستىرە وتىرىپ, ءوزارا ءىس-قيمىل جاساۋ بولىپ تابىلادى. ءابدىراحمان قىدىربەك.