تولقۇجات بەرۋ نەلىكتەن كەشىكتىرىلۋدە؟

ادىلەت مينيسترلىگىندە وتكەن بري­فينگتە مينيسترلىكتىڭ رەسمي وكىلى ە.ەرىمبەت جەكە كۋالىك الۋ بارى­سىن­دا قالىپتاسقان جاعداي تۋرالى باياندادى. سوڭعى كەزدەرى ازاماتتاردىڭ جەكە باسىن كۋالاندىراتىن قۇجات دايىنداۋ بارىسىندا قالىپتاسقان جاعداي كوپشىلىك تاراپىنان ورىندى نارازىلىق تۋعىزۋدا. وسىعان وراي ە. ەرىمبەت مۇنداي جاعدايدىڭ نەلىكتەن ورىن الىپ وتىرعاندىعىن ءتۇسىن­دى­رەتىن بىرنەشە سەبەپتەرگە توقتالدى.  ونىڭ العاشقى سەبەبى جەكە يدەن­تي­فيكاتسيالىق ءنومىر الۋعا بايلانىس­تى حالىقتىڭ جاپپاي ارىز بەرۋى. ەل ازاماتتارىنا قۇجاتتارىن جين بار جاڭاسىمەن اۋىستىرۋعا جانە الۋعا وسىعان دەيىن 3,5 جىل ۋاقىت بەرىلگەن بولاتىن. وكىنىشكە وراي, حا­لىقتىڭ كوپشىلىگى 3 جىل بويى جايبا­را­قاتتىق تانىتىپ كەلىپ, قال­عان از ۋا­قىت ىشىندە اسىعا باستادى. ستاتيس­تيكاعا سۇيەنسەك, جين بار جاڭا قۇجاتتارمەن اۋىستىرۋ تۋرالى زاڭ قابىلدانعان 2007 جىلى 50 مىڭ ازا­مات ءوتىنىش بىلدىرگەن, ال 2008 جى­لى – 144 مىڭ, 2009 جىلى 104 مىڭ ازا­­مات جاڭا جين بار قۇجات اۋىس­تىرۋعا ءوتىنىش تاپىرعان. ال سوڭعى 6 اي ىشىندە بۇل سان 900 مىڭنان اسىپ جىعىلعان كورىنەدى. وتكەن جىلدان باستاپ ەنگىزىلگەن پلاستيكتى ەلەكتروندى ءچيپى بار جەكە تولقۇجات ۇلگىسى كولەمى تۇرعىسىنان وتە ىڭعايلى جانە باسقا دا ارتىق­­شىلىقتارى بار. ال ءۇشىنشى سەبەپ – ەۋ­رووداقتىڭ ۆيزالىق كودەكس قابىل­داۋى. جاڭا كودەكسكە وراي مەرزىمى 10 جىلدان اسىپ كەتكەن پاسپورتقا شەن­گەن ۆيزاسى بەرىلمەيدى. سوڭعى جارتى جىلدا قۇجات اۋىستىرۋعا بەرىلگەن وتىنىشتەردىڭ سانى – 1 ملن.600 مىڭ. قازىرگى كۇنى  پاسپورت پەن جەكە تولقۇجات بەرىلگەن 640 مىڭ ءوتىنىش وندىرىستە جاتىر. ال بۇگىنگى تاڭدا كۇن سايىن مينيسترلىككە 5,5 مىڭ ارىز تۇسەدى ەكەن. وسى ورايدا ايتا كەتەر ءجايت, ەلىمىزدەگى جەكە تولقۇجات پەن پاسپورت دايىندايتىن 2 زاۋىتتىڭ مۇمكىندىگى تاۋلىگىنە 6 مىڭ تولقۇجاتقا جانە 3 مىڭ پاسپورتقا عانا جەتەدى. جوعارىدا اتالعان سەبەپتەر بوي­ىنشا, پاسپورت پەن جەكە تولقۇجاتتى تەز ارادا دايىنداۋعا بايلانىستى وتىنىشتەر ۋاقىتشا توقتاتىلدى, سونداي-اق ول قولدانىستاعى زاڭ بوي­­ىنشا بەلگىلەنگەن 2 اي ىشىندە دايىن بولماق. بۇل امالسىزدىقتان تۋىنداپ وتىرعان ۋاقىتشا شارا. كەلەسى جىل­دان باستاپ كۋالىكتى دايىنداۋدى جە­دەلدەتۋدىڭ 3 كاتەگورياسى دا قالپىنا كەلتىرىلەدى. ۆەنەرا تۇگەلباي.