الىس اۋدان ايشىقتارى

پەسكي اۋىلىنىڭ وقۋشىلارى مەكتەپ ءۇيىنىڭ تارلىعىنان ەكى اۋىسىمدا وقىپ كەلدى. سپورت زالىنىڭ بولماۋى دەنە قيمىلىمەن شىنىعۋعا قالىپتى مۇمكىندىك بەرمەيتىن. وداق ىدىرار الدىندا جاڭا مەكتەپ ءۇيىنىڭ ىرگەتاسى قالانىپ, ودان ءارى جالعاس تاپپاي قالدى. پەسكيلىكتەردىڭ كوپتەن بەرگى ارمانى بيىل عانا ورىندالدى. ەندى ولار ءۇشىن قىركۇيەك ايى ەرەكشە. 800-گە تارتا تۇرعىننىڭ ءوتىنىش-تىلەكتەرىنە وراي بولاشاق ءبىلىم وشاعىنىڭ جوباسى “100 مەكتەپ, 100 اۋرۋحانا” باعدارلاماسىنا ەنگىزىلىپ, رەسپۋبليكالىق بيۋدجەتتەن جارتى ميلليارد تەڭگە قارجى ءبولىندى. 250 ورىندى 2 قاباتتى ءبىلىم وتاۋى نەبارى ءبىر جىلدىڭ ىشىندە بوي كوتەرىپ, اۋىلدىڭ تورىنە ورنالاستى. ونىڭ اشىلۋ سالتاناتىنا وبلىس اكىمى سەرىك ءبىلالوۆ ارنايى كەلىپ, مەكتەپ ۇجىمىنا “گازەل” كولىگىن تارتۋ ەتتى. زاماناۋي قۇرال-جابدىقتار ورناتىلعان سى­نىپ­تاردى ارالاپ كوردى. وقۋ-ءادىس­تەمەلىك, مۋلتيمەديالىق كابي­نەتتەر, سپورت جانە اكت زالدارى كەڭ دە جارىق بولمەلەردە ورنالاسقان. 50 بالاعا لايىقتالعان شاعىن ورتالىق جۇمىس ىستەيدى. سەرىك سۇلتانعازى ۇلى اۋدان ورتالىعى – نوۆويشيم كەنتىندە بولىپ, يپوتەكالىق ءۇي­دىڭ قونىس تويىنا قاتىستى. ءتۇرلى سالا­لار­دا ەڭبەك ەتىپ جۇرگەن 12 مەملەكەتتىك قىزمەت­شىگە جايلى پاتەرلەردىڭ كىلتىن تابىس ەتتى. عابيت مۇسىرەپوۆ – وڭىردەگى ەڭ ءىرى استىقتى اۋدان. جىلدا بىتىك ەگىن وسىرەتىن ايماققا جازدىڭ قۋاڭشىلىعى وتە-موتە اسەر ەتكەنى بىردەن بايقالادى. سوعان قاراماستان, وزىق تاسىلدەردى, اسىرەسە, ىلعال ساقتايتىن تەحنولوگيالاردى قولدانۋدىڭ ارقاسىندا ورتاشا ءونىم الىنۋدا. س.ءبىلالوۆ ەگىس تاناپتارىن ارالاپ, ەلەۆاتورلاردىڭ استىق قابىلداۋ جايىمەن تانىستى. ديقاندارمەن اڭگىمە بارىسىندا نان جانە نان ونىمدەرى باعاسىن نەگىزسىز وسىرۋگە جول بەرىلمەيتىنىن, جەر-جەرلەردە مەموراندۋمعا قول قويىلىپ جاتقانىن, تۇراقتاندىرۋ قورىنا 600 مىڭ توننا استىق قۇيۋ سولتۇستىكقازاقستاندىقتار ءۇشىن باستى مىندەت ەكەنىن, مۇنىڭ ءوزى ازىق-ت ۇلىك قاۋىپسىزدىگىن قامتاماسىز ەتۋگە قوسىلاتىن سۇبەلى ۇلەس بولىپ تابىلاتىنىن قاداي ايتىپ, جاۋاپتى ناۋقاندى قىركۇيەك­تىڭ 10-ىنا دەيىن اياقتاۋدى تاپسىردى. اۋداندا جارىس كوشىن “تۇقىم” جشس باستاپ كەلەدى. سەرىكتەستىك باسشىسى مەكىباي كارىموۆتىڭ سوزىنە قاراعاندا, ناۋقان بەل ورتادان اۋعان. ونىمدىلىك 18 تسەنتنەرگە جەتەعابىل. وكرۋگ تۇرعىندارىنا جەمشوپ جەتكىزىلگەنىن, كارتوپ قازۋ جۇمىسى قوسا اتقارىلىپ جاتقانىن مالىمدەدى. ونىڭ ءىزىن وكشەلەي كەلە جاتقان “ۆوزۆىشەن-سك” 11 مىڭ گەكتار القاپتىڭ 80 پايىزىن باس­تىرىپ ۇلگىرىپتى. سەرىكتەستىك جەتەكشىسى ءابدىراحىم نۇقاەۆ قولدا بار تەحنيكانىڭ وراققا تۇگەل جۇمىلدىرىلعانىن, كەلەر جىل ءۇشىن ساپالى تۇقىم قۇيىپ الىن­عانىن جەتكىزدى.“بىرلىك-قازاقستان”, “ارتا­باق” شارۋا قوجالىقتارى ەگىن جيناۋدى اياقتاپتى. سامات تاسماعانبەتوۆتىڭ جەتەك­شىلىگىندەگى “ۆەست” شارۋاشىلىعى سوڭعى دەستەلەردى باستىرۋعا قىزۋ كىرىسكەن. نوۆو­ي­شيمدەگى ء“الىبي-استىق” جشس-نە قاراس­تى ەلەۆاتور بيىل ىسكە قوسىلىپتى. سى­يىم­دىلىعى 20 مىڭ توننانى قۇرايدى. استىق قابىلداۋ پۋنكتى قاربالاسقا تولى. –بار كۇش-جىگەر 622 مىڭ گەكتار القاپتىڭ استىعىن ىسىراپسىز جيناپ الۋعا جۇمىلدىرىلعان. جازدىڭ اپتاپ ىستىعى مەن قۋاڭشىلىعى شىعىمدىلىققا كەرى اسەر ەتتى. الايدا, گەكتار تۇسىمدىلىگى 8 تسەنت­نەردەن اينالسا دا, ساپاسى وتە جو­عارى. ماسەلەن, بالاۋىز 26-28-دەن كەم ەمەس. قولداعى استىقتىڭ 80 پايىزى ورى­لىپ, 76 پايىزى باستىرىلدى. ەگىن ەرتە پىسكەندىكتەن, تىكەلەي جيناۋ ءادىسىن قولدانۋدامىز,–دەيدى اۋدان اكىمى مارات تاسماعانبەتوۆ. ءومىر ەسقالي, سولتۇستىك قازاقستان وبلىسى, ع. مۇسىرەپوۆ اۋدانى.