قازاقستان رەسپۋبليكاسى ۇلتتىق بانكىنىڭ رەسمي حابارى
الماتى 2010 جىلعى 17 قىركۇيەك
“قازاقستاننىڭ فاۋناسى” مونەتالار سەرياسىنان
“قۇلاقتى جۇمىرباس كەسىرتكە” ەسكەرتكىش كۇمىس مونەتاسىن اينالىسقا شىعارۋ تۋرالى
“قازاقستان رەسپۋبليكاسىنىڭ ۇلتتىق بانكى تۋرالى” قازاقستان رەسپۋبليكاسىنىڭ 1995 جىلعى 30 ناۋرىزداعى № 2155 زاڭىنا سايكەس قازاقستان رەسپۋبليكاسىنىڭ ۇلتتىق بانكى 2010 جىلعى 17 قىركۇيەكتە “قازاقستاننىڭ فاۋناسى” مونەتالار سەرياسىنان “proوf” ساپاسىمەن جاسالعان نومينالى 500 تەڭگەلىك “قۇلاقتى جۇمىرباس كەسىرتكە” ەسكەرتكىش كۇمىس مونەتاسىن اينالىسقا شىعارادى.
مونەتانىڭ سيپاتتاماسى:
مونەتانىڭ نىسانى سوپاقشا. مونەتانىڭ بەت جاعىندا (اۆەرسىندە) ورتادا مونەتانىڭ نومينالىن ءبىلدىرەتىن “500 تەڭگە” دەگەن جازۋ بار. نومينالدىڭ استىندا مونەتا دايىندالعان مەتالدى, ونىڭ سىنامىن ءجانە ماسساسىن بىلدىرەتىن “Ag 925 24 g” دەگەن جازۋ, مونەتانىڭ سوعىلعان جىلىن بىلدىرەتىن “2010” دەگەن سان جانە قازاقستان تەڭگە سارايىنىڭ تاۋار بەلگىسى جازىلعان. جوعارعى بولىگىندە اينالدىرا مەملەكەتتىك تىلدە “قازاقستان ۇلتتىق بانكى” دەگەن جازۋ بار. مونەتانىڭ تومەنگى ءبولىگىندە كوبەلەكتىڭ ستيلدەندىرىلگەن كونتۋرلى سۋرەتى جانە وسىمدىكتەر كومپوزيتسياسى بەينەلەنگەن.
مونەتانىڭ سىرت جاعىندا (رەۆەرسىندە) ورتادا شاعىل قۇمىندا ەكى قۇلاقتى جۇمىرباس كەسىرتكە بەينەلەنىپ, بىرەۋى التىن جالاتىپ ورىندالعان. جوعارعى بولىگىندە بۇلت كەسكىندەلگەن. اينالدىرا مەملەكەتتىك ءتىلدە “قۇلاقتى جۇمىرباس كەسىرتكە” جانە لاتىن تىلىندە “PHRYNOCEPHALUS MYSTASEUS” – ءتۇردىڭ اتاۋى جازىلعان.
مونەتانىڭ بەت جانە سىرت جاعىنداعى بەينەلەر مەن جازۋلار بەدەرلەنىپ جازىلعان.
قىرى (گۋرت) بەدەرلى.
مونەتا 925 سىنامدى كۇمىستەن, ماسساسى – 24 گرامم, سوپاقتىعى 38,61 ح 28,81 مم., “proof” ساپاسىمەن دايىندالعان, تارالىمى – 4 مىڭ دانا.
نومينالى 500 تەڭگەلىك ەسكەرتكىش كۇمىس مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا, سونداي-اق شوتتارعا, سالىمدارعا, اككرەديتيۆتەرگە ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
قازاقستان رەسپۋبليكاسى ۇلتتىق بانكىنىڭ وسى رەسمي حابارعا تۇسىندىرمەسى
“قۇلاقتى جۇمىرباس كەسىرتكە” ەسكەرتكىش كۇمىس مونەتاسى “قازاقستاننىڭ فاۋناسى” مونەتالار سەرياسىنىڭ ءۇشىنشى مونەتاسى بولىپ تابىلادى. مونەتانىڭ نىسانى سوپاقشا, ونى دايىنداۋ كەزىندە التىن جالاتۋ تەحنولوگياسى پايدالانىلادى.
قۇلاقتى جۇمىرباس كەسىرتكە (phrynocephalus mystaceus) – قازاقستاندى مەكەندەيتىن كەسىرتكەنىڭ التى ءتۇرىنىڭ ىشىندەگى ەڭ ءىرىسى. ونىڭ ۇزىندىعى 24 سم جەتەدى, ونىڭ جارتىسىنا جۋىعى قۇيرىعى. ءتۇردىڭ اتاۋى ەكى ەزۋىندە ورنالاسقان قۇلاق تارىزدەس شەتى ىركىس-ءتىركىس ورنالاسقان ۇلكەن تەرى قاتپارلارىنا بايلانىستى شىققان. قۇلاقتى جۇمىرباستىڭ ءتۇسى سۇرعىلت جانە سارعىش قاق تۇنباسى ءتارىزدى قۇم ءتۇستەس. شاعىلدى قۇمدى مەكەندەيدى, قاۋىپ تونگەن كەزدە ونى اڭدۋشىنىڭ كوز الدىندا اسا جىلدامدىقپەن – دەنەسى ۇساق ءدىرىلدى قوزعالىسپەن قۇمعا باتىپ بارا جاتقانداي كومىلەدى.
“Proof” ساپاسىمەن جاسالعان ەسكەرتكىش كۇمىس مونەتالاردى “قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى” شارۋاشىلىق جۇرگىزۋ قۇقىعى بار رەسپۋبليكالىق مەملەكەتتىك كاسىپورنى دايىنداعان.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ءازىرلەنگەن.
“Proof” ساپاسىمەن جاسالعان ەسكەرتكىش كۇمىس مونەتالار كوللەكتسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا ساتىپ الۋعا بولادى. الماتى قالاسىندا مىنا مەكەن-جاي بويىنشا: پانفيلوۆ كوشەسى, 98. انىقتاما ءۇشىن تەلەفونى (727) 273-83-98.
