الىپتارعا ارنالدى

استانا قالاسى تىلدەردى دامىتۋ باسقارماسىنىڭ ۇيىمداستىرۋىمەن قازاقستان حالقى تىلدەرىنىڭ  ءحىى قالالىق فەستيۆالى اياسىندا ب.مومىش ۇلى مەن ج.جاباەۆ ەسكەرتكىشتەرىنىڭ الدىندا “تاعزىم مەن تاعىلىم” اتتى مەرەكەلىك ءىس-شارا ءوتتى “داۋعا سالسا, الماستاي قيعان, سەزىمگە سالسا قىرانداي قالقىعان, ويعا سالسا قورعاسىنداي بالقىعان, ءومىردىڭ كەز كەلگەن ورايىندا ءارى قارۋ, ءارى قالقان, ءارى بايىرعى, ءارى ماڭگى جاس, وتتى دا ويناقى انا تىلىنەن ارتىق قازاق ءۇشىن بۇل دۇنيەدە ارتىق نە بار ەكەن!”, دەگەن ەلباسى ن.نازارباەۆتىڭ بۇل سوزىنەن كەيىن, انا تىلىمىزگە دەگەن قۇرمەتىمىز ودان ءارى كۇشەيە تۇسپەك. راس, بۇگىندە  قازاق ءتىلىنىڭ اياسى كەڭەيىپ, ءورىسى ءوسىپ, قۇلاشى كەڭگە جازىلىپ كەلەدى. بۇل ءبىرىنشى كەزەكتە تاۋەلسىزدىگىمىزدىڭ,   ەكىنشىدەن, قازاق ءتىلىنىڭ مەملەكەتتىك مارتەبەگە يە بولعاندىعىنىڭ ارقاسى.  ءداستۇرلى بۇل مەرەكەلىك ءىس-شارا بيىل 12-ءشى رەت اتالىپ وتۋدە. قىركۇيەك ايىنىڭ 15-ءى كۇنى استانا اسپانى استىندا قازاقتىڭ ءبىرتۋار ۇلى, ءباھادۇر, باتىر ءارى اقىن بابامىز باۋىرجان مومىش ۇلى مەن ۇلى جىراۋ جامبىل جاباەۆ ەسكەرتكىشتەرىنە گۇل شوقتارىن قويۋدان باستالىپ, پاتريوتتىق ولەڭدەر وقىلىپ, اندەرى شىرقالدى. استانا قالاسى تىلدەردى دامىتۋ باسقارماسىنىڭ باستىعى ورازكۇل اسانعازىقىزى: باۋىرجان مومىش ۇلى الاش ارىستارىنىڭ رۋحاني مۇراگەرى دەسە, رەسپۋبليكالىق “ۇلاننىڭ” قولباسشىسى, گەنەرال-لەيتەنانت اباي تاسبولاتوۆ داڭقتى باتىر جايلى توقتالا كەلىپ, مەملەكەتتىك ءتىلدى ناسيحاتتاۋداعى ءوز ويىن ورتاعا سالدى. ال جامبىل جاباەۆ ەسكەرتكىشىنىڭ الدىنداعى شاراعا قالالىق تىلدەردى دامىتۋ باسقارماسى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى, ءبىلىم ورداسىنداعى “قازاق ادەبيەتى” كافەدراسى وقىتۋشىلارى مەن ستۋدەنتتەر قۇرامى ۇيىتقى بولدى. ءتىل مەرەكەسىندە  ۋنيۆەرسيتتەت ستۋدەنتتەرى مەن وقىتۋشىلارى دايىنداعان  قويىلىمدار مەن مەملەكەتتىك ءتىلدى ناسيحاتتاۋعا ارنالعان جۇمىستار كورسەتىلدى. ەۋرازيا ۇلتتىق ۋنيۆەرسيتەتىنىڭ وقۋ ادىستەمەلىك جانە ستراتەگيالىق دامۋ جونىندەگى پرورەكتورى ديقان قامزابەك ۇلى: “استانانىڭ ءاربىر بۇرىشىندا بۇگىندە ەسكەرتكىشتەر بوي كوتەرىپ كەلەدى. سولاردىڭ ءبىرى وسى جامبىل جاباەۆ ەسكەرتكىشى. وسىنداي ەسكەرتكىشتەردى كورگەنىمىزدە, قازاقتىڭ ءبىرتۋار ازاماتتارىن ەسكە الىپ, ولاردىڭ شىعارماشىلىعىن ودان ءارى جاڭعىرتۋ – بار­شامىزدىڭ بورىشىمىز. سوندىقتان دا, قازاق ءتىلى مەن مادەنيەتىنە ءبارىمىز بىردەي اتسالىسىپ,  ودان ءارى دامۋىنا ءوز ۇلەسىمىزدى قوسايىق”, – دەدى. ەگەمەندىگىمىزدى الىپ, ءتىلىمىز مەملەكەتتىك مارتەبەگە يە بولىپ, ىمىراسى جاراسىپ, ايرانداي ۇيىعان ەلدە ءومىر ءسۇرىپ جاتقان تۇستا انا ءتىلىمىزدى قۇرمەتتەمەي, وزگە ءتىلدىڭ تۋىن كوتەرۋ, اسىرەسە جاستارعا جاراسا قويمايتىنداي كورىنەدى. جۇلدىز ءبايدىلدا, ەۇۋ ستۋدەنتى.