قۇقىقتىق كومەك كورسەتۋ ماقساتىندا

مەملەكەت باسشىسىنىڭ ۋكرايناعا رەسمي ساپارى شەڭبەرىندە قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆ پەن ادام قۇقىقتارى جونىندەگى ۋكراينا جوعارعى راداسىنىڭ ۋاكىلى نينا كارپاچەۆانىڭ اراسىندا ادام مەن ازاماتتىڭ قۇقىقتارى مەن بوستاندىقتارىن قورعاۋ سالاسىنداعى ىنتىماقتاستىق تۋرالى كەلىسىمگە قول قويدى. بۇل كەلىسىم تاراپتاردىڭ حالىقارالىق قۇقىقتىڭ جالپىعا تانىمال نورمالارى جانە قاعيدالارىمەن, ەكى ەلدىڭ كونستيتۋتسيالارى جانە زاڭناماسىمەن كەپىلدىك بەرىلگەن ادام مەن ازاماتتىڭ قۇقىقتارى مەن بوستاندىقتارىن قورعاۋ جانە ساقتاۋدى بارىنشا قامتاماسىز ەتۋگە جالپى تالپىنۋىنا سۇيەنە وتىرىپ جاسالىندى. كەلىسىم قازاقستان مەن ۋكراينانىڭ ۇلتتىق قۇقىق قورعاۋ ينستيتۋتتارىنا ەكى مەملەكەتتىڭ اۋماقتارىندا ازاماتتاردىڭ قۇقىقتارىن قورعاۋ سالاسىندا ءوزارا قۇقىقتىق كومەك كورسەتۋگە مۇمكىندىك بەرەدى. قۇجاتتا نورماتيۆتىك قۇقىقتىق اكتىلەرمەن جانە ومبۋدسمەندەردىڭ قىزمەتتەرىن ۇيىمداستىرۋ, نىساندارى مەن ادىستەرى تۋرالى باسقا دا اقپاراتپەن, سونداي-اق ەكى ەلدىڭ اۋماقتارىندا ازاماتتاردىڭ قۇقىقتارى مەن بوستاندىقتارىنىڭ بۇزىلۋىنىڭ بارلىق بەلگىلى بولعان جاعدايلارى تۋرالى مالىمەتتەرمەن ولاردى جويۋ بويىنشا ءتيىستى مەملەكەتتىك ورگانداردىڭ نازارىن اۋدارۋ ءۇشىن تۇراقتى الماسۋ كوزدەلگەن. ومبۋدسمەندەردىڭ ءوزارا ءىس-ساپارى, بىرلەسكەن كونفەرەنتسيالار, سەمينارلار, وقۋ-ادىستەمەلىك كۋرستار وتكىزۋ جوسپارلانعان. قوي قويىلعان كەلىسىم ادام قۇقىقتارىن قام­تا­ماسىز ەتۋ سالاسىندا ەكى تاتۋ مەملەكەتتىڭ ىن­تىماقتاستىعىن كەڭەيتۋگە باعىتتالعان, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.