قىزمەت ساپاسى باعالاۋمەن انىقتالادى

16 قىركۇيەكتە مەملەكەتتىك قىزمەت ىستەرى اگەنتتىكتە ورتالىق مەملەكەتتىك ورگاندار مەن جەرگىلىكتى اتقارۋشى ورگانداردىڭ كادر قىزمەتتەرىنىڭ جانە سىبايلاس جەمقورلىققا قارسى كۇرەس باعدارلاماسىن ازىرلەۋگە جانە ۆەدومستۆولىق باعدارلامالاردى ورىنداۋعا جاۋاپتى قۇرىلىمدىق بولىمشەلەر باسشىلارىنىڭ قاتىسۋىمەن سەمينار-كەڭەس بولىپ ءوتتى. ونى مەملەكەتتىك قىزمەت ىستەرى جونىندەگى اگەنتتىكتىڭ توراعاسى ق.نۇرپەيىسوۆ اشىپ, اگەنتتىك جۇمىسىنىڭ باعىت­تارىن اتاپ ءوتىپ, ونىڭ كەيبىر ما­ڭىز­دى ماسەلەلەرىنە جان-جاقتى تۇسىنىك بەردى. مەملەكەت باسشىسىنىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا ءمۇم­كىندىكتەرى” اتتى قا­زاقستان حالقىنا جولداۋىن, قا­زاقستان رەسپۋبلي­كاسىنىڭ 2010 جىلدان 2020 جىلعا دەيىنگى قۇ­قىق­تىق ساياسات تۇجى­رىمداماسىن, قا­زاق­ستان رەسپۋب­لي­كاسىنىڭ 2020 جىل­عا دەيىنگى سترا­تەگيالىق دامۋ جوس­پارىن جۇزەگە اسىرۋ ماقساتىندا مەملەكەتتىك قىز­مەت جۇيەسىنە رە­فورمالاۋ ءجۇر­گىزىلەدى. اعىمداعى جىلدىڭ قىركۇيەك ايى­نان باستاپ اقمولا جانە وڭ­تۇستىك قازاقستان وبلىستارىندا مەم­لەكەتتىك قىزمەتكە كونكۋرستىق ىرىكتەۋدىڭ ەكى كەزەڭدىك جۇيەسىمەن قابىلداۋ بويىنشا قاناتقاقتى جوبا باستالدى. 2011 جىلدان باستاپ قازاق­ستان­دا مەملەكەتتىك ورگاندار قىزمەتىنىڭ تيىمدىلىگىنە جىل سايىنعى باعالاۋ جۇرگىزىلەدى. باعالاۋدىڭ ناتيجەلەرى مەملەكەت باسشىسىنىڭ قاراۋىنا ۇسىنىلاتىن بولادى. اگەنتتىك مەملەكەتتىك قىزمەت كور­سەتۋدىڭ ساپاسى جانە مەملە­كەت­تىك قىزمەت پەرسونالىن باسقارۋ بوي­ىنشا باعالاۋدى جۇزەگە اسى­را­دى­. بيىلعى جىلى ەڭبەك جانە حا­لىق­تى الەۋمەتتىك قورعاۋ مينيستر­لى­گىندە جانە تابيعي مونوپوليا­لار­دى رەتتەۋ اگەنتتىگىندە قاناتقاقتى باعالاۋلار جۇرگىزىلدى. باسقوسۋدا مەملەكەتتىك ورگان­دار­دىڭ وكىلدەرى اتالعان باع­دار­لامالار بويىنشا وزەكتى ماسە­لە­لەردى تال­قى­­لاپ, الداعى بىرلەسىپ اتقارىلاتىن جۇ­مىستار بويىنشا ۇسىنىستار جاسادى. “ەگەمەن-اقپارات”.