باتىر تويىنىڭ ءدۇبىرى جاقىنداپ كەلەدى

كەڭەس وداعىنىڭ باتىرى, قازاق حالقىنىڭ قاھارمان پەرزەنتى باۋ­ىرجان مومىش ۇلىنىڭ تۋعانىنا 100 تولۋىنا ارنالعان مەرەيتويعا بايلانىستى دايىندىق جۇمىستارى اياقتالىپ كەلەدى. بۇگىندە باتىر تويىنداعى دۋ­مان­نىڭ ءدۇبىرىن ارتتىراتىن ۇلتتىق ات سپورتى ويىندارىن وتكىزۋدى موي­ىندارىنا العان كوميسسيا ءوز جۇ­مىس­تارىن تياناقتاي ءتۇستى. مى­سا­لى, كوكپارعا قاتىسقىسى كەلەتىن شا­باندوزدار كومانداسى باتىر ات­ىن­­داعى يپپودرومعا 20 قىركۇيەك كۇ­­نى كەلىپ, الدىن-الا تىركەلۋى كە­رەك. سوندا 21-25 قىركۇيەك ارالى­عىندا وتەتىن دوداعا ەمىن-ەركىن قا­تىسىپ, باق سىناي الادى. الدىن-الا جاسالعان بولجام بويىنشا, وتە تارتىستى وتەدى دەپ كۇتىلىپ وتىرعان بۇل باسەكەدە جەڭىمپازدار كومان­دا­سى “نيۆا” اۆتوكولىگىمەن ماراپات­تا­لادى. جۇلدەگەرلەر دە سىيلىقتان قۇرالاقان قالمايدى. الامان بايگە (25 كم), توق بايگە (16 كم) جانە قۇنان بايگە (11 كم) 25 قىركۇيەك كۇندەرى وتكىزىلمەك. ول ءۇشىن جۇيرىك يەلەرى وبلىس ورتا­لى­عى­نا كۇنى بۇرىن جەتىپ, بايگەگە قا­تىسۋعا ءتيىستى جارنالارىن تولەيدى. بايگەدەن ءبىرىنشى كەلگەن تۇل­پارلاردىڭ يەلەرىنە “دجيپ”, “جي­­گۋلي” جانە “نەكسيا” كولىكتەرى تاپ­­سىرىلادى. جۇلدەلى ورىندارعا يە بولعاندار باعالى سىيلىقتارعا يە بولادى. باتىر تويىندا سونداي-اق تاعى باسقا دا ۇلتتىق ات سپورتى ويىن­دا­رىن تاماشالاۋعا بولادى. كوسەمالى ساتتىباي ۇلى, جامبىل وبلىسى.