الەۋمەتتىك يدەيالار جارمەڭكەسى

اقمولا وبلىستىق ىشكى ساياسات باسقارما­سى­نىڭ وقۋ-ادىستەمەلىك ورتالىعىندا “سا­لا­ماتتى بولاشاق” وبلىستىق جاستار ءبىر­لەس­تىگىنىڭ قولداۋىمەن “الەۋمەتتىك يدەيالار مەن جوبالار” جارمەڭكەسى وتكىزىلدى. ارنايى كور­مەگە وبلىس­تاعى 400-دەن استام قوعامدىق بىرلەستىك ۇسىنعان ەڭبەك­تەردەن تاڭداۋلى 20-سى ىرىكتەپ الىندى. جۇرتشىلىق نازارىنا ۇسىنىلعان جۇمىس­تار­دىڭ اۆتورلارى ۇدەمەلى دامۋ ۇستىندەگى تاۋەل­سىز مەملەكەتىمىزدىڭ ايشىقتى تابىستارىن پاش ەتۋ­مەن قاتار, ەكونوميكا مەن الەۋمەتتىك سالانى ءبا­­سەكەلەستىك ورتاعا بەيىمدەۋ, يدەولو­گيا­لىق سايا­ساتتى جەتىلدىرۋ, قوعامدىق بەلسەندىلىكتى ارت­تىرۋ باعىتىنداعى ۇستانىمدارىن دايەكتى دالەلدەي ءبىلدى. باسەكەلەستىك دەمەكشى, وسىناۋ ينتەللەك­تۋال­دىق ساي­ىستا دا وزا شاپقاندار بايگە تورىنەن كورىندى. ۇيىم­داس­تىرۋ القاسى بەس نوميناتسيا بوي­ىنشا وبلىس ورتا­لى­عىنىڭ “توميريس”, ستەپنوگوردىڭ “دەسانتنوە براتستۆو”, ارشالى اۋدانىنىڭ “ال­تاير”, “قورعالجىن جاستارى”, ساندىقتاۋ اۋدانى­نىڭ “جاس وركەن” قوعامدىق ۇيىم­دا­رىن جەڭىمپاز دەپ تانىدى. ولاردى وبلىس اكىمى س.ديا­چەن­كو مەن وبلىستىق ىشكى ساياسات باسقارماسىنىڭ باستىعى گ.شوكەۆا قۇتتىقتاپ, سەرتيفيكاتتار تاپسىردى. باقبەرگەن امالبەك, اقمولا وبلىسى.