كەشە سىرتقى ىستەر مينيسترلىگىندە اتالعان ۆەدومستۆونىڭ رەسمي وكىلى اسقار ابدراحمانوۆتىڭ قاتىسۋىمەن بريفينگ وتكىزدى. وندا جاقىن كۇندەرگە جوسپارلانعان ءىس-شارالار مەن وقيعالار جونىندە اقپارات بەرىلدى.
رەسمي وكىلدىڭ سوزىنە قاراعاندا, 14 جانە 15 قىركۇيەكتە ۋكراينا پرەزيدەنتى ۆيكتور يانۋكوۆيچتىڭ شاقىرۋىمەن قازاقستان پرەزيدەنتى نۇرسۇلتان نازارباەۆ رەسمي ساپارمەن بارماق. قوس مەملەكەت باسشىلارىنىڭ كيەۆتە وتەتىن كەلىسسوزدەرى بارىسىندا ەكىجاقتى جانە كوپجاقتى ايادا قازاقستان مەن ۋكراينا اراسىنداعى ىنتىماقتاستىق ءماسەلەلەرىن كەڭەيتۋ جايى كوزدەلەدى ەكەن. سونداي-اق, ەكىجاقتى قۇجاتتارعا قول قويىلۋى ءتيىس دەپ كۇتىلۋدە كورىنەدى.
بۇدان كەيىنگى كەزەكتە رەسمي وكىل 15 جانە 16 قىركۇيەك كۇندەرى قازاقستان پرەزيدەنتى نۇرسۇلتان نازارباەۆ ىستامبۇلدا وتەتىن تۇركىتىلدەس مەملەكەتتەر باسشىلارىنىڭ 10-شى مەرەيتويلىق سامميتىنە قاتىساتىندىعىن اتاپ ءوتتى. “الداعى باسقوسۋ بارىسىندا تۇركىتىلدەس ەلدەردىڭ كوشباسشىلارى سامميتكە قاتىسۋشى مەملەكەتتەر اراسىنداعى قارىم-قاتىناستارعا قاتىستى بىرقاتار جاعدايلاردى, ورتاق قىزىعۋشىلىق تۋعىزاتىن ايماقتىق جانە جاھاندىق پروبلەمالاردى, تۇركى كەڭەسى حاتشىلىعىن قۇرۋ جانە باسشىلىعىن تاعايىنداۋ ماسەلەسىن تالقىلايتىن بولادى”, دەدى بۇل تۋراسىندا ا.ابدراحمانوۆ. تاعى ءبىر اتاپ وتەرلىگى, اتالعان سامميت اياسىندا بيىلعى جىلدىڭ مامىر ايىندا تۇركيا پرەزيدەنتى ابدۋللا گۇلدىڭ قازاقستانعا رەسمي ساپارى بارىسىندا نۇرسۇلتان نازارباەۆتىڭ باستاماسىمەن استانادا اشىلعان ءتۇرى الەمى اكادەمياسىنىڭ قىزمەتى جونىندە پىكىر الماسۋ بولماق. سونىمەن قاتار, بۇل كەلەلى باسقوسۋدىڭ كۇن تارتىبىندە تۇركى كەڭەسىنىڭ قامقورلىعى اياسىندا جاڭا كونسۋلتاتيۆتى ورگان – اقساقالدار كەڭەسىن قۇرۋ ماسەلەسى كوزدەلىپ وتىرعانىن دا ايتقان ءجون. سامميت قورىتىندىسى بويىنشا ىستامبۇل دەكلاراتسياسىنا قول قويۋ جوسپارلانۋدا, دەدى ا.ابدراحمانوۆ.
بۇل كۇنگى بريفينگتە سونداي-اق, 16 جانە 17 قىركۇيەكتە ۆەنادا ەقىۇ-عا قازاقستاننىڭ توراعالىعى مەن دەموكراتيالىق ينستيتۋتتار جانە ادام قۇقىقتارى بيۋروسىنىڭ بىرلەسكەن ۇيلەستىرۋىمەن ۇيىمعا قاتىسۋشى مەملەكەتتەردە ەلەكتروندى داۋىس بەرۋدىڭ قازىرگى احۋالى مەن كەلەشەگىن تالقىلاۋعا ارنالعان ساراپشىلار سەمينارى وتەتىندىگى ايتىلدى.
“ال 16 جانە 17 قىركۇيەكتە اسكەري-ساياسي ولشەمدە ەقىۇ ماقساتتارىن ىسكە اسىرۋ ءجونىندەگى ءىس-شارالار جوسپارىنا سايكەس, قازاقستاننىڭ قورعانىس مينيسترلىگى مەن استاناداعى ەقىۇ ورتالىعىنىڭ بىرلەسە ۇيلەستىرۋىمەن الماتىدا “ورتالىق ازياداعى جەڭىل جانە اتىس قارۋىنىڭ زاڭسىز اينالىمىمەن كۇرەس” تاقىرىبىندا حالىقارالىق سەمينار وتكىزىلەدى. سەمينار بارىسىندا جەڭىل جانە اتىس قارۋىنا قاتىستى يمپورتتاۋ, ەكسپورتتاۋ, دەلدالدىق قىزمەت, تاڭبالاۋ جانە باقىلاۋدىڭ حالىقارالىق ستاندارتتارى قاراستىرىلادى”, دەدى رەسمي وكىل ءوز سوزىندە.
بريفينگتە 17 قىركۇيەكتە ماسكەۋدە وتەتىن تمد ەكونوميكالىق كەڭەسىنىڭ 47-ءشى باسقوسۋى تۋراسىندا دا جان-جاقتى ايتىلدى.
ءلايلا ەدىلقىزى.
رەسمي وكىلدىڭ سوزىنە قاراعاندا, 14 جانە 15 قىركۇيەكتە ۋكراينا پرەزيدەنتى ۆيكتور يانۋكوۆيچتىڭ شاقىرۋىمەن قازاقستان پرەزيدەنتى نۇرسۇلتان نازارباەۆ رەسمي ساپارمەن بارماق. قوس مەملەكەت باسشىلارىنىڭ كيەۆتە وتەتىن كەلىسسوزدەرى بارىسىندا ەكىجاقتى جانە كوپجاقتى ايادا قازاقستان مەن ۋكراينا اراسىنداعى ىنتىماقتاستىق ءماسەلەلەرىن كەڭەيتۋ جايى كوزدەلەدى ەكەن. سونداي-اق, ەكىجاقتى قۇجاتتارعا قول قويىلۋى ءتيىس دەپ كۇتىلۋدە كورىنەدى.
بۇدان كەيىنگى كەزەكتە رەسمي وكىل 15 جانە 16 قىركۇيەك كۇندەرى قازاقستان پرەزيدەنتى نۇرسۇلتان نازارباەۆ ىستامبۇلدا وتەتىن تۇركىتىلدەس مەملەكەتتەر باسشىلارىنىڭ 10-شى مەرەيتويلىق سامميتىنە قاتىساتىندىعىن اتاپ ءوتتى. “الداعى باسقوسۋ بارىسىندا تۇركىتىلدەس ەلدەردىڭ كوشباسشىلارى سامميتكە قاتىسۋشى مەملەكەتتەر اراسىنداعى قارىم-قاتىناستارعا قاتىستى بىرقاتار جاعدايلاردى, ورتاق قىزىعۋشىلىق تۋعىزاتىن ايماقتىق جانە جاھاندىق پروبلەمالاردى, تۇركى كەڭەسى حاتشىلىعىن قۇرۋ جانە باسشىلىعىن تاعايىنداۋ ماسەلەسىن تالقىلايتىن بولادى”, دەدى بۇل تۋراسىندا ا.ابدراحمانوۆ. تاعى ءبىر اتاپ وتەرلىگى, اتالعان سامميت اياسىندا بيىلعى جىلدىڭ مامىر ايىندا تۇركيا پرەزيدەنتى ابدۋللا گۇلدىڭ قازاقستانعا رەسمي ساپارى بارىسىندا نۇرسۇلتان نازارباەۆتىڭ باستاماسىمەن استانادا اشىلعان ءتۇرى الەمى اكادەمياسىنىڭ قىزمەتى جونىندە پىكىر الماسۋ بولماق. سونىمەن قاتار, بۇل كەلەلى باسقوسۋدىڭ كۇن تارتىبىندە تۇركى كەڭەسىنىڭ قامقورلىعى اياسىندا جاڭا كونسۋلتاتيۆتى ورگان – اقساقالدار كەڭەسىن قۇرۋ ماسەلەسى كوزدەلىپ وتىرعانىن دا ايتقان ءجون. سامميت قورىتىندىسى بويىنشا ىستامبۇل دەكلاراتسياسىنا قول قويۋ جوسپارلانۋدا, دەدى ا.ابدراحمانوۆ.
بۇل كۇنگى بريفينگتە سونداي-اق, 16 جانە 17 قىركۇيەكتە ۆەنادا ەقىۇ-عا قازاقستاننىڭ توراعالىعى مەن دەموكراتيالىق ينستيتۋتتار جانە ادام قۇقىقتارى بيۋروسىنىڭ بىرلەسكەن ۇيلەستىرۋىمەن ۇيىمعا قاتىسۋشى مەملەكەتتەردە ەلەكتروندى داۋىس بەرۋدىڭ قازىرگى احۋالى مەن كەلەشەگىن تالقىلاۋعا ارنالعان ساراپشىلار سەمينارى وتەتىندىگى ايتىلدى.
“ال 16 جانە 17 قىركۇيەكتە اسكەري-ساياسي ولشەمدە ەقىۇ ماقساتتارىن ىسكە اسىرۋ ءجونىندەگى ءىس-شارالار جوسپارىنا سايكەس, قازاقستاننىڭ قورعانىس مينيسترلىگى مەن استاناداعى ەقىۇ ورتالىعىنىڭ بىرلەسە ۇيلەستىرۋىمەن الماتىدا “ورتالىق ازياداعى جەڭىل جانە اتىس قارۋىنىڭ زاڭسىز اينالىمىمەن كۇرەس” تاقىرىبىندا حالىقارالىق سەمينار وتكىزىلەدى. سەمينار بارىسىندا جەڭىل جانە اتىس قارۋىنا قاتىستى يمپورتتاۋ, ەكسپورتتاۋ, دەلدالدىق قىزمەت, تاڭبالاۋ جانە باقىلاۋدىڭ حالىقارالىق ستاندارتتارى قاراستىرىلادى”, دەدى رەسمي وكىل ءوز سوزىندە.
بريفينگتە 17 قىركۇيەكتە ماسكەۋدە وتەتىن تمد ەكونوميكالىق كەڭەسىنىڭ 47-ءشى باسقوسۋى تۋراسىندا دا جان-جاقتى ايتىلدى.
ءلايلا ەدىلقىزى.
