يندۋستريالاندىرۋ ءىسى ۇلتتىق يدەيا دەڭگەيىنە كوتەرىلمەك

پرەمەر-مينيستر كارىم ءماسىموۆتىڭ توراعالىعىمەن سەلەكتورلىق كەڭەس تۇرىندە وتكەن كەشەگى ۇكىمەت وتىرىسىندا ەلباسىنىڭ تىكەلەي تاپسىرماسىمەن قولعا الىنعان ەلىمىزدى يندۋستريالاندىرۋ ىسىنە بارىنشا ماڭىز بەرۋ, ونى ۇلتتىق يدەيا دەڭگەيىنە كوتەرۋ تۋرالى كەلەلى اڭگىمە بولدى. وسى ماسەلە جونىندەگى اعىمداعى ءىستىڭ بارىسى تۋرالى بايانداما جاساعان يندۋستريا جانە جاڭا تەحنولوگيالار ۆيتسە-ءمينيسترى بەرىك كاماليەۆتىڭ ايتۋى بويىنشا, بيىلعى جىلعا جالپى قۇنى 840 ميلليارد تەڭگەنى قۇرايتىن 144 جوبانى جۇزەگە اسىرۋدىڭ جوسپارى جاسالعان بولاتىن. وسىنىڭ نەگىزىندە ەلىمىزدە 20 مىڭنان استام جاڭا جۇمىس ورنى قۇرىلۋى ءتيىس. ۇستىمىزدەگى جىلدىڭ ءبىرىنشى جارتىسىندا 131 ميلليارد تەڭگەنىڭ 72 ينۆەستيتسيالىق جوباسى جۇزەگە اسقانى بەلگىلى. بۇل 12 مىڭنان استام تۇراقتى جۇمىس ورنىن قۇرۋعا ءمۇم­كىندىك بەردى. ەندى ەكىنشى جارتى­جىل­دىقتا 559 ميلليارد تەڭگەنىڭ 72 جو­باسى جۇزەگە اسۋعا ءتيىس بولاتىن. ونىڭ 4-ءۋى قازىردىڭ وزىندە ىسكە قوسىلعان. ءومىردىڭ ءاردايىم وزگەرىسكە بەيىم تۇراتىندىعى بەلگىلى. سول سەكىلدى بەلگىلەنگەن جوبالاردى ىسكە قوسۋدا ازداعان وزگەرىستەر بار سەكىلدى. ماسە­لەن, يندۋستريا جانە جاڭا تەحنو­لو­گيالار مينيسترلىگىنىڭ ءار اي سايىن جەرگىلىكتى اتقارۋ ورگاندارىمەن بىرلەسىپ وتكىزەتىن ماجىلىستەرىندە 12 جوبانى ىسكە قوسۋ مەرزىمىنىڭ كەلەسى جىلعا اۋىستى­رىلۋى مۇمكىن ەكەندىگى بايقالىپ وتىر. ونىڭ ەسەسىنە پرە­زيدەنت اكىمشىلىگىنىڭ مەملەكەتتىك ينس­پەكتورلارىمەن وڭىرلەرگە بارىپ, جاعدايمەن تانىسىپ, ماسەلەلەردى تالقىلاۋ بارىسىندا ەلىمىزدىڭ ين­دۋستريالىق كارتاسىنا قوسىمشا 83 جوبانى قوسۋ مۇمكىندىگى انىق­تال­عان. بۇل جوبالاردىڭ 27-ءسىن بيىل اياقتاۋدىڭ تولىق مۇمكىندىكتەرى بار.  مىنە, وسىنداي وزگەرىستەردى ەسەپكە الاتىن بولساق, ۇستىمىزدەگى جىلدىڭ ەكىنشى جارتىسىندا جيىنى 80 جوبا ىسكە قوسىلماق. سونىمەن ءومىر وزگەرىستەردىڭ ءوزى ينۆەستيتسيالىق جوبالاردى بەلگىلەپ, ولاردى ىسكە اسىرۋ مەرزىمىن ايقىنداعان تۇستا  ەل ەكونوميكاسىندا وڭ وزگەرىستەر بار ەكەندىگىن كورسەتىپ وتىر. ۇكىمەت باسشىسى كارىم ءماسى­موۆ جۇزەگە اسىرىلاتىن يندۋس­تريا­­لىق جوبالاردىڭ ماسەلەسىن تالقى­لاي كەلە بۇل ىسكە نەعۇرلىم تەرە­ڭى­رەك ءارى كەڭىرەك اۋقىم بە­رىلەتىن­دىگىن اتاپ كورسەتتى. ونىڭ ايتۋىن­شا, بۇدان بىلايعى ۋا­قىتتا ەلىمىزدى يندۋس­تريا­لاندىرۋ ءىسى ۇلتتىق يدەيا دەڭ­گەيىنە كوتە­رى­لۋى ءتيىس. ۇكىمەت باس­شىسىنىڭ وسى ءسوزىن مۇنان كەيىن ءسوز كە­زە­گىن العان پرەمەر-مي­نيستر­دىڭ ورىنباسارى – ين­دۋس­تريا جانە جاڭا تەحنولوگيالار مي­نيسترى اسەت يسەكەشوۆتىڭ جا­سا­عان بايان­داماسى تولىعىمەن قۋات­تاپ شىق­تى. ەندىگى كەزەكتە ءبىزدىڭ ەلى­مىز­دەگى باستى نازار ناق وسى ماسە­لەگە اۋدارىلماق. ورتا­لىق جانە جەر­گىلىكتى مەملەكەتتىك ورگان­داردىڭ ءبىرىنشى باسشى­لا­رى­نىڭ جۇمى­سى ناق وسى يدەيا­نىڭ جۇزەگە اسى­رىلۋىمەن باعالا­ناتىن بولا­دى. ەلىمىزگە ينۆەستي­تسيا تارتۋ ىسىنە بارىنشا پارمەن بەرىلەدى. وسىعان وراي پرەمەر-مي­نيستر كارىم ءماسىموۆ ءتيىستى ور­گانداردىڭ الدىنا بىرقاتار جاڭا تاپسىرمالار بەردى. الدىن-الا ەسەپتەۋلەرگە قارا­عاندا, ەلىمىزدىڭ شيكىزاتتىق ەمەس سەكتورىنا تاياۋ­داعى 4 جىلدىڭ ىشىندە 30 ميل­ليارد دوللاردىڭ ينۆەستيتسياسىن تارتۋ مۇمكىندىگى بار ەكەن. وسى ءمۇم­كىندىكتى جۇزەگە اسىرۋ ءۇشىن اكىم­دەر وڭىرلەرگە ين­ۆەستيتسيا تار­تۋدىڭ بارلىق مۇمكىندىك­تەرىن قاراستىراتىن بولادى. سونى­مەن قاتار يندۋستريالاندىرۋ كار­تا­سىنا ەنگىزىلگەن جوبالاردى ءجۇ­زە­گە اسىرۋشى كاسىپكەرلەردى تەك­سە­رۋ­گە موراتوري جاريالاۋ ءجونىن­دە ەل­باسى قاراۋىنا ۇسىنىس ەنگىزىلەتىن بولدى. وسىعان وراي ادىلەت مي­نيسترلىگىنە قويىلعان ماسەلەنى جۇزەگە اسىرۋدىڭ جول­دارىن قاراس­تىرۋ تاپسىرىلدى. وبلىس جانە قالا اكىمدەرىنە 2 اپتانىڭ ىشىندە وزدەرى ءمىن­دەتىنە العان جوبالاردىڭ جاع­دايىن سول جەرگە بارا وتىرىپ قايتا ءبىر تەك­سەرۋ جۇكتەلدى. سو­نى­مەن قاتار ۇكى­مەت باسشىسى ۇدەمەلى يندۋستريا­لىق-يننوۆا­تسيا­لىق دامۋدىڭ مەم­لە­كەتتىك باعدارلاماسىن ودان ءارى جۇزەگە اسى­رۋعا قاتىستى بىرقاتار تاپ­سىر­مالار بەردى. ءاربىر وبلىس اكىمى مەن مەملەكەتتىك ورگاننىڭ باسشىسىنا وزدەرى باسقاراتىن با­عىتتار بويىنشا 2 ايدىڭ ءىشىن­دە عىلىمي-يننوۆاتسيالىق دامۋ­دىڭ مۇمكىندىكتەرى مەن تەتىكتەرىن انىق­تاۋ تاپسىرىلدى. سونىمەن قاتار 10 كۇننىڭ ىشىندە يندۋس­تريا­لاندىرۋدى باسقارۋ ورتا­لىعىن قۇرۋ تۋرالى قاۋ­لىنىڭ جوباسىن ازىرلەۋ مىندەت­تەلدى. وتىرىستا بايلانىس جانە اق­پارات ءمينيسترى اسقار جۇماعا­ليەۆ ءسوز الىپ, يندۋستريا­لان­دىرۋ ءىسىن, ونىڭ ماڭىزىن حالىق­قا جەتكىزۋ جونىندە ازىرلەنىپ جاتقان شارالار  جونىندە ايتىپ بەردى. مينيستر ەلىمىزدە جاسالعان ءاربىر ونىمگە, ۇساق تاۋارلاردان باس­تاپ قۇراس­تى­رى­لاتىن اۆتوكو­لىك­تەر, ءتۇرلى تەح­نيكالارعا دەيىن “قازاقستاندا جا­سالعان” دەگەن بەلگىنى قويۋدى, سونى­مەن قاتار ءبىر كۇندى يندۋستريا­لان­دىرۋ كۇنى دەپ اتاۋدى ۇسىندى. مي­نيستر­دىڭ پىكىرىنشە, ءاربىر قازاق­ستاندىق ەلى­مىزدە جۇزەگە اسىرى­لىپ جاتقان ۇدەمەلى يندۋس­تريالىق-ين­نوۆا­تسيالىق دامۋ باعدار­لاماسىنىڭ ناتيجەلەرى­مەن جاق­سى تانىس بولۋى كەرەك. وسىعان وراي مي­نيسترلىك ءوز تاراپىنان بىرقاتار جاڭا شارالار ازىرلەۋ ۇستىندە. وسى وتىرىستا سونىمەن قاتار قىسقا ازىرلىك ماسەلەسى قارالدى. اتالعان ماسەلە جونىندە حابار­لاما جاساعان يندۋستريا جانە جاڭا تەحنولوگيالار ۆيتسە-مي­نيسترى د.تۇر­عانوۆتىڭ ايتۋىنشا, جالپى داي­ىندىق بارىسى جامان ەمەس. دەگەنمەن, كەيبىر جەرلەردە مازۋت جەت­كىزۋ ءىسىنىڭ وتكەن جىل­مەن سالىس­تىرعاندا, تومەن ەكەن­دىنگى بايقالدى. اتالعان ەكى ماسەلە جونىندە ينتەراكتيۆتى بايلانىس ارقىلى بار­لىق وبلىس باسشىلارى ءسوز الىپ, وزدەرىندەگى جاعدايدى ايتىپ بەردى. سۇڭعات ءالىپباي.