ورتتەن زارداپ شەككەندەرگە كومەك

مۇنىڭ الدىنداعى حابارىمىزدا 8  قىركۇيەك كۇنى  قاتتى سوققان جەلدەن شارباقتى جانە لەبياجى اۋداندارىنا قاراستى ورمان شارۋاشىلىقتارى قى­زىل ورتكە ورانىپ, 6  ادام قازا بول­عانىن,  جاباعىلى, بەيىمبەت, كوكجال اۋىلدارىنىڭ  تۇرعىندارى كورشىلەس بەگەن, توساعاش اۋىلدارىنا ۋاقىتشا كو­شىرىلگەنىن جازعان ەدىك. قازىر ءورت­تەن قورقىپ قاشقان تۇرعىندار اۋىل­دارىنا ورالدى. جاعداي تىنىشتالدى. ورماننىڭ ىرگەسىندە وتىرعان اۋىل­دار­دا بولسىن, ورمان شارۋاشى­لىق­تارىندا بولسىن ورتكە قارسى دۇرىس تەحنيكا, قۇرال-جابدىقتاردىڭ بول­ماۋى اپاتتان قورعانا الماۋدىڭ تاعى ءبىر سەبەبى, جىل سايىن ورمان ءۇشىن قانشاما قاراجات بولىنەدى, ولار قاي­دا كەتەدى دەگەن وسى جەردە تاعى دا زاڭدى سۇراق تۋىندايدى. ارينە, ورتتەن كەيىنگى ءۇر­پيى­سىپ, ۇركىپ قالعان اۋىل­­دىڭ جاعدايى  بەلگىلى. كۇندە كورىپ ارالاسىپ جۇرگەن كورشىلەرى, اۋىلداستارى  قازا بولدى. وسىدان ءبىر اي بۇرىن شالعايدا جاتقان وسى جا­باعىلى, شوقتال, مەرعالىم اۋىل­دارىنا وبلىس اكىمى باقىتجان سا­عىن­تاەۆ كەلىپ, ەلدىڭ جاعدايىمەن تانى­سىپ قايتقان بولاتىن. اۋىلدا ورىن العان الەۋمەتتىك جاعدايلارعا كوڭىلى تولماي, “الىستاعى  بولاشاعى جوق دەپ ءبىز دالاعا قالدىرا الماي­مىز, ون ءۇي بولسا دا بىزدەن قامقور­لىق كۇتەدى, ون ءۇي وتىرسا دا ەلدىڭ ءبىر بۇرىشىن ساقتاپ وتىر” دەپ جەرگىلىكتى اكىم-قارالاردى سىن تەزىنە العان ەدى. ىلە, ەلدىڭ جاعدايىنا نازار اۋدارا قويماعان  اكىم-قارالاردى وبلىس­تىق اكىمدىكتىڭ ۇلكەن زالىنا جيناپ, اۋىل — قازاقتىڭ التىن بەسىگى, سول قازىقتى مىقتاپ ۇستاۋ, ساقتاۋ — سەن­دەر­دىڭ قولدارىڭدا دەپ تاعى دا تاپ­سىر­مالار بەرىلدى. امال قانشا, ونسىز دا “بولا­شاعى جوق” دەپ ايدار تاعى­لىپ كوزدەن تاسا, كوڭىلدەن شەت قالىپ جۇرگەندە اۋىلدارعا ورمان ءورتى قايتا اي­نا­لىپ سوقتى. وقىستان كەلگەن ءورت  مالدى دا, جاندى دا  اياعان جوق, ادام شى­عىنىمەن قاتار, اۋىلدىڭ 10 ءىرى قارا مالى, ءبىر جىلقىسى جانىپ كەتكەن. ورمان ءورتى ورىن العان اۋماققا توتەنشە جاعدايلار ءمينيسترى ۆلا­دي­مير بوجكو جانە وبلىس اكىمى باقىت­جان ساعىنتاەۆ  سول كۇنى-اق كەلىپ جەتىپ, قيىندىقتا قايدا بارارلارىن بىلمەي ابدىراپ قالعان اۋىل حالقى­مەن بىرگە بولدى. سول جەردە جەدەل تۇردە ءورتتى اۋىزدىقتاۋ جانە تۇرعىن­دار­دىڭ قاۋىپسىزدىگىن قامتاماسىز ەتۋ جونىندەگى  شتاب قۇرىلدى. بارلىق تەح­نيكالار جۇمىلىپ, ۇشاقتار كەلىپ, ءورتتى سوندىرۋگە اسكەريلەر, قۇقىق قورعاۋ ورىندارى, توتەنشە جاعداي, ءورت ءسوندىرۋ قىزمەتتەرىنىڭ جانە جەر­گى­لىكتى اكىمدىكتەر تاراپىنان بۇكىل كۇش-قۋاتتار جۇمىلدىرىلدى. استانا­دان وسى سالاعا قاتىسى بار مينيستر­لىك وكىلدەرى دە كەلىپ جەتتى. لەبياجى اۋداندىق اۋرۋحاناسىندا وبلىستىق دەنساۋلىق ساقتاۋ باسقارماسى تاراپىنان بارعان جەدەل سانيتارلىق بريگادالار ورتكە كۇيىپ جارالانعان  ورمانشىلارعا, اۋىل ادامدارىنا كۇنى-ءتۇنى كومەك جاسادى. قاپىدا قازا تاپقان ادامداردىڭ وتباسىلارىنا وبلىس اكىمى باقىتجان ساعىنتاەۆتىڭ تاپسىرماسى بويىنشا وبلىستىق اكىمدىك 6 ميلليون تەڭگە قاراجات ءبولدى. ءار وتباسىنا 1 ميل­ليون تەڭگەدەن. مارقۇمداردى سوڭعى ساپارعا شىعارىپ, جەرلەۋ ءراسىم­دەرى­نىڭ شىعىندارىن دا جەرگىلىكتى ات­قا­رۋشى بيلىك ورىندارى جانە “ەرتىس ورمانى” رەزەرۆاتى اكىمشىلىگى  ءوز موي­ىندارىنا الدى. لەبياجى اۋدانى­نىڭ اكىمى سەرىك اپسالىقوۆتىڭ اي­تۋىن­شا, قازىر ورتتەن جاپا شەككەن اۋىلدارعا جان-جاقتان كومەك كە­لۋ­دە. قىس بولسا جاقىنداپ قالدى. اۋىلداردىڭ مايا-مايا ۇيگەن شوپتەرى جانىپ كەتىپتى. ءار ۇيدە 30-40 مال بار, قازىر  مال قورالارى جەم-ءشوپسىز قال­عان  ۇيلەرگە ءشوپ جەتكىزىلۋدە. وبلىس اۋداندارى جاباعىلى مەن بەيىمبەت اۋىلدارىنا جان-جاقتان كومەك قولدا­رىن سوزۋدا. ال ورماندى ورتتەن قورعاپ قالامىز دەپ ارپالىسقا تۇسكەن ور­مانشىلار ەلىمىزدىڭ جوعارى ماراپات­تاۋلارىنا ۇسىنىلاتىن بولادى. فاريدا بىقاي, پاۆلودار وبلىسى.