حوككەي

بابى مەن باعى كەلىسكەن جەڭدى وتكەن اپتادا قۇرلىقتىق حوككەي ليگاسىنىڭ جاڭا ماۋسىمىنىڭ شىمىلدىعى اشىلدى. وسى باسەكەگە بىرنەشە جىلدان بەرى قاتىسىپ, باق سى­ناسىپ كەلە جاتقان استانانىڭ “بارىس” كومانداسى تىرناقالدى ويىنىن چەرەپوۆەتستىڭ “سەۆەرستال” كلۋ­بى­مەن وتكىزدى. وكىنىشكە قاراي, ءوز الاڭىندا العاشقى ويىنىن باستاعان استانالىقتار بۇل كەزدەسۋدە قار­سى­لاستارىنان 2:5 ەسەبىمەن ۇتىلىپ قالدى. كەزدەسۋدىڭ اشىلۋىنا پرەمەر-مينيستر كارىم ءما­سىموۆ قاتىستى. جەرگىلىكتى حوككەيشىلەر ءبىرىنشى بو­لىپ ەسەپ اشىپ, ودان كەيىن ەسەپتى ەسەلەسە دە ويىن­نىڭ سوڭىنا دەيىن ءوز قاقپاسىنا بەس بىردەي شايبانى جىبەرىپ الدى. ماتچتىڭ سوڭىندا “بارىس” كلۋبىنىڭ باس باپكەرى ان­درەي حومۋتوۆ كوماندا ساپىندا تالعات جايلاۋوۆ پەن كەۆين داللمەن گول سوققانىمەن, ويىنشىلاردىڭ كو­بىسىنىڭ ايدىننان قۋىلىپ, سونىڭ كەسىرىنەن ءۇش وي­ىن­شى قالعاندا قارسىلاستارىنان ءۇش بىردەي گولدى ءجى­بەرىپ العانىن ايتتى. وسى جاعدايدى ءتيىمدى پايدا­لانعان رەسەيلىكتەر استانالىقتار قاق­پا­سىنا تاعى ەكى شايبا سالىپ, ايلالارىن اسىرىپ كەتتى. داستان كەنجالين.