گااگاداعى باسقوسۋ

5-9 قىركۇيەكتە گااگا قالاسىندا (نيدەرلاند) “شەكارادان ءوتۋ” دەگەن تاقىرىپپەن پروكۋرورلاردىڭ حالىقارالىق اسسوتسياتسياسىنىڭ (پحا) 15-ءشى كونفەرەنتسياسى ءوتتى. كونفەرەنتسيا جۇمىسىنا حالىقارالىق ۇيىمدار, ۇكىمەتتىك ەمەس سەكتورلار, اكادەميالىق ورتالار مەن جەكە ادامداردى قوسقاندا 250 قاتىسۋشى مەملەكەتتىڭ وكىلدەرى اتسالىستى. قازاقستان رەسپۋبليكاسىنىڭ باس پروكۋراتۋراسى العاشقى جانە بىردەن-ءبىر پروكۋرورلار ۇيىمى – پحا-نىڭ 1999 جىلدان بەرى ۇيىمدىق مۇشەسى بولىپ تابىلادى. 1995 جىلى ۇكىمەتتىك ەمەس, بەي­سايا­سي ۇيىم رەتىندە تانىلعان پحا قازىرگى ۋاقىتتا الەمنىڭ 130 ەلىنىڭ 1400-دەن استام جەكە جانە 129 ۇيىم­دىق مۇشەسىن بىرىكتىرىپ وتىر. پحا-نىڭ جىل سايىنعى كونفە­رەن­تسياسى ءارتۇرلى ەلدەردىڭ پروكۋ­را­تۋ­را ورگاندارى ءۇشىن ۇلتارالىق قىل­مىس­پەن كۇرەستەگى ءوزارا ءىس-قيمىلدار مەن ورتاق كوزقاراستاردى قالىپ­تاس­تى­رۋ جولىندا ءتيىمدى الاڭ بولىپ تا­بىلادى. وتكەن كونفەرەنتسيا بارى­سىن­دا ادام ساۋداسى, ۇيىمداسقان قىل­مىس, م ۇلىكتەردى قايتارۋ, ءوزارا قۇ­قىقتىق كومەك پەن بوي تاسالاپ ءجۇر­گەن قىلمىسكەرلەردى وتكەرۋ سياق­تى ماسەلەلەر تالقىلاندى. پحا-نىڭ 15-ءشى كونفەرەن­تسيا­سى­نا قر باس پروكۋرورى قايرات ءمامي قاتىسىپ, ول “بوي تاسالاپ جۇرگەن قىل­مىسكەرلەردى وتكەرۋ (ەكسترا­دي­تسيا)” تاقىرىبىمەن وتكەن 4-ءشى پلەنارلىق سەسسيانىڭ سپيكەرى بولدى. 2011 جىلعى قازان ايىندا استانا قالاسىندا پحا-نىڭ ورتالىق جانە شى­عىس ەۋروپا مەن ورتالىق ازيا ەل­دەرىنىڭ 6-شى ايماقتىق كونفەرەن­تسياسىنىڭ وتكىزىلۋىنە بايلانىستى ق.ءمامي وسى ەلدەردىڭ وكىلدەرىن اتالعان فورۋمعا قاتىسۋعا شاقىردى. قر باس پروكۋرورى پلەنارلىق سەسسيا ماجىلىستەرىنە قاتىسا ءجۇرىپ كورەيا رەسپۋبليكاسىنىڭ باس پروكۋ­رورى دجۋنگيۋ كيممەن, نيدەرلاند كورولدىگىنىڭ ادىلەت ءمينيسترى ەرنست حيرش باللينمەن, ەۋروپانىڭ ادام قۇقىقتارى جونىندەگى سوتىنىڭ سۋدياسى ەگبەرت مايەرمەن, پحا-نىڭ تاعايىندالعان باس حاتشىسى رولاند دە كريۋكپەن جانە ەۆرويۋست وكىلىمەن كەز­دەسۋلەر وتكىزدى. پحا-نىڭ باس كە­ڭەسشىسى ەليزابەت حوۋ حانىممەن كەز­دەسۋ بارىسىندا 2011 جىلدىڭ قازا­نىندا استانا قالاسىندا پحا-نىڭ 6-شى ايماقتىق كونفەرەنتسياسىن ءوت­كىزۋگە دايىندىق ماسەلەلەرى تالقى­لان­دى, دەپ حابارلادى باس پروكۋرا­تۋرانىڭ حالىقارالىق قاتىناستار دەپارتامەنتى.