قالا قىسقا دايىن با؟..

ءسىز نە دەيسىز؟ سارىالا كۇز دە كەلىپ جەتتى. ەندى ءبىراز ۋاقىتتاردان كەيىن ءسولتۇس­تىك­تىڭ سۋىعى دا باستالا­دى. قا­زىرگى كۇننىڭ وزىندە ءبىر كۇن سالقىن, ءبىر كۇن جىلى بولىپ قۇبىلىپ تۇر­عاندا, قىستىڭ قالاي بولارىن كىم ءبىلسىن. اۋا رايىنىڭ وسىنداي وزگەرىسىنەن-اق قىس قىر استىندا دەپ بىلەمىز. وبلىس ورتالىعىندا بىلتىر قىس ورتاسىندا اپاتتى وقيعالار دا ورىن الدى. جالپى, وبلىس ورتالىعىنىڭ قىس­قا دايىندىق جۇمىستارىن ەرتە كوكتەمنەن باستاپ جاز بويى جۇرگىزىلگەنىن كوشەلەر بويى­نان, اۋلالار ىشىنەن, قالا اكىم­دى­گىنىڭ كوممۋنالدىق شارۋاشىلىق باسشىلارىن شاقىرىپ ءجيى وتكىزە باستاعان وتىرىستارىنان باي­قاپ, كورىپ ءجۇرمىز. سوندا قىسى ال­تى ايعا سوزىلاتىن ءبىزدىڭ وب­لىس ورتالىعىنىڭ قىسقى ماۋ­سىم­عا دايىندىعى قانداي ەكەن؟ “ەگەمەن قازاقستاننىڭ” پاۆلودار وبلىسىنداعى ءتىلشىسى فاريدا بىقاي قالا اكىمى باقىتجان جولامانوۆقا: – ءسىز بۇعان نە دەيسىز؟ – جاڭا ءوزىڭىز ايتىپ وتكەن­دەي, قالا اكىمدىگىندە قازىر كۇندە جي­نالىس دەسەم دە بولادى. قىس­تىڭ قامىن قازىردەن قولعا الىپ, دايىندىق جۇمىستارىن جەدەل قولعا الماساق, ۋاقىتتان ۇتىلىپ قالارىمىز انىق. قالانىڭ قىس­قا دايىندىعى جونىندە ارنايى قۇرىلعان شتاب وتىرىسىنا بار­لىق كوممۋنالدىق جۇيە باس­شى­لارى قاتىسادى. وبلىس ورتالى­عىن­دا جالپى 1314 تۇرعىن ءۇي بار. بۇلارعا 200-دەن استام كووپە­راتيۆ قىزمەت كورسەتەدى. تۇرعىن ۇيلەرگە, مەكتەپ, اۋرۋ­حانا, بالاباقشا سياقتى الەۋ­مەت­تىك نىساندارعا جىلۋ بەرەتىن توراپتار جۇيەسى  جاز بويى سىناقتاردان وتكىزىلىپ, قىس ماۋسىمىنا ءازىر. جوعارىدا اتال­عان تۇرعىن ۇيلەردىڭ 817 ءۇيى دە تو­لىعىمەن جىلۋ ماۋسىمىنا دايىن تۇر. ازىرشە, سونداي ءبىر قاۋىپتى, اسا كۇردەلى ماسەلەلەر جوق. وبلىس ورتالىعىنىڭ كارل ماركس, سۋۆوروۆ, پاۆلوۆ, لۋنا­چارسكي, مير, تورايعىروۆ كو­شەلەرى بويىنداعى جىلۋ جۇيە­لەرى كۇردەلى جوندەۋلەردەن وتۋدە, قىركۇيەكتىڭ سوڭىنا دەيىن اياق­تالادى. سوڭعى ءۇش جىل بويى لەر­مونتوۆ كوشەسى جاز ايلارىن­دا جابىلدى. ابدەن شىرىگەن قۇبىرلار الىنىپ, ورنىنا زاما­ناۋي جاڭا قۇبىرلار, ايازعا ءتوزىمدى كوللەكتور سالىندى. ءساۋىر ايىندا باستالعان “جول كارتاسى” باعدارلاماسى بويىن­شا 281 ميلليون تەڭگە بولىنگەن بۇل شارۋا ەندى الداعى قازان ايىندا تولىعىمەن اياقتالادى. بۇل جەردە 300-دەي ادام جۇمىس جاساۋدا. اپاتتى جاعداي ورىن العان قالانىڭ “شاڭىراق” مادەني ورتالىعى ماڭىندا ايازعا شىداماي سۋ قۇبىرلارىنىڭ جارىلعانى بەلگىلى. قازىر بۇل ارالىق قالپىنا كەلتىرىلدى. بيىل وبلىس ورتالىعىنىڭ “پاۆلودار” جىلۋ جۇيەلەرى اق-قا قاراستى مەكەمەلەر جالپى ۇزىندىعى 9 502,1 شارشى مەتردى قۇرايتىن جىلۋ جۇيەلەرىنە كۇردەلى جوندەۋ جۇمىستارىن جۇرگىزۋدى قولعا الدى, “ۆودوكانال” سەرىكتەستىگى جال­پى ۇزىندىعى 3360 شارشى مەتردى قۇرايتىن سۋ جۇيەلەرى قۇبىرلارىن جوندەدى. قىس اي­لا­رىندا قار تازالايتىن قوسىمشا 10 جاڭا تەحنيكا ساتىپ الىندى. وبلىس ورتالىعىنىڭ قىسقا دايىندىعى كوڭىلدەگىدەي, بۇل شا­رالار كۇندەلىكتى جۇمىس كەس­تە­سىنەن تۇسپەيدى دەۋگە بولادى. پاۆلودار.