قىرعىزستان پرەزيدەنتىمەن اڭگىمە

ەقىۇ-نىڭ ءىس باسىنداعى توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ قىرعىز رەسپۋبليكاسى وتپەلى كەزەڭىنىڭ پرەزيدەنتى روزا وتۋنباەۆامەن تەلەفون ارقىلى سويلەستى, دەپ حابارلادى قر ءسىم-ءىنىڭ ءباسپاسوز قىزمەتى. سۇحباتتاستار قازاقستان پرەزي­دەنتى نۇرسۇلتان نازارباەۆ دوستاس مەملەكەت ءۇشىن ۇسىنعان قىرعىز­ستان­دى ەكونوميكالىق وڭالتۋ باع­دار­لاماسىن جۇزەگە اسىرۋ جايىن تال­قىلادى. اڭگىمە بارىسىندا قىر­عىزستانداعى اعىمداعى جاعداي­عا, ونىڭ ىشىندە پارلامەنت ساي­لاۋىنا باسا نازار اۋدارىلدى. ەقىۇ/دياقب 24 ۇزاق مەرزىمدى جانە 300 قىسقا مەرزىمدى باي­قاۋ­شى­لار ميسسياسىن جىبەرگەنى بەل­گىلى. قازىرگى كەزدە بىشكەكتە ەقىۇ-نىڭ جانجالداردىڭ الدىن الۋ ءجو­نىندەگى  ورتالىعىنىڭ ديرەكتورى حەر­بەرت زالبەر ەقىۇ-نىڭ پولي­تسيا­لىق كونسۋلتاتيۆتىك توبىنىڭ الداعى قىزمەتى بويىنشا كونسۋل­تاتسيالار وتكىزۋدە. تاراپتار الداعى اپتادا ءبىش­كەك­كە ەقىۇ-نىڭ ءىس باسىنداعى ءتور­اعاسىنىڭ ارنايى وكىلىن, قر پار­لامەنتى ءماجىلىسىنىڭ ۆيتسە-سپيكەرى جانىبەك كارىبجانوۆتى جىبەرۋ تۋ­را­لى ۋاعدالاستىققا قول جەتكىزدى. ول بۇۇ مەن ەو-نىڭ تەڭ توراعا­لارى ميروسلاۆ ەنچامەن جانە پەر مو­رەلمەن بىرلەسىپ, قىرعىز رەسپۋبلي­كاسىنىڭ باسشىلىعىمەن وسى ەلگە حالىقارالىق قوعامداستىق تاراپىنان ىقپال ەتۋ شارالارىن ودان ءارى ۇيلەستىرۋ بويىنشا جان-جاقتى كونسۋلتاتسيالار وتكىزەتىن بولادى.