“قىزىلجار” كومباينى شىعارىلا باستادى

مەملەكەت باسشىسى نۇرسۇل­تان نازارباەۆتىڭ تاعى ءبىر تاپ­سىر­ماسى قىزىلجار وڭىرىندە ورىن­دالدى. ول – “قىزىلجار-1300” دەپ اتالاتىن استىق كوم­باي­نىنىڭ قۇراستىرىلۋى. جوبا جۋىردا جۇزەگە اسىپ, سۋ جاڭا ون تەحنيكا ءوز يەلەرىن تاپتى. “قاز­بە­لاگروپرومماش” بىرلەسكەن كا­سىپ­ورنى” جشس-نىڭ اشىلۋ سالتانا­تىنا جينالعانداردى وتاندىق اۋىلشارۋاشىلىق تەحنيكالارى­نىڭ باسەكەگە قارىمدى قىرلارى ەرەكشە قىزىقتىردى. كوكتەمگە سالىم بەلارۋس مەملەكەتىنىڭ ماماندارى قىزىل­جار وڭىرىنە ارنايى ىساسپارمەن كەلىپ, وبلىس باسشىلىعىمەن ەكى جاققا دا ءتيىمدى بولاتىن ءبىر­لەس­كەن كاسىپورىن اشۋ ۋاعدالاس­تى­عىنا قول جەتكىزگەن ەدى. ارادا كوپ ۇزاماي ءوندىرىس ورنى تاي­ىن­شا ستانساسىندا ورىن تەۋىپ, ءما­شي­نە-تراكتور جوندەۋ زاۋىتى­نىڭ عيماراتى بوساتىلىپ بەرىلدى. قازاقستان مەن بەلارۋستىڭ “قازبەلاگروپرومماش” بىرلەسكەن كاسىپورنى استىق جينايتىن كومباينداردى تمد ەلدەرىنە دە جەتكىزۋمەن اينالىساتىن بولادى. پرەزيدەنت جۋىردا وبلىستا بول­عان جۇمىس ساپارىندا العاش قۇراستىرىلعان “قىر كەمەلەرىن” كورىپ, “قىزىلجار” اتاۋىن ۇسىن­­عان ەدى. تۇساۋكەسەر راسىمدە سويلەگەن سوزىندە وبلىس اكىمى سەرىك ءبىلالوۆ ەلباسى بيىلعى جولداۋىندا اگروونەركاسىپ كەشەنىن دامىتۋعا بايلانىستى كەلەلى مىندەتتەر قويعانىن, سو­لاردىڭ ءبىرى ۇدەمەلى يندۋستريا­لان­دىرۋ باعىتى بولىپ تابى­لا­تىنىن, بۇگىنگى جيىن وڭىردە ين­ۆەستيتسيالىق ساياساتتى ىسكە اسى­رۋدىڭ ناقتى كورىنىسى, ماشينە جاساۋ سالاسىن وركەندەتۋدەگى ماڭىزدى وقيعا ەكەنىن جەتكىزدى. جشس كەلەشەكتە جىلىنا 250 كومباين قۇراستىرۋدى مەجەلەپ وتىر. ءبىر كومبايننىڭ باعاسى 17 ميلليون تەڭگەنى قۇرايدى. رەسەيدىكىنە قاراعاندا 5 ميلليون تەڭگەگە ارزان. بەلارۋستىڭ “ليدا اگروماش” زاۋىتى باس ديرەكتورىنىڭ ورىن­باسارى اندرەي زاحارچۋك ديقان­دارعا ۇسىنىلىپ وتىرعان كوم­باين­دارعا جان-جاقتى سيپاتتاما بەرىپ, ارتىقشىلىقتارىن جىپكە تىزگەندەي ايتىپ بەردى. ول ءوز سوزىندە بىرلەسكەن كاسىپورىن ءونىم­دەرىنىڭ ساپالى ءارى ارزان اۋىلشارۋاشىلىق تەحنيكالارىن شىعارۋمەن الەمدىك رىنوكتا تانىمال نەمىستىڭ “CASE” فير­ماسىنا بالاما ەكەنىن ايتا كەلىپ, ءۇش دەڭگەيلى تازارتۋ ماساقتان ءداننىڭ تولىق الىنۋىنا, 260 اتتىق كۇشى بار قۋاتتى موتور ءبىر ساعاتتا 12-14 توننا استىق تازار­تۋعا مۇمكىندىك بەرەتىنىن العا تارتتى. كابينا كونديتسيونەرمەن, كومپيۋتەرمەن جابدىقتالعان. سول-اق ەكەن, 10 كومبايننىڭ يەلەرى تابىلا كەتتى. “نادەجدا-سەۆەر” جشس-ءنىڭ ديرەكتورى داۋرەنبەك قابدوشەۆ وزدەرىنىڭ ينۆەستورى “بوگۆي” فيرماسىنىڭ 5 كومباين ساتىپ الۋعا ىقىلاستى ەكەنىن جەتكىزسە, “ەسمۇقانوۆ”, ء“مادينا” جشس-لار دا وسىن­شا تەحنيكاعا “قۇدا ءتۇستى”. ءومىر ەسقالي. سولتۇستىك قازاقستان وبلىسى.