ماقسات – پارتيا بەلسەندىلەرىنىڭ كاسىبيلىگىن كوتەرۋ

“نۇر وتان” حالىقتىق-دەموكراتيالىق پارتياسىنىڭ ورتالىق اپپاراتىندا جوعارى پارتيا مەكتەبىنىڭ جاڭا وقۋ كەزەڭىنىڭ اشىلۋىنا وراي سەمينار ءوتتى. جوعارى پارتيا مەكتەبىن قۇرۋدىڭ نەگىزگى ماقساتى – پارتيانىڭ باسەكەگە قابىلەتتىلىگىن, سونداي-اق, پارتيالىق باسقارۋشىلار مەن پارتيا بەلسەندىلەرىنىڭ, ۇيىم جەتەكشىلەرىنىڭ كاسىبيلىگىن كوتەرۋ. بۇل – ەلىمىزدىڭ داعدارىستان كەيىنگى جاڭارۋ كەزەڭىندە اسا قاجەتتى ءارى ماڭىزدى قادامداردىڭ ءبىرى سانالادى.

سەمينار جۇمىسىن اشقان پار­تيا توراعاسىنىڭ ءبىرىنشى ورىنبا­سا­رى نۇرلان نىعماتۋلين ءوز ءسو­زىندە جوعارى پارتيا مەكتەبىنىڭ ەلباسى نۇرسۇلتان نازارباەۆتىڭ كە­زەكتەن تىس ءXىى سەزدە ورتالىق جانە ايماقتىق دەڭگەيدە پارتيا­لىق-ساياسي جۇيەسىن جەتىلدىرۋ باعى­تىنداعى تاپسىرماسىن ورىنداۋ ماقساتىندا قۇرىلعاندىعىن اتاپ ءوتتى. “بارشاڭىزعا بەلگىلى, قازىرگى ۋا­قىتتا زامانعا ساي ءبىلىم, تاجىريبە بولماسا ۇلكەن تابىستارعا جەتۋ, باسەكەگە قابىلەتتى بولۋ مۇمكىن ەمەس. سوندىقتان, ەلباسىمىز, پار­تيا­مىزدىڭ توراعاسى نۇرسۇلتان نا­زارباەۆ ارقاشاندا پارتيا كادر­لارىنىڭ ساياسي ءبىلىمىن, تاجىريبەسىن كۇشەيتۋ, ساپاسىن كوتەرۋ تۋرالى تاپسىرما بەرىپ كەلەدى. سەبەبى, پرەزيدەنتىمىزدىڭ بيىلعى تاريحي جول­داۋىندا كورسەتىلگەندەي, ەلىمىز­دىڭ يندۋستريالىق-يننوۆاتسيالىق دامۋى – الداعى 10 جىلدىڭ ءىشىن­دەگى ەڭ نەگىزگى باعىتتارىنىڭ ءبىرى. ونى جۇزەگە اسىرۋ جاڭا قادامدى, جاڭا يدەيانى, جاڭا ءبىلىمدى قاجەت ەتەدى”, – دەدى ن. نىعماتۋلين. سەمينار بارىسىندا قازىرگى تاڭدا پارتيانىڭ مەجەلى جوسپار­لاردى جۇزەگە اسىرۋدى باقىلاۋ, باعالاۋ جانە تالداۋ جۇمىستارىن ۇيلەستىرۋ ارقىلى باسىمدىقتى قالىپتاستىرۋ قاجەتتىگى ايتىلدى. ال ول ءۇشىن يننوۆاتسيالىق جوبا­لار­دى جۇزەگە اسىرۋ ۇردىسىنە قاتى­سا­تىن جانە باسقارۋعا قابىلەتتى, تولىققاندى دايىندىقتان وتكەن باسشىلار قاجەتتىگى ءسوزسىز. جيىن ايا­سىندا سونداي-اق, جوعارى پارتيا مەكتەبىنىڭ جاڭا تىڭداۋشىلارىنا وكىلدىك جانە ناسيحات جۇمىسىن قو­سا اتقارۋ مىندەتى جۇكتەلىپ وتىر­عان­دىعى, سوندىقتان, ەلىمىزدىڭ يندۋس­تريالىق-يننوۆاتسيالىق دامۋ باع­دار­لاماسىن تولىققاندى جۇزەگە اسى­رۋعا باعىت­تالعان پارتيا قىز­مەتى تۋرالى باستاۋ­ىش ۇيىم جەتەك­شى­لەرىنىڭ جان-جاقتى حاباردار بولۋىن قامتاماسىز ەتۋ ماسەلەلەرى دە اڭگىمە وزەگىنە اينالدى. باسقوسۋ كەزىندە بەلگىلى بولعا­نىن­داي, وتكەن ءتورت ايدىڭ ىشىندە اتالعان مەكتەپتە ءتۇرلى ايماقتان 200-دەي ادام ءدارىس السا, ولاردىڭ دەنى باس­تاۋىش پارتيا ۇيىمدارى ءتورا­عالارى ەكەن. سەمينار كەزىندە ءسوز العان پرەزيدەنت كومەكشىسى, “نۇر وتان” حدپ يننوۆاتسيالىق كوميتەت توراعاسى باقىت سۇلتانوۆ ەلدەگى الەۋمەتتىك-ەكونوميكالىق باع­دارلا­ما­لاردى جۇزەگە اسىرۋ با­رىسى جانە وعان “نۇر وتان” پار­تيا­سىنىڭ قو­سىپ جاتقان ۇلەسى تۋ­رالى ماڭىزدى اقپاراتتار بەردى. ال وقۋ باعدار­لاماسىنىڭ پارتيالىق كادرلار ءۇشىن ماڭىزدىلىعى مەن “نۇر وتان” حدپ جوعارى پارتيا مەكتەبى قىزمەتىنىڭ باسىم باعىت­تا­رى تۋرالى مەكتەپ ديرەكتورى باقىت ەسەكينا باياندادى. جيىن سوڭىندا “نۇر وتان” جپم ۆەب-سايتىنىڭ تۇساۋى كەسىلدى. ءلايلا ەدىلقىزى.