اۋىل شارۋاشىلىعىن مەملەكەتتىك قولداۋ جالعاسادى

ەلباسى نۇرسۇلتان نازارباەۆ ەكى كۇندىك ساپارمەن قوستاناي وبلىسىنا كەلدى قوستانايعا كەشە تۇستەن كەيىن كەلگەن ەلباسى نۇرسۇلتان نازار­باەۆ “قوستاناي ۇن كومبيناتى” اكتسيونەرلىك قوعامىنداعى ماكارون فابريكاسىنىڭ اشىلۋ سالتاناتى­نا قاتىستى. مەملەكەت باسشىسى ءىرى ءوندىرىستىڭ تەتىگىن ىسكە قوستى. ما­كارون فابريكاسى قوستاناي وبلىسىندا جىلدىڭ ەكىنشى جار­تىسىندا جۇزەگە اسۋعا ءتيىستى بەس ينۆەستيتسيالىق جوبانىڭ ءبىرى بولىپ تابىلادى. 1 681 ميلليون تەڭ­گە قارجىمەن بىتكەن كاسىپورىن­نىڭ قۋاتى دا تاڭقالدىرعانداي. فابريكا ساعاتىنا 4200 كيلو­گرامم, جىلىنا 30 000 توننا ما­كارون شىعارادى. ينۆەستيتسيالىق قارجى كوزى نەگىزىنەن “قازاگرو” اكتسيونەرلىك قوعامىنان الىندى, ال ونىڭ 15 پايىزىن “استىق ين­دۋسترياسى” كومپانياسى ءوزى قوستى. قۇرىلىسى بىلتىر جىل اياعىندا باستالعان ءىرى ءوندىرىس كاسىپورنى ۇستىمىزدەگى جىلدىڭ ءۇشىنشى توق­سانىندا پايدالانۋعا بەرىلۋى ءتيىس بو­لاتىن. مىنە, جىل تاۋلىگىنە جەت­پەي ول ەل يگىلىگىنە اينالىپ ۇلگەردى. بۇل – “استىق يندۋسترياسى” كوم­پانياسىنىڭ ءتورتىنشى ماكارون فابريكاسى. مۇندا يتاليادان شى­عارىلعان “PAVAN” ماكارون جەلىسى ورناتىلدى. ول رەسپۋبليكامىز عانا ەمەس, ورتالىق ازياداعى ماكارون وندىرەتىن ەڭ ءىرى كاسىپورىن بولىپ سانالادى. قوستاناي ۇن كومبيناتى مەن ماكارون فابريكاسىنان شىعارىلاتىن “كورونا” ۇنى مەن ماكارونىنىڭ ساپاسى ەلىمىزبەن قاتار, سىرت جەرلەرگە دە بەلگىلى. قوستانايدىڭ قۇرامىندا پروتەينى كوپ باعالى بيدايىنان يتاليالىق ۇزدىك جابدىقپەن شىعارىلعان ما­كاروننىڭ ساپاسى قانداي باسەكەدە دە الدىنا قارا سالمايدى. بۇعان دەيىن استىق پەن ساپالى ۇن وندىرۋدە كوشباسشىعا اينالعان كومپانيا ەندى ساپالى ماكارون ونىمدەرىمەن وسى دەڭگەيدەن كورىنبەك. “قازاق­ستاندا جاسالعان” دەگەن برەندپەن ۇننىڭ 35 پايىزىن, ماكاروننىڭ 5 پايىزىن ەكسپورتقا شىعارادى. قازاقستاننىڭ جوعارى ساپالى ۇنى مەن ماكارون ونىمدەرىنە رەسەيدەن, تاجىكستان مەن اۋعانستاننان, قىتاي مەن موڭعوليادان, تۇركى­مەن­ستاننان, گرۋزيادان سۇرانىس ارتىپ وتىر. جاڭا فابريكا 80 ادامعا جۇمىس ورنىن ۇسىندى. ەلباسى نۇرسۇلتان نازارباەۆ فابريكا جۇمىسشىلارى­مەن كەزدەستى. – مەملەكەت اۋىل شارۋاشىلى­عى­نا, اگرارلىق سەكتورعا ۇلكەن قول­داۋ جاساپ وتىر. ەت پەن ۇن, ءسۇتتى ۇقساتۋ كاسىپورىندارىن سالۋدا. بۇل مول­شىلىققا باستايدى, ايلىق جال­اقى وسەدى, الەۋمەتتىك سالا نىعايادى. اۋىل شارۋاشىلىعىنا 225 ميل­ليارد تەڭگە ءبولىندى. جو­عارى ساپا­لى تۇقىم, تىڭايتقىش پەن گەربي­تسيدتەر ءۇشىن سۋبسيديا بەرىلدى. بيىل بار جەردە ىستىق, قۋاڭشى­لىق بولىپ تۇر. ادامدار ايانباي ەڭبەك ەتىپ جاتىر. مەم­لەكەت قول­داۋى­نىڭ ارقاسىندا ال­قاپتاردا قۋاتتى تەحنيكالار, وزىق تەحنو­لو­گيالار پايدالانىلادى. ءبىز بيىل قيىن جىل بولعانمەن دە 14-15 ميل­ليون توننا استىق جي­نايمىز. ونىڭ 7 ميلليون تونناسى قورعا قالادى, – دەدى نۇرسۇلتان نازارباەۆ. قوستاناي وبلىسىنداعى اۋىل شارۋاشىلىعىندا جىل باسىنان بەرى وندىرىلگەن جالپى ءونىمنىڭ كولەمى 60865 ميلليون تەڭگەنى قۇرا­دى. فيزيكالىق كولەم يندەكسى 100 پايىز بولدى. 2010-2015 جىلدىڭ ارا­سىندا وبلىستا 17 ينۆەستيتسيا­لىق جوبا جۇزەگە اسپاق. سونىڭ ءىشىن­دە اۋىل شارۋا­شىلىعىندا اتقارىلار جۇمىس­تاردىڭ ۇلەسى دە قوماقتى بولماق. بيىلعى جىلدىڭ قۋاڭشىلىق بولۋى قوستانايلىق ديقاندارعا دا وڭاي بولعان جوق. دەگەنمەن, استىق جيناۋ ناۋقانى بۇل كۇندە ۇلكەن ىجداعاتتىلىقپەن جۇرۋدە. ساپالى ۇن مەن ءدامدى ماكارونعا جۇم­سالاتىن التىن استىقتى جيناۋعا بيىل تەحنيكا 99 پايىز دايىن­دالدى. قازاقستاننىڭ ەكونوميكاسى ىرعاقتى دامىپ كەلەدى. پرەزيدەنت اۋىل شارۋاشىلىعىنا مەملەكەتتىك قولداۋ بولا بەرەدى دەدى. بىراق ەل ىرگەسىنىڭ بەرىك بولۋىن نۇرسۇلتان ءابىش ۇلى فابريكا ۇجىمىمەن كەزدەسۋدە قازاقستانداعى بەيبىت ءومىر­مەن جانە حالىقتار دوستى­عىمەن بايلانىستىردى. ادامدار­دىڭ بارلىعى دوستىقتا, ءبىر-بىرىنە دەگەن سەنىممەن ءومىر سۇرەدى. تاتۋ ءومىر مەن بىرلىك قازاقستان ۇستانىپ وتىرعان ساياساتتىڭ باستى نىساناسى ەكەنىن ايتتى ەلباسى. – جىلدان جىلعا جاعدايىمىز جاقسارىپ كەلەدى. ماكارون فاب­ري­كاسىنان ج­ۇمىس ورنىمدى تاپتىم. مۇندا بارلىعى دا كومپيۋ­تەر­لەندىرىلگەن. جۇمىستى باياعىداي شاڭنىڭ استىندا ەمەس, اق جەلەڭ­مەن ءجۇرىپ اتقارامىز. ايلىق جالا­قىم دا وتباسىمدى اسىراۋعا جە­تەدى. ال ءبىزدىڭ كاسىپورىن وندىرگەن ماكاروننىڭ تۇسىنە قاراپ تويعان­داي­سىڭ. دامدىلىگە دە, ساپاسى دا كىمگە دە بولسا ۇنايدى. وسىنىڭ بار­لىعى دا قازاقستاننىڭ ەكونو­مي­كالىق دامۋىنىڭ, پرەزيدەنتىمىز نۇرسۇلتان نازارباەۆ جۇرگىزىپ وتىرعان سىندارلى ساياساتتىڭ ارقا­سى. جۇمىسىمىز بار, تاماعىمىز توق, كويلەگىمىز كوك دەگەندەي, جاق­سى تۇرمىستا تۇرامىز. مۇنان ارتىق ادامعا نە كەرەك؟ ەلىمىز, جەرىمىز, ەلباسىمىز امان بولسىن. نۇرسۇل­تان ابىش ۇلىمەن كەزدەسۋ ماعان ىستىق اسەر قالدىردى, – دەدى ما­كارون فابريكاسىنىڭ جۇمىسشىسى ۆيكتور ۆورونتسەۆ. ماكارون فابريكاسىنىڭ اشى­لۋ سالتاناتىندا ەلباسىمەن بىرگە       وبلىس اكىمى سەرگەي كۋلاگين, “قازاگرو” اق باسقارماسىنىڭ توراعاسى اسىلجان مامىتبەكوۆ, Astana Grup پرەزيدەنتى نۇرلان سماعۇلوۆ بولدى. نۇرسۇلتان نازار­باەۆتىڭ قوستاناي وبلى­سىنا ساپارى بۇگىن ودان ءارى جالعاسادى. ءنازيرا جارىمبەتوۆا. قوستاناي. ---------------------------------- سۋرەتتەردى تۇسىرگەن جۇماتاي كاكىمجانوۆ.