83 جاستاعى سوعىس ارداگەرى سەرگەلدەڭ بولىپ ءجۇر

ۇلى وتان سوعىسىنىڭ اردا­گەرىنە تەڭەستىرىلگەن تارازدىق اقساقال ءاشىم يەمبەرديەۆ ءبۇ­گىندە سەرگەلدەڭ بولىپ ءجۇر. قاريا تۇرعىن ءۇيىن كەڭەيتىپ الۋ ءۇشىن كەزەككە سوناۋ 1989 جىلى تۇرىپتى. ساناپ كورسەك, سودان بەرى 21 جىلدىڭ ءجۇزى بولىپتى. ۇلى جەڭىس كۇنى مەرەكەسى دە 21 رەت تويلاندى. اسىرەسە, بيىل كەرەمەت بولىپ ءوتتى. كوپتەگەن ارداگەرلەر باسپانالى بولدى. بىراق ءبىزدىڭ گازەتكە شاعىم­دا­نىپ كەلگەن اقساقالدىڭ ء“بىر جايلى باسپاناعا يە بولسام” دەگەن ءۇمىتى وسىمەن جيىرما ءبىر رەت ءۇزىلىپ وتىر ەكەن. بىراق ءاشىم اتا قايى­رىم­دى قالا باسشىلارىنان ءالى دە كۇدەر ۇزەر ەمەس. بۇگىندە 83 جاسقا كەلگەن اقساقال (1927 جىلى تۋعان) جامبىل وبلى­سىنىڭ جامبىل اۋدانىنان اسكەر قاتارىنا شاقىرىلىپ, وتان الدىنداعى بورىشىن 1943-1948 جىلدارى رەسەي ەلى اۋماعىندا ادال اتقارىپتى. ءتىپتى 1950 جىلى اسكەرگە قاي­تا شاقىرىلىپ, سودان 1953 جىلعا دەيىن كەڭەس وداعى مەن اۋعان­ستان شەكاراسىنداعى تەرمەز قالاسىندا قىزمەت ەتكەن. اقساقالعا 1990 جىلى بەرىل­گەن كۋالىككە (سەرياسى 3-029223) “پرەدياۆيتەل ۋدوستوۆەرەنيا يمەەت پراۆو نا لگوتى ي پرەي­مۋ­ششەستۆا, ۋستانوۆلەننىە زاكو­نا­داتەلستۆوم دليا ليتس, ناگراج­دەننىح وردەنامي ي مەداليامي سسسر زا سامووتۆەرجەننىي ترۋد ي بەزۋپرەچنۋيۋ ۆوينسكۋيۋ سلۋجبۋ ۆ تىلۋ ۆ گودى ۆەليكوي وتە­چەس­تۆەننوي ۆوينى 1941-1945گ.” دەپ جازىلىپ, قول قويىلعان. بۇعان قوسا سوناۋ كەمەر وبلىسى, نوۆو­كۋزنەتسك قالاسى ارحيۆىنەن الىن­عان قۇجاتى دا بار. وندا: “يەم­بەر­ديەۆ اشيم ۋكازوم پرەزي­ديۋ­ما ۆەرحوۆنوگو سوۆەتا سسسر وت 6 يۋنيا 1945 گودا زا ۋچاستيە ۆ گودى ۆوينى ناگراجدەن وردەنامي ي مەداليامي سسسر. زا سامووت­ۆەر­جەننىي ي بەزۋپرەچنۋيۋ ۆوينس­كۋيۋ سلۋجبۋ ۆ تىلۋ ۆ گودۋ ۆەلي­كوي وتەچەستۆەننوي ۆوينى 1941-1945 گ.گ. ۋدوستوۆەرەنيە №016558. وت يمەني پرەزيديۋما ۆەرحوۆ­نو­گو سوۆەتا سسسر ۋدوستوۆەرەنيە ۆرۋچەنا. وسنوۆانيە: ف. 210 وپيس 1 دەلو 02 ل. 9 پوريادكوۆىي نومەر 999. سە­كرەتار يسپولكوما پو­د­پيس ك.ي.گومان.” دەپ جازىلعان. جيىرما ءبىر جىلدان بەرى (ونىڭ 18 جىلى تاۋەلسىز ەل رەتىندە بەل­گىلى) سوعىس جانە ەڭبەك ارداگەرلەرىن باسپانامەن قامتاماسىز ەتۋگە ءتيىستى تاراز قالاسىنداعى مەكە­مە باسشىلارى ءاشىم اق­ساقالدىڭ وسى قۇجاتتا­رى­نا كوز قىرىن سالما­عان.  كوز قىرىن سالما­عانى بى­لاي تۇرسىن, ءتىپتى ءۇيىن ۇلعايتۋ كەزەگىنەن سىزىپ تاستاپتى. ءاشىم اقساقال جا­قىندا (17.06.2010 ج.) جامبىل وبلىستىق سوتىنىڭ كاسساتسيالىق سوت ال­قا­سىنىڭ توراعاسى ا.سمايى­لوۆتان حات الدى. وندا: “جامبىل وبلىس­تىق سوتى ءسىزدىڭ 10.06.2010 جىلى جازىلعان ارىزدارىڭىزعا تومەندەگى ءمان-جايدى تۇسىندىرەدى. اپپەلياتس­يا­لىق سوت القاسىنىڭ №2ا-255/2010 ساندى 01.04.2010 جىلعى قاۋلىسىمەن تاراز قالا­لىق سوتىنىڭ 01.12.2009 جىلعى شەشىمى وزگەرتىلگەن. تاراز قالا­لىق تۇرعىن ءۇي كوميسسياسىنىڭ 26.09.2007 جىلعى شەشىمىندەگى ا.يەمبەرديەۆتى (سمايىلوۆتى) تۇرعىن ءۇي الۋ كەزەگىنىڭ تىزىمىنەن الىپ تاستاعان بولىگى زاڭسىز دەپ تانىلىپ, ا. يەمبەرديەۆتىڭ (سمايىلوۆ) ۇلى وتان سوعىسى ارداگەرىنە تەڭەستىرىلگەن ازامات رەتىندە 25.04.1989 جىلدان باستاپ تۇرعان ءۇيىن كەڭەيتۋ كەزەگى قالپىنا كەلتىرىلدى...” دەلىنگەن. اقساقال 1989 جىلعى تۇرعىن ءۇي كەزەگىنىڭ قالپىنا كەلتىرىل­گە­نىنە, ءوزىن جىلى قابىلداپ,  سەرگەلدەڭ بولعان سەبەبىن دۇرىس تۇسىنگەن جامبىل وبلىستىق سوتىنىڭ توراعاسى چينياەۆقا كوپ-كوپ راحمەت ايتۋدا. ەڭ باستىسى, ءاشىم يەمبەر­ديەۆ­تىڭ ۇلى وتان سوعىسى اردا­گەرى­نە تەڭەستىرىلگەن ازامات ەكەنى توڭمويىن شەنەۋنىك­تەر­گە سوت شەشىمى ارقىلى مويىنداتىلدى. كەزەك قايتا قالپىنا كەلتىرىلدى. ال قاريا­نىڭ باسپانالى بولۋ ءمۇم­كىن­دىگىن بەرەتىن ول كەزەك 1989 جىل­دان بەرى №1 ورىنعا شىعىپ تا قويعان شىعار دەپ ويلايمىز. دەمەك, تورىنەن كورى جاقىن قاريانى نازالان­دىرا بەرمەي, كوزى تىرىسىندە قۋانىشقا كەنەلتۋگە تولىق مۇمكىندىك بار. ايتپاقشى, “قاريانى نا­زا­لاندىرا بەرمەي” دەگەن اۋىر­لاۋ ءسوزدى بەكەرگە جازىپ وتىر­عان جوقپىز. ويتكەنى, ونىڭ وبلىس پەن قالا اكىمدىگى عي­ماراتتارىنىڭ ءبىرىنشى قابا­تىنداعى ەسىك كۇزەتۋشىلەردەن ارى اسا الماي, ايقايلاسىپ, كوز جاسىن ءسۇرتىپ جۇرگەنىنە ءبىزدىڭ دە كۋا بولعانىمىز بار. بۇدان شىعاتىن قورىتىن­دى, 83 جاستاعى سوعىس ارداگەرىنىڭ باسىن­داعى سەرگەلدەڭنەن وبلىس پەن قالا اكىمدەرى حابارسىز سياقتى. ءبارى تومەندە بولىپ جاتقان قيتۇرقىلار ما دەيسىڭ. ەندەشە, وبلىس اكىمى ق.بوزىم­باەۆ پەن تاراز قالاسىنىڭ اكىمى ە.استاەۆ قاريانى كوز جۇمباي تۇرىپ, جىلى سۋى مەن گازى بار جايلى پاتەرمەن تەز ارادا قام­تاماسىز ەتەدى دەپ سەنەمىز. حالىقتى, ونىڭ ىشىندە قاريالاردى قۋانتقانعا نە جەتسىن. كوسەمالى ساتتىباي ۇلى. تاراز. ---------------------------------- سۋرەتتە: ۇوس ارداگەرىنە تەڭەس­تى­رىلگەن ارداگەر ءاشىم يەمبەر­ديەۆ.