قاناتتى كولىك كومەككە كەلەدى

قاراعاندىدا اۋىلشارۋاشىلىق ۇشاقتارى شىعارىلادى وبلىس ورتالىعىنىڭ ىرگەسىندە جاڭاوزەن اتتى ەلدى مەكەن بار. وسى جەردە تاياۋدا شاعىن اۆياتسيالىق زاۋىت قۇرىلىسىنىڭ ورنىنا بەلگىتاس قويۋ ءراسىمى ءوتتى. بۇل ءوندىرىستى ءوڭىردى ۇدەمەلى يندۋستريالىق-يننوۆاتسيالىق دامىتۋ باعىتىنداعى ماڭىزدى جوبالاردىڭ ءبىرى سانالادى. ەلىمىزدە تۇڭعىش رەت جەڭىل اۋە كەمەلەرىن جاسايتىن بۇل كاسىپورىن كەلەسى جىلى ىسكە كىرىسپەك. تولىق جوبالىق قۋاتىنا كوشكەن كەزدەن باستاپ اۋىل شارۋاشىلىعى سالاسىنا ارنالىپ “فەرمەر-2” جانە “فەرمەر – 500” اتالاتىن 50 ۇشاق شىعارىلاتىن بولادى. ولار ەگىستىكتى حيميكاتتارمەن وڭدەۋگە, تىڭايتقىشتار سەبۋگە, ءداندى داقىل, كوكونىس, جايىلىمدىق القاپتاردى زەرتتەۋگە قولدانىلادى. 2015 جىلعا دەيىن ۇشاقتار سانى 500-گە جەتكىزىلۋگە ءتيىس. جوبانىڭ باستاماشىسى “اك ناۆيگاتور” جشس بولسا, ونى ىسكە اسىرۋدى “قازاۆياسپەكتر” جشس موينىنا جۇكتەگەن. الىسقا تانىمال اتالعان ەكى سەرىكتەستىك العا قويىلعان مىندەتتى مەجەلى مەرزىمدە ورىنداپ شىعۋعا سەنىمدى. وسى ءۇشىن الدىن-الا جاساقتالعان تەحنيكالىق جاراق, بىلىكتى ماماندار سوعان مۇمكىندىك بەرەدى. سونىمەن قاتار ەكەۋىنە قازان قالاسىنداعى “فيرما” مۆەن” ااق كومەك كورسەتەدى. ول ۇشاقتىڭ پوليمەر ماتەريالدارىن دايىنداپ بەرىپ وتىرۋعا قاتىسادى. ماكەدونيانىڭ “ميكروسام” فيرماسى دا قاجەتى قۇرال-جابدىقتاردى قامتاماسىز ەتەدى. زاۋىتتىڭ ورنىن بەلگىلەۋ راسىمىنە قاتىسقان قازاقستان رەسپۋبليكاسى كولىك جانە كوممۋنيكاتسيا ءمينيسترى ابىلعازى قۇسايىنوۆ اتاپ وتكەندەي, شاعىن اۆياتسيانىڭ كەلەشەگى ۇلكەن. “قازاقستان رەسپۋبليكاسىنىڭ اۋە كەڭىستىگىن پايدالانۋ جانە ازاماتتىق اۆياتسيا قىزمەتى تۋرالى” قابىلدانعان زاڭ وسى ورايدا وعان كەڭ جول اشادى. ال وبلىس اكىمى سەرىك احمەتوۆ ونىڭ جاي عانا قۇراستىرۋ ءوندىرىسى ەمەس, باستان-اياق, ياعني اۆياتسيالىق- كونسترۋكتورلىق بيۋرودان باستاپ, ۇشاقتى تولىق جاسايتىن كاسىپورىن بولعالى تۇرعانىنا نازار اۋدارتتى. تۇپكى ماقسات بۇل ۇشاقتاردى كورشىلەس ەلدەرگە ەكسپورتقا شىعارۋ بولىپ تابىلادى ەكەن. سونداي-اق الداعى ۋاقىتتا كوپ ماقساتتى “سۇڭقار” ۇشاعىن جاساۋ دا كوزدەلىپ وتىر. ونى جول پوليتسياسى, دەنساۋلىق ساقتاۋ, قورشاعان ورتانى قورعاۋ سالاسىنىڭ قىزمەتكەرلەرى قولدانا الادى. ءيا, بۇگىندە وزگەرىستەر جىلدام. كۇنى كەشە عانا وزىمىزدە ۇشاق جاساۋ قيالداي كورىنسە وعان دا قول جەتتى مىنە. ايقىن نەسىپباي. قاراعاندى.