قازاق قىزى – وليمپيا ويىندارىنىڭ چەمپيونى

شىمكەنتتە ۇلى سازگەر ءشامشى قال­دا­ياقوۆتىڭ اندە­رى­مەن ادىپتەلىپ “ار­ىس جاعاسىندا” اتتى رەت­رو-فەستيۆال ءوت­كەن. قازاقستاننىڭ ءان ونەرىندەگى جۇل­دىز­دارى اسپانداعى جى­مىڭداعان جۇل­دىز­دارعا داۋىسىن قو­سىپ, قالانى با­قىت قۇشاعىندا بال­قىتقان ەدى. “ارىس جاعا­سىن­دا” ءانى ارىس قالا­سىن­دا تۋعان قازاق­تىڭ قايسار قىزى­نىڭ سين­گاپۋردەگى وليمپيا ويىندارىندا التىننان ولجا سالۋىنا ۇلاستى. اۋىر اتلەتشى جازيرا جاپپارقۇل 63 كيلو سالماق دارەجەسىندە سەرپە جانە جۇلقي كوتەرۋدەن قوسقاندا 205 كيلو كوتەرىپ, ءبىرىنشى ورىنعا شىقتى. ەلىمىزدىڭ اۋىر اتلەتيكا قۇراماسىنىڭ باسشىلارى 16 جاسىندا ەرەسەكتەر اراسىنداعى الەم چەمپيوناتىنىڭ دۋىنا ءتۇسىپ, الەم چەمپيوناتىنىڭ باس بايگەسىن ج ۇلىپ العان ءزۇلفيا چينشانلوعا ۇلكەن ءۇمىت ارتىپ ەدى. سول ءزۇلفيا بۇل جولى كۇمىس مەدالدىڭ اسۋىنان اسا المادى. اۋىر اتلەتيكادان وليمپيا ويىندارى, الەم چەمپيوناتىندا جۇلدە العان قازاق قىزى تۇگىلى ەر ازاماتىنىڭ جوق ەكەندىگىن ەسكەرسەڭىز, جازيرا جاپپارقۇل تۇڭعىش چەمپيون. ارىس قالاسىنان شىققان الىپ قىزدىڭ اكەسى ءابدىراحمان, اناسى كۇلايحاننىڭ ءدال قازىر قوڭىر ق ۇلىنشاعى ءۇشىن شىعاردا جانى باسقا. – قىزىم سپورتتىڭ وسى ءتۇرىن تاڭداعاندا قىز بالاعا لايىق ەمەس, تاستاساڭشى دەپ ايتقىم كەلگەن, – دەيدى انا­سى كۇلايحان. – بىراق, العان بەتىنەن قايتپايتىن قاي­سارلىعىن بىلەمىن. ەندى, مىنە, ەلىمىزدىڭ ابىرويىن اس­قاق­­تاتتى. اتا-انا ءۇشىن وسىدان ارتىق قانداي ابىروي كەرەك. جازيرا ءبىر اۋلەتتىڭ ەمەس, قازاقستاننىڭ اتىن الەمگە ايگىلەدى. بۇگىندە جازيرا وبلىستىق اۋىر اتلەتيكادان وليمپيادا رەزەرۆتەرىن دايىندايتىن سپورت مەك­تەبىندە راشيد تولەگەنوۆتىڭ تالىمىندە جاتتىعادى. باقتيار تايجان, وڭتۇستىك قازاقستان وبلىسى.