ەلوردا ەڭسەلەنە تۇسپەك

مەملەكەت باسشىسى نۇرسۇلتان نازارباەۆ “استانا قالاسىنىڭ باس جوسپارى عىلىمي-زەرتتەۋ ينستيتۋتى” مكك-دا بولدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. استانانىڭ باس جوسپارى كاسىپورنىندا ەلوردانى ودان ءار دامىتۋ, قالانىڭ زاماناۋي كوممۋنالدىق, الەۋمەتتىك جانە كولىك ينفراقۇرىلىمىن قا­لىپ­تاستىرۋ ماسەلەلەرى تالق­ى­لاندى. پرەزيدەنتكە قالانىڭ جاڭا نىساندارىنىڭ – مەديا-ور­تالىقتىڭ, مەكتەپ وقۋشىلارى شىعارماشىلىق سارايىنىڭ, قازاقستان تاريحى مۇراجايى­نىڭ, جابىق تۇرعىن ءۇي كەشە­نىنىڭ جوبالارى تانىستى­رىلدى. جاڭا مەديا-ورتالىقتا ءوڭىر­دەگى ەڭ ۇلكەن ءارى قازىرگى زامان تالاپتارىنا تولىقتاي ساي كەلەتىن تەلەۆيزيالىق كە­شەن ورنالاسادى. جالپى اۋماعى 45 مىڭ شارشى مەتردەن استام وقۋشىلار سارايىندا پلانە­تاري, مۇراجاي, كىتاپ­حا­نا, سپورت جانە بي زالدارى مەن وزگە دە بولمەلەر ورنالاسادى. قازاقستان تاريحى مۇراجايى جاڭا الاڭعا جاقىن جەردە, “قازاق ەلى” مونۋمەنتىنە تاياۋ ورىن تەبەدى. عيمارات جوباسى مودەرن ستيلىندە, بىراق قا­زاق­تىڭ ۇلتتىق ناقىشى ەسكەرىلىپ جاسالعان. كوپ كەشىكپەي استانا قالا­سىنىڭ ەڭ بىرەگەي قۇرىلىس­تارىنىڭ ءبىرى جابىق كەشەن بولماق – وراسان زور كۇمبەزدىڭ استىندا تولىق ينفراقۇرى­لىمى بار ءبۇتىن ءبىر تۇرعىن شاعىن اۋدان ورنالاسادى. جىل مەزگى­لىنىڭ كەز كەلگەن ۋاقىتىن­دا بۇل تۇرعىن كەشەندە تۇراقتى اۋا تەمپەراتۋراسى ساقتالادى. جوبا 10 مىڭ تۇرعىنعا ەسەپ­تەلگەن. پرەزيدەنتكە, سونداي-اق تازارتۋ قۇرىلىستارىن قايتا قۇرۋ جانە تالدىكولدەگى اعىن سۋلار جيناقتاۋشىسىن جويۋ قاراستىرىلعان “استانا قالا­سىندا قايتا قالپىنا كەلتى­رى­لە­تىن “تالدىكول” اعىن سۋلار جيناقتاۋشىسىن جويۋ” جوباسى دا تانىستىرىلدى. سۋرەتتى تۇسىرگەندەر س.بوندارەنكو, ب.وتارباەۆ.