ەلباسى قابىلدادى

مەملەكەت باسشىسى نۇرسۇلتان نازارباەۆ ۇلت­تىق قاۋىپسىزدىك كوميتەتىنىڭ توراعاسى ءادىل شاياح­­مەتوۆتى قابىلدادى, دەپ حابارلادى قازاق­ستان رەسپۋبليكاسى پرەزيدەنتىنىڭ ءباسپاسوز قىزمەتى. ءا.شاياحمەتوۆ اعىمداعى جىلعى اقپاندا ۇلتتىق قاۋىپسىزدىك كوميتەتىنىڭ كەڭەيتىلگەن القا وتىرى­سىندا پرەزيدەنت العا قويعان مىندەتتەردىڭ ورىن­دالۋ بارىسى تۋرالى حاباردار ەتتى. كەزدەسۋ بارىسىندا, سونداي-اق “قازاقستان رەس­پۋب­ليكاسىندا قۇقىق قورعاۋ قىزمەتى مەن سوت جۇيە­سىنىڭ تيىمدىلىگىن ارتتىرۋ جونىندەگى شارالار تۋ­رالى” جارلىقتىڭ اياسىندا قاراستىرىلعانداي, ال­دا­عى ۋاقىتتا ۇقك قىزمەتىن وڭتايلاندىرۋ تۋرالى اڭگىمە بولدى. *  *  * مەملەكەت باسشىسى نۇرسۇلتان نازارباەۆ قا­زاقستان رەسپۋبليكاسى ۇلتتىق بانكتىڭ توراعا­سى گريگوري مارچەنكونى قابىلدادى, دەپ حا­بار­لا­دى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋ بارىسىندا گ.مارچەنكو پرەزيدەنتتى بانك جۇمىسىنىڭ قورىتىندىلارىنان حاباردار ەتتى. – جالپى العاندا, بۇگىندە جاعداي جاعىمدى. ينفلياتسيا دەڭگەيى ايتارلىقتاي تومەن, تەڭگە با­عامى تۇراقتى. ءتىپتى, ءبىز تامىزدا ۇلتتىق ۆاليۋتا قۇ­نىنىڭ جەدەل ءوسۋىنىڭ الدىن الۋ ءۇشىن ىشكى رىنوكتا ۆاليۋتا ساتىپ الۋعا ءماجبۇر بولدىق. تولەم بالانسى بويىنشا اعىمداعى شوتتىڭ وڭ سالدوسى قالىپ­تاس­تى, ياعني تاۋارلار مەن قىزمەتتەردىڭ ەكسپورتى يم­پورتقا قاراعاندا ەداۋىر جوعارى. قارجى رىنوگىن­داعى جاعداي وتە تۇراقتى. ءبىر عانا پروبلەما بانك­تەردىڭ ەكونوميكانى نەسيەلەۋى ۇلعايماي وتىرۋىنا بايلانىستى بولىپ وتىر. سوندىقتان ۇكىمەت تا­راپىنان ءتيىستى ەكى باعدارلاما ازىرلەندى. مۇنىڭ ءوزى كۇزدە تيىمدىلىگىن كورسەتىپ, بانكتەردىڭ ناقتى سەك­توردى نەسيەلەۋ كولەمى ارتادى دەپ سەنەمىز, – دەدى گ.مارچەنكو جۋرناليستەرگە ارنالعان بريفينگتە. *  *  * مەملەكەت باسشىسى نۇرسۇلتان نازارباەۆ “سىربار” سىرتقى بارلاۋ قىزمەتىنىڭ ديرەكتورى امانجول جانقۇليەۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. كەزدەسۋ بارىسىندا ا.جانقۇليەۆ ەلىمىزدىڭ پرەزيدەنتىن ۆەدومستۆونىڭ اعىمداعى جۇمىسىنان حاباردار ەتتى.