“استانا” العا اسىعادى

وتكەن سەنبى كۇنى تاڭەرتەڭ استانا قالاسىنىڭ تاۋەلسىزدىك الا­ڭىنداعى “قازاق ەلى” مونۋمەنتى جانىندا قازاقستاندىق “استانا” كاسىپقوي ۆەلوكلۋبىنا قولداۋ كورسەتۋ مەن وسى كوماندانىڭ كاپيتانى البەرتو كونتادوردىڭ حالىقارالىق بەدەلدى “Tour de France” سۋپەر كوپكۇندىگىندەگى جەڭىسى قۇرمەتىنە ارنالعان اكتسيا بولدى. شارا شەڭبەرىندە ۆەلوسيپەد سپورتى شەبەرلەرى مەن اۋەسقويلارى تاۋەل­سىزدىك الاڭىنان سارايشىق-تۇران-سىعاناق كوشەلەرى ارالىعىنداعى 10 شاقىرىم جەردى بويلاي ءوتىپ, قايتادان اتالمىش الاڭعا ورالدى. بۇل سيمۆولدىق ۆەلوجۇگىرۋگە استانا قالاسى باسشىلىعىنان باستاپ, ديپلوماتيالىق كورپۋستاردىڭ وكىلدەرى, ەلوردانىڭ جاس ۆەلوشا­باندوزدارى, سونداي-اق سپورتتىڭ وسى ءتۇرىنىڭ بارشا اۋەسقويلارى قاتىستى. بۇل شاراعا قاراپ-اق ءبىزدىڭ ەلى­مىزدە تاياۋدا عانا اقىرىنا جەتكەن ۆەلوجارىس قورىتىندىسىنا قانشا­لىقتى ءمان مەن ماڭىز بەرىلىپ جات­قانىن انىق اڭعارۋعا بولادى. را­سىندا بىرنەشە كۇن بويى بۇكىل جەر-جيھانعا استانا قالاسىنىڭ اتىن الدەنەشە قايتارا تانىتۋ ارقىلى قازاق ەلىنىڭ دە داڭقىن اسپانداتىپ شىعارىپ تۇرعان ايتۋلى الاماننىڭ ءجونى بىزدەر ءۇشىن ءجۇدا بولەك. ەگەر مۇنىڭ جايى وزگەشە بولماسا, سول ۆەلومارافون جەلكىلدەپ ءپاريجدىڭ تۇبىنە جەتىپ, توقايلاسا توقتاي سا­لىسىمەن فرانتسيانىڭ پرەزيدەنتى نيكولا ساركوزي ءبىزدىڭ ەلباسىمىز نۇرسۇلتان نازارباەۆقا جەدەلحات جىبەرىپ, وسىناۋ جەڭىسپەن شىن جۇرەكتەن قۇتتىقتاي قويار ما ەدى! اگاراكي, ونىڭ ءمانى مەن ماڭىزى ەرەكشە بولماسى يسپانيانىڭ پرە­مەر-ءمينيسترى حوسە لۋيس ساپا­تە­رو ءوز وتانداسى بولىپ تابىلاتىن “تۋر دە فرانستىڭ” جەڭىمپازى جانە “استانا” كومانداسىنىڭ كا­پي­تانى البەرتو كونتادوردى سول ساپاردان ەلىنە بارعان بەتىندە ءبىر­دەن شاقىرىپ الىپ, وزىندە قا­بىل­دار ما! ال بۇل كەزدەسۋگە سپورتشى دا قۇر قول بارا سالعان جوق. ول ءوڭى­رىنە “استانا” اتى جازىلعان جە­ڭىمپازدىڭ سارى جەيدەسىن جاقسى جو­رالعى رەتىندە تابىس ەتتى. سودان كەيىن مادريد قالاسىنىڭ تۇبىندەگى ءوزى تۋىپ-وسكەن پينتو قالاشىعىنا كەلگەن ونى جەرلەستەرى تايلى-تۇياعى قالماي تالاسا كۇتىپ الىپ, ءۇش كۇن­نىڭ تۇندىگىن جەلپىلدەتە تويلادى-اي دەيسىز!.. سول تويدىڭ تولار شاعىندا البەرتو ءوزى اتىن جامىلىپ جۇرگەن “استانا” كومانداسىنىڭ جەيدەسىن جالاۋ ەتىپ جەلبىرەتە ۇستاپ, قورجى­نىندا قالعان ارتىقتارىن تابارىك سىندى ەتىپ ەلگە تاراتىپ قايتتى. بىلە بىلگەنگە, وسىنىڭ ءبارى – ءبىز­دىڭ استانامىز ءۇشىن ناعىز نا­سيحات. بۇدان قالدى, ءبىزدىڭ بايتا­عى­مىز اتىن وزىمىزشە كوككە كوتەرىپ, مىڭ-سان كۇن ماداق جىرىن مازداتا بەرگەننەن گورى, ونىڭ الامان جو­لىن­داعى قىم-قيعاش قىرقالار قىل­تاسىندا حابار جۇرگىزۋشىلەردىڭ اۋزىمەن وقتىن-وقتىن قايتالانىپ ايتىلا ءتۇسۋى الدەقايدا ءوتىمدى شى­عاتىنى تاعى اقيقات. مىنە, ال­بەر­تو جانە ونىڭ كومانداسىنىڭ كە­شەگى اپتانىڭ جەكسەنبىسىنىڭ كەشىن­دە بىزگە سىيلاعان جارقىن جەڭىسىنىڭ ءبىر قۇدىرەتى وسىندا جاتىر! سون­دىق­تان كوپكۇندىكتىڭ كەرۋەنىن باس­تاعان سايىپقىران مەن ونىڭ وسىنداي تابىسقا جەتۋىنە جاردەم جاساعان جىگىتتەرگە قانداي قوشەمەت كورسەتسەڭ دە جاراسار ەدى. بۇل جەردە استانالىق كوماندا­نىڭ بۇرىننان كەلە جاتقان تۇر­عى­لىقتى ليدەرى الەكساندر ۆينوكۋ­روۆ­تىڭ ايرىقشا ەڭبەگىنە دە ار­نايى توقتالىپ وتپەسكە بولمايدى. ماسەلە, ونىڭ ەكى جىلعى ديسكۆا­لي­­في­­­كا­تسيادان كەيىن ۇلكەن سپورت­قا قاي­تا ورالعانىندا عانا ەمەس. جۇرتتىڭ بارىنە سۇيكىمدى ۆينو جاي كەلىپ قويا سالعان جوق, ول ءوزىنىڭ ءالى الەمدەگى مىقتى شاباندوزداردىڭ قاتارىندا ەكەنىن تاماشا ەتىپ تانىتىپ بەردى. ءبىز بىلەتىن ۆينو­كۋ­روۆ – ەڭ الدىمەن كوماندانىڭ ورتاق تابىسى ءۇشىن ءوزىنىڭ جەكە مۇددەسىن قۇربان ەتۋگە قايىل تۇرا­تىن كوشباسشى. ول وسى جولى دا سول ماقساتتىڭ ۇدەسىنەن تابىلۋعا ۇمتىلىپ باقتى. بيىل “تۋر دە فرانس” بايگەسىنە جەتىنشى مارتە قاتىسىپ قايتقان ساشانىڭ ءوزىمىز ءسوز ەتىپ وتىرعان تۋرنەدەگى تاعى ءبىر تابىسى, جالپى ەسەپتە البەرتو­نىڭ جەڭىسكە جەتۋىنە جول اشىپ بە­ر­ىپ قانا قويماي, ءوزى دە ەكى كەزەڭنىڭ مارەسى باسىنان تابىلا ءبىلدى. جال­پى, ۆينوكۋروۆتىڭ وسى ۋاقىتقا دەيىن “استانا” كومانداسىنا ءسى­ڭىر­گەن ەڭبەگى ۇشان-تەڭىز. ول بۇل كو­ماندانىڭ ساپىندا ۇلكەن وتكەلەكتى جولداردان وتۋمەن بىرگە, ونىڭ تالاي تولاعاي تويىنىڭ كۋاسى دە بولدى. باسىندا ۆەلوسپورتتاعى قىزمەتىن كوماندانىڭ قولبالاسى تاقىلەتتەس گرەگاري بولىپ باستا­­عان ول كەيىن كەلە ءبىراز ۋاقىت ونىڭ كاپيتاندىعىنىڭ دا تىزگىنىن ۇستادى. ال قازىر ويىنشى-جاتتىقتىرۋشى مىندەتىن اتقارىپ ءجۇر. ەندى بىرەر ءسوز باس كەيىپكەر – ال­بەرتو كونتادور ۆەلاسكاستىڭ ءوزى جونىندە. وسىمەن ءۇشىنشى رەت “تۋردى” جەڭىپ الىپ وتىرعان ونىڭ 2007 جىلى بۇل اتاققا العاش قول جەتكىزگەنىن بۇدان بۇرىن ايتقان­بىز. ول وسى جەتىستىگىمەن 1991-1995 جىل­دار ارالىعىندا قاتارىنان 5 رەت جەڭىسكە جەتكەن ميگەل يندۋ­راين­­نان كەيىن سول “ۇلكەن تۇزاق­تىڭ” تۇعىرىنا قونعان ءبىرىنشى يسپاندىق اتاندى. سونىمەن بىرگە 97 جىلدىق تاريحى بار “تۋردىڭ” جىلناما­سىندا البەرتو ونىڭ ءبىر­دە-ءبىر كەزەڭىندە جەڭىسكە جەتپەي-اق جالپى ەسەپتە ءبىرىنشى ورىنعا شىق­­قان ال­تىنشى ۆەلوشاباندوز بولدى. وسى­نىڭ الدىندا مۇنداي كورسەت­كىش­تى تاعى ءبىر يسپاندىق وسكار پە­رەيرو 2006 جىلى كورسەتىپ ەدى. ءبى­راق ول بۇل جولعى الامانعا كەلمەي قالدى. قازىر بەلگىلى بولعانى, ەندى ال­بەرتو كونتادور وزىنە ەكى رەت “تۋر دە فرانستى”, ءبىر-بىردەن “دجيرو” مەن “ۆۋەلتانى” جەڭىپ الۋعا كو­مەكتەسكەن “استانا” كومانداسىمەن كەلىسىم-شارتتى ماۋسىم سوڭىنا قا­راي ۇزەتىنىن مالىمدەپ وتىر. ول جىلدىڭ اقىرىندا ليۋكسەمبۋرگتىڭ “Saxo Bank” كومانداسىنىڭ ساپى­­نان تابىلىپ قالۋى ابدەن ىقتيمال. ال بۇل كومانداداعى اعايىندى فرەنك جانە ەندي شلەكتەر ليۋك­سەم­بۋرگتە وزدەرىنىڭ جەكە كومان­دا­سىن قۇرىپ كەتپەكشى. سوندىقتان كوماندانىڭ باس مەنەدجەرى بيارنە ريس ءوزى كوپتەن كوزىن قاداپ جۇرگەن كونتادوردى سولاردىڭ ورنىن باسۋ ءۇشىن الماقشى كورىنەدى. ول ءبىزدىڭ كاپيتانمەن “تۋردىڭ” سوڭعى كۇن­دەرى-اق ءبىر مامىلەگە كەلىپ قويعان سياقتى. ال فرانتسيا جولدارىندا جان الىسىپ, جان بەرىسكەن شايقاس ءجۇرىپ جاتقان كۇندەرى البەرتو ءوزى­نىڭ كونتراكتىنى تەك “استانامەن” جاساساتىنىن الدەنەشە مارتە قاي­تالاپ ايتقان دا ەدى-اۋ! دەگەنمەن, ەندىگى جەردە مىنا كەلىسىمنىڭ ءبىر بولىگى رەتىندە “استانا” كوماندا­سىن­داعى باسقا يسپاندار – بەند­جامين نوۆال, دانيەل ناۆاررو, دەۆيد دە لا فۋەنتە جانە حەسۋس ەر­ناندەس – بارلىعى بىردەي كون­تا­دور-ريس تاندەمى قاتارىنا ءوتىپ قالاتىن تۇرلەرى بار. شولۋشىلار قازىرگى كۇندەرى سونىمەن بىرگە شۆەيتساريا كومانداسىنداعى تاعى ءبىر يسپاندىق – فابيان كانچەل­لا­رانىڭ دا وسى ساپتان تابىلىپ قا­لۋى مۇمكىن ەكەنىن ايتىپ وتىر. وندا بۇل كوماندا ءاپ-ساتتە بىردەن Dream Team كومانداعا, ياعني جۇلدىزدار شوعىرىنا اينالىپ شىعا كەلمەك! جاسىراتىن نەسى بار, قازاقستان ۆەلوسپورت فەدەراتسياسى البەرتو كونتادوردىڭ كەلىسىم-شارتتى سو­زۋدان باس تارتاتىنى تۋرالى حابار­دى باسىندا ونشالىقتى جايلى قابىلداي العان جوق. ء“بىزدىڭ كە­لىسىم-شارت بويىنشا وعان ۇسىنىپ وتىرعان سومامىز, قازىرگى ۆەلوسپورت ولشەمى بويىنشا, ايتارلىقتاي كو­لەمدى”, – دەيدى وسى رەتتە فەدەرا­تسيانىڭ باس حاتشىسى ۆالەنتين رە­حەرت. ال بىزگە جەتكەن كەيبىر دەرەك­كوزدەرگە قاراعاندا, كونتادوردىڭ “استاناداعى” جىلدىق جالاقىسى 5 ملن. ەۋرونى قۇرايدى ەكەن. دەمەك, “Saxo Bank” كومانداسىنىڭ ۇسى­نىپ وتىرعان جالاقىسى بۇدان دا جوعارى بولۋى ءتيىس. وسى رەتتە مە­نەدجەر ريس ءوز كومانداسى ءۇشىن جا­ڭا دەمەۋشىلەردى تاپقانىن جا­سىرىپ وتىرعان جوق. “بۇل كەلىسىم-شارتتىڭ ماتەريالدىق جاعى ال­بەرتونىڭ مەنەدجەرى بولىپ تابى­لاتىن تۋعان باۋىرىن دا قاناعات­تاندىرىپ وتىرعان بولۋى كادىك. ءبىز مۇنى تولىعىنان تۇسىنەمىز”, – دەيدى كەلەسى كەزەكتە “استانا” كو­مان­داسىنىڭ ديرەكتورى دميتري سەدۋن. ال جاڭا شاباندوزدارمەن تولىققاننان كەيىن “Saxo Bank” ءوزىنىڭ اتاۋىن وزگەرتەتىنگە ۇقسايدى. وسى كۇندەرى “استانا” كومان­داسىنىڭ 2011 جىلعى قۇرامىنداعى سپورتشىلار سانى ءبىرشاما قىسقار­عالى تۇرعانى دا بەلگىلى بولىپ قال­دى. فەدەراتسيانىڭ باس حاتشىسى كوماندانىڭ بيىلعى ساپىنداعى ۆەلوشاباندوزداردىڭ 50 پايىزىن قازاقستاندىقتار قۇراعانىن, ياعني 27 سپورتشىنىڭ 13-ءى جەرگىلىكتى جاستار بولعانىن ايتا كەلىپ, كەلەسى جىلى بۇل مولشەردىڭ بۇدان دا ازايا تۇسپەگىن ءمالىم ەتتى. سەبەبى, سىرتتان تاعى 2-3 سپورتشى الىنباقشى ەكەن. سونىمەن بىرگە ول ەلىمىزدەن كە­تىپ جاتقان تارلانداردىڭ ورىن­دارىن باسا الاتىنداي پەرسپەك­تيۆالى جاستاردىڭ ءوسىپ كەلە جات­قانىن دا اۋىزعا الدى. “بىراق بي­ىل­عى جىلى ولاردى كوماندا قۇر­ا­مىنا تارتۋ جوسپارعا ەنبەگەن, – دەدى ۆ.رەحەرت وسى ورايدا. – شا­ماسى, بۇل جۇمىس 2012 جىلى قولعا الىنىپ قالاتىن شىعار. ازىرگە بۇل جاستار ءالى جەتىلىپ-پىسكەن جوق”. الايدا, بىزگە باس حاتشىنىڭ ەندى كىمدەرگە قۇدا تۇسپەك ويلارى بار ەكەنى بەلگىسىز. ايتاتىنى جوق, ءپاريجدىڭ ەلي­سەي الاڭىندا اتتىڭ باسىن ىرىككەن الامان ونىڭ جەڭىمپازدارى مەن جۇلدەگەرىنە دە ايتارلىقتاي كولەم­دە قارجىلاي تابىستار دا الىپ كەل­دى. وسى كۇندەرى حالىقارالىق ۆە­لوسيپەدشىلەر وداعىنىڭ باسشى­لى­عى “ۇلكەن تۇزاق-2010” جارىسىنىڭ قورىتىندىسى بويىنشا كوماندا­لاردىڭ “تۋردى” ۇيىمداستى­رۋ­شى­لاردان قانشالىقتى مولشەردە سىياقى الاتىندارىن جاريا ەتتى. مۇندا بارىنەن دە كوپ تابىس تاپ­قانى “استانا” كومانداسى بولدى. ونىڭ ۇجىمى وسى جەتىستىگى ءۇشىن 488 886 ەۋرو اقشا الادى. بۇدان ءارى ۇشتىكتى تۇزگەن “Saxo Bank” جانە “Rabobank” كوماندالارىنا ءتيى­سىن­شە 292 392 جانە 192 978 ەۋرو ءمول­شە­رىندە سىياقى تاپسىرىلادى. كو­ماندالار اراسىندا وسى بايگەدەن كەيىن رەيتينگىسى ەڭ جوعارى بول­عانى دا “استانا” بولىپ وتىر. ول تۋر بىتكەن بويدا شىعارىلعان ەسەپ بوي­ىنشا 884 ۇپايعا يە بولىپ, ءوزىنىڭ كوشباسىلىق قالپىن ساقتاپ قالدى. العى كۇندەرگە اسىققان “استا­نانىڭ” ءدال قازىرگى تاڭداعى احۋالى وسىنداي. سەرىك ءپىرنازار, استانا. ەلوردالىقتار ازىرشە الدا وسى جازدان باس­تاپ ەلىمىزدە ال­عاش رەت قازاقستان بوكس فەدەرا­تسيا­سى­نىڭ كۋبوگى جو­لىنداعى باسە­كە­لەر­دىڭ وتكىزىلە باستاعانى بەلگىلى. قازىر اتالمىش كۋبوك جولىنداعى جەكپە-جەكتەر “با­تىس”, “شى­­عىس”, “سولتۇستىك” جانە “وڭتۇستىك” ديۆيزيونى بولىپ بولىنگەن 14 وبلىس پەن استانا جانە الماتى قالالارىنىڭ بوكسشىلارى اراسىندا ءوتىپ جاتىر. بۇل ايقاس­تار­دىڭ العاشقىسى 17 شىلدە كۇنى اق­تاۋدا, ودان كەيىنگىسى اتىراۋ قالاسىندا وتكەنى ءمالىم. ەندى كەزەك “شىعىس” ديۆيزيونىنا كىرەتىن كوماندالارعا كەلىپ وتىر. سەنبى كۇنى سونىڭ العاشقىسى استانادا جەرگىلىكتى بوكسشىلار مەن پاۆلودار وبلىسىنىڭ كوماندالارى اراسىندا ءوتتى. بۇل جەكپە-جەكتە اس­تانالىقتار كەرەكۋ ءوڭىرىنىڭ بوكس­شىلارىنان 6:4 ەسەبىمەن باسىم ءتۇستى. قورىتىندى ەسەپ, ەلوردالىق كوماندا ءۇشىن كوڭىل كونشىتەرلىك دەسە بولادى. دەگەنمەن, كوماندا سا­پىندا لوندونعا تاجىريبە جي­ناقتاۋ ءۇشىن كەتكەن ءبىراز بوكس­شىلار بولعانىندا استانالىقتار قارسىلاستارىن بۇدان دا ءىرى ەسەپپەن جەڭەتىن مۇمكىندىگى بولاتىن ەدى. ال جالپى, وسىلاي دەسەك تە بۇل جەكپە-جەكتە پاۆلودار وبلىسى­نىڭ كومانداسى جاقسى قىرىنان كورىنىپ, استانا كومانداسىمەن يىق تەڭەس­تىرىپ باسەكەلەسە الاتىنىن كورسەتىپ بەردى. مۇندا اسا اۋىر سالماق­تاعى كوپتەن بەرى كوزگە تۇسپەي جۇرگەن دميتري گوتفريد استانا­لىق ەر­مەك ۇسەنوۆتى 10:3 ەسەبى­مەن ۇستا, 91 كيلو سال­ماقتاعى سپورت شەبەرى, بيىل اقتوبەدە س.قوناق­باەۆ اتىنداعى حالىق­ارا­لىق تۋرنيردە ەكىنشى ورىن العان سەرگەي گون­چاروۆ يۋري زادوروج­نىيدى ءبى­رىن­شى راۋندتا-اق قۇلاتىپ سالا جاز­دادى. ەسەپ – 5:0. سول سياقتى 71 كيلو سال­ماق­تاعى 82 كەزدەسۋ وتكىزىپ, سونىڭ 65-دە جەڭىسكە جەت­كەن تاعى ءبىر كەرەكۋلىك سپورت شەبەرلىگىنەن ۇمىتكەر دانات يمان­بەكوۆ استانالىق قايرات ەرسۇلتا­نوۆتى 7:5, وسى كەزگە دەيىن 200 رەت جەكپە-جەككە شىعىپ, سونىڭ 160 كەزدەسۋىندە مەرەيى ۇستەم بولعان حالىقارالىق دارەجەدەگى سپورت شەبەرى ازامات سماعۇلوۆ (64 كگ.) وزىنەن تاجىريبەسى ازداۋ المات­بەك اعىباەۆتى 5:3 ەسەبىمەن جەڭ­گەنىن اتاپ وتكەنىمىز ءجون. دەگەن­مەن, بۇل كەزدەسۋ ازامات سياقتى 2006 جىلى ماروككودا وتكەن الەم چەمپيونا­تى­نىڭ ءفيناليسى ءۇشىن وڭ بولعان جوق. قارسىلاسىنان ءتاجىري­بەسى ازداۋ بولسا دا الماتبەك شار­شى الاڭ­دا كەرەكۋلىك بوكسشىمەن بارىن سالىپ قولعاپ ءتۇيىستىردى. ءبى­راق تاجىريبە دەگەن ءوزىن كورسەتپەي قويمايدى ەكەن. سوڭعى راۋندتا وسىنى پايدالانىپ, ازامات قارسى­لا­سىن سوققىعا الىپ, اقىرى دە­گەنىنە جەتتى. وسى كۇنى 56 كيلو سالماقتا ونەر كورسەتكەن قانات ءابۋتالىپوۆ تە (56 كگ.) ءوزىنىڭ تاجىريبەسىن پايدالانىپ, كەرەكۋلىك فارحات دۇيسەبەكوۆتى ۇتسا, تاعى ءبىر استانالىق بوكسشى باقىتجان قوجابەكوۆ (69 كگ.) سەرگەي سكاكۋندى 8:3 ەسەبىمەن ادەمى جەڭدى. سونىمەن بىرگە وسى كۇنى استانا كومانداسىنىڭ مۇشە­لەرى ءىلياس سۇلەيمەنوۆ (49 كگ.), ازات ماحمەتوۆ (52 كگ.), دۋمان ءالى­موۆ (60 كگ.), ازامات بەلگىباەۆ (81 كگ.) ءوز سالماقتارىندا باسىمدىلىق تانىت­تى. ال جارىستىڭ سوڭىندا ەكىنشى راۋندتا قارسىلاسىنىڭ قاباعىن جارا جازداعان دۋمان ءالىموۆ تەحنيكا جاعىنان ەڭ ۇزدىك بوكسشى اتانسا, كەرەكۋلىك دميتري گوتفريد قۇرامالىق جەكپە-جەكتەردىڭ ەڭ ءۇزدىڭ بوكسشى اتاعىنا يە بولدى. جارىس كەزىندە قازاقستان بوكس فەدەراتسياسىنىڭ ۇيلەستىرۋشىلەرى بولات ابدراحمانوۆ پەن بولات مانكەنوۆ جەكپە-جەككە شىققان بوكسشىلاردىڭ ءبارىن ماراپاتتاپ, سىي-سىياپات كورسەتتى. داستان كەنجالين. جارىستار كۇندەلىگى سامبو. قازاقستان قۇراماسى رەسەي فەدەراتسياسى پرەزيدەن­تى­نىڭ كۋبوگى ءۇشىن تۋرنيردە ءۇش­تىكتىڭ قۇرامىنا كىردى. فينالدا بەلارۋس ەلى سامبوشى­لارىن 7:2 ەسەبىمەن ۇتقان رەسەي كومانداسى وسىمەن ءتورتىنشى رەت كۋبوكتى وزدەرىندە قالدىردى. ال ءبىزدىڭ جىگىتتەر ءۇشىنشى ورىن ءۇشىن بول­عان تالاستا ۋكراين بالۋاندارىن تىزە بۇكتىردى. گرەك-ريم كۇرەسى. تايلاند اس­تاناسى بانكگوك قالا­سىندا جاسوسپىرىمدەر اراسىندا وتكەن ازيا چەمپيو­ناتىنان قازاقستان قۇراماسى 2 التىن, 1 كۇمىس جانە 3 قولا مەدال الىپ قايتتى. ءبىرىنشى ورىنعا ايبەك ماردانوۆ (42 كگ) پەن راشيد كوچيەۆ (76 كگ), ەكىنشى ورىنعا ازامات ءدۇمبيروۆ (69 كگ), ءۇشىنشى ورىنعا مەيرام­بەك ايناعۇلوۆ (46 كگ), ماقسات ايتبەكوۆ (54 كگ) جانە جايدار دۋاشتەگى (100 كگ) كوتەرىلدى. بالۋاندار مۇندا ون سالماق دارەجەسى بويىنشا جۇلدەلى ورىنداردى ساراپقا سالدى. ۆولەيبول. قازاقستاننىڭ ەرلەر قۇراما كومانداسى يراننىڭ ۋرۋمي قالاسىندا 7 تامىزدا باستالعان ءىى ازيا كۋبوگى ءۇشىن تۋرنيرگە قاتىسىپ جاتىر. 7 تامىزدا مارەگە جەتەتىن جارىسقا قاتىسۋشى 8 كومان­دا ەكى توپقا ءبولىنىپ ويناۋدا. “ۆ” توبىنا ءتۇس­كەن ءبىزدىڭ جىگىتتەردىڭ قارسىلاس­تارى – جاپونيا, كورەيا جانە اۆستراليا ۆولەيبولشىلارى. توپتان وزعان ەكى كوماندا 5 تامىز كۇنى شيرەك فينالدىق, 6 تامىزدا جارتىلاي فينالدىق كەزدەسۋلەر وتكىزەدى. ۆەلوسپورت. قىتايدا مارەگە جەتكەن “تسينحاي كولى ءتۋرنيرىنىڭ” قورىتىندىسىندا ۇندىستاندىق حوسەين اسكەري باس بايگەگە قول جەت­كىزدى. ەكىنشى ورىنعا حور­ۆات رادوسلاۆ روگينا شىقسا, ءۇشىنشى ورىن امەري­كالىق كەل رەينەنگە بۇيىردى. ال قازاقستاندىقتار ءىشى­نەن الدا بولعان الەكساندر شۋ­شەموين 15-ءشى, رۋسلان تىلەۋ­باەۆ 24-ءشى ورىندارعا تابان تىرەدى. مىلتىق اتۋ. پاۆلودارلىق ۆياچەسلاۆ پودلەسنىي مىلتىق اتۋدان ميۋنحەندە (گەرمانيا) ءوتىپ جاتقان الەم چەمپيوناتىندا سەنساتسيا جاسادى. ول شاعىن كاليبرلى پيستولەتتەن 50 مەتر قاشىقتىقتا نىسانا كوزدەۋدەن جاپون تومويۋكي ماتسۋدا مەن كورەي داە مۋن ليدەن كەيىنگى ءۇشىنشى ورىنعا ورنالاستى. ءتورت جىلدا ءبىر رەت وتەتىن بۇل الەمدىك باسەكەنىڭ جۇلدەگەرلەرى سونىمەن بىرگە 2012 جىلعى لوندون وليمپياداسىنىڭ ليتسەنزياسىنا دا يە بولدى. فۋتبول. وتكەن سەنبى-جەكسەنبى كۇندەرى ەلىمىز پرەمەر-ليگاسى 21 تۋرىنىڭ ويىندارى ءوتتى. ولار مىناداي ناتيجەلەر اكەلدى: 31 شىلدە. “اقتوبە” – “تاراز” 2:1, “توبىل” (قوستاناي) - “ەرتىس” (پاۆ­لو­دار) 4:1. 1 تامىز. “لوكوموتيۆ” (استانا) - “جەتىسۋ” (تال­دىقورعان) 1:0, “ورداباسى” (شىمكەنت) – “قاي­رات” (الماتى) 1:0, “شاحتەر” (قاراعاندى) – “اتى­راۋ” 0:1, “اقجايىق” (ورال) – “وقجەتپەس” (كوك­شە­تاۋ) 2:0. مۇنىڭ الدىنداعى 20 تۋردىڭ 26 شىلدە كۇنى وينالعان “لوكوموتيۆ” (استانا) – “ورداباسى” (شىم­كەنت) اراسىنداعى ماتچىندا الاڭ يەلەرى 1:0 ەسە­بىمەن ۇتتى. سول سياقتى “تاراز” - “شاحتەر” (قا­راعاندى) كوماندالارى كەزدەسۋى, بۇرىن حابارلاعانى­مىزداي, 1:1 ەمەس, 1:5 ەسەبىمەن اياقتالدى. چەمپيوناتتاعى مەرگەندەر كوشىن مىنا ويىنشىلار باستاپ كەلەدى: نۇربول جۇماسقاليەۆ (توبىل) – 10, ۇلىقبەك باقاەۆ (توبىل) – 10 (3), گەورگي داس­كالوۆ (ەرتىس) – 9 (1), يگور بۋ­گاەۆ (لوكوموتيۆ) – 9 (2), گلەب مال­تسەۆ (ەرتىس) – 8, مۇرات تىلە­شوۆ (اقتوبە) - 7, موزەس ساكي (اقجايىق) – 7 (2). اۋىر اتلەتيكا. تالدىقور­عان­دا ەلىمىزدىڭ ەرلەر مەن ايەلدەر اراسىنداعى كەزەكتى چەمپيوناتى باس­تالدى. قىركۇيەكتە وتەتىن الەم بىرىنشىلىگى الدىنداعى باستى ەمتيحان بولىپ تابىلاتىن بۇل دوداعا بارلىق ايماقتاردان 200-دەن استام كۇشتى اتلەت قاتىسۋدا. بىرىنشىلىكتىڭ ءبىرىنشى كۇنى 56 كيلوعا دەيىنگى سالماقتا ەرلەر جۇلدەگەرلەردى انىقتادى. مۇندا قوسسايىستا 247 كگ سالماق كوتەر­گەن الماتى وبلىسىنىڭ وكىلى ۆي­تالي تسون چەمپيون اتاندى. كۇ­مىس مەدالدى ال­مات­ىلىق شىڭ­­­عىس جۇسىپباەۆ, قولا مەدال­دى اق­مولا وبلىسىنىڭ اتلەتى دميت­ري شۋبابا ەنشىلەدى. “ەگەمەن-اقپارات”.