قازاقستان رەسپۋبليكاسى ءبىلىم جانە عىلىم ءمينيسترىنىڭ بۇيرىعى №369

2010 جىلعى  9 شىلدە استانا قالاسى. ء“بىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى”  قازاقستان رەسپۋبليكاسى ءبىلىم جانە عىلىم ءمينيسترىنىڭ  2008 جىلعى 18 ناۋرىزداعى №125 بۇيرىعىنا تولىقتىرۋلار ەنگىزۋ تۋرالى بۇيىرامىن: 1. ء“بىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى” قازاقستان رەسپۋبليكاسى ءبىلىم جانە عىلىم مينيس­ترىنىڭ 2008 جىلعى 18 ناۋرىزداعى № 125 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5191 تىركەلگەن, 2008 جىلعى 30 مامىرداعى № 81 (1481) “زاڭ گازەتىندە” جاريالان­عان) مىناداي تولىقتىرۋلار ەنگىزىلسىن: وسى بۇيرىقپەن بەكىتىلگەن, باستاۋىش, نەگىزگى ورتا, جالپى ورتا ءبىلىمنىڭ ءبىلىم بەرەتىن وقۋ باع­دارلامالارىن ىسكە اسىراتىن ءبىلىم بەرۋ ۇيىمدا­رىنداعى ءبىلىم الۋشىلاردىڭ ۇلگەرىمىنە اعىمدىق باقىلاۋدىڭ, ولاردى ارالىق جانە قورىتىندى اتتەستاتتاۋدىڭ ۇلگى ەرەجەسىندە: 18-تارماق مىناداي مازمۇنداعى ابزاتستارمەن تولىقتىرىلسىن: “نەگىزگى مەكتەپتى بىتىرگەندىگى تۋرالى كۋالىككە ەنگىزۋگە جاتاتىن بارلىق پاندەردەن جىلدىق جانە قورىتىندى باعالارى “5” بولعان 9 (10)-سىنىپ ءبىتىرۋ­شىلەرىنە نەگىزگى ورتا ءبىلىم تۋرالى ۇزدىك كۋالىك بەرىلەدى. 10 (11) جانە 11 (12)-سىنىپتارداعى وقۋ كەزەڭىندە بارلىق پاندەردەن جىلدىق, قورىتىندى جانە قورىتىندى اتتەستاتتاۋداعى باعالارى “5” بولعان 11 (12)- سىنىپ بىتىرۋشىلەرىنە جالپى ورتا ءبىلىم تۋرالى ۇزدىك اتتەستات بەرىلەدى. جالپى ورتا ءبىلىم تۋرالى “التىن بەلگى” اتتەستاتىن الۋعا ۇمىتكەر ۇبت-دا ءبىر بالل جەتپەۋىنە بايلانىستى جالپى ورتا ءبىلىم تۋرالى “التىن بەلگى” اتتەستاتىن راستاماعان جاعدايدا, وعان جالپى ورتا ءبىلىم تۋرالى ۇزدىك اتتەستات بەرىلەدى.”. 2. مەكتەپكە دەيىنگى جانە ورتا ءبىلىم دەپارتامەنتى (ن.ر. ارشابەكوۆ): 1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن. 3. وسى بۇيرىق العاش رەت رەسمي جاريالان­عاننان كەيىن ون كۇنتىزبەلىك كۇن وتكەن سوڭ قولدا­نىسقا ەنگىزىلەدى. 4. وسى بۇيرىقتىڭ ورىندالۋىن باقىلاۋدى وزىمە قالدىرامىن. ءمينيستردىڭ  مىندەتىن اتقارۋشى   م.سارىبەكوۆ. ______________________________________________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 14 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6333 بولىپ ەنگىزىلدى.