مەرەكەگە ارنالعان سالتاناتتى قابىلداۋ

مەملەكەت باسشىسى نۇرسۇلتان نازارباەۆتىڭ استانا كۇنىنە ار­نالعان سالتاناتتى قابىلداۋى بولدى, دەپ حابارلادى پرەزي­دەنت­تىڭ ءباسپاسوز قىزمەتى. ءىس-شاراعا پارلامەنت دەپۋ­تات­تارى, ۇكىمەت مۇشەلەرى, مەم­لە­كەتتىك ورگاندار مەن ديپلو­ما­تيالىق كورپۋس, زيالى قاۋىم جانە ىسكەرلىك ورتا, مادەنيەت پەن ءبىلىم بەرۋ سالاسىنىڭ وكىلدەرى قاتىستى. مەملەكەت باسشىسى ءوز ءسوزىن­دە نەبارى 17 جاسقا تولعان ەل استا­ناسىنىڭ قازىردىڭ وزىندە باي ءارى داڭقتى تاريحى بار ەكەنىن ايتتى. – بۇگىندە ەلدىڭ باس قالاسى تەك بىرە­گەي عيماراتتارىمەن عانا ەمەس, قايتا­لانباس وزىندىك احۋال-تىنىسىمەن دە ەرەكشەلەنەدى. استانانىڭ ءوز «گراۆيتاتسياسى» بار, ول تالانتتاردى, جاڭا جوبالاردى, قارجىلىق, زياتكەرلىك جانە الەۋمەتتىك كاپيتالدى وزىنە تارتىپ تۇرادى. وسىندا ءومىر سۇرۋگە, ءوز بو­لاشاعىن وسىندا بەدەرلەۋ­گە ۇمتىل­عاندار بار­عان سايىن كوبەيۋدە. استانا حال­قى­نىڭ سانى كۇتكەندەگىنىڭ ءبارى­نەن دە اسىپ ءتۇسىپ, ميلليونعا جۋىق­تاپ قال­دى. بۇل رەتتە قالانىڭ ەلگە بەرەرى دە كو­بەيە تۇسۋدە. ءبۇ­گىندە استانا – رەس­پۋب­­ليكالىق بيۋد­­جەتتىڭ دونورىنا اينال­­عان ءوڭىر­دىڭ ءبىرى, – دەدى قازاقستان پرە­­زي­­دەنتى. نۇرسۇلتان نازارباەۆ ەلدىڭ الەۋ­مەت­تىك جانە ەكونوميكالىق ومىرىنە تيگىزىپ وتىرعان ەلوردانىڭ وڭ ىقپالىن اتاپ ءوتتى. – استانا قازىردىڭ وزىندە تەك ەلدىڭ عانا ەمەس, ورتالىق ازيا ءوڭىرىنىڭ ءبىلىم بەرۋ جانە مەديتسينا حابى ءرولى­نە يە بولىپ وتىر. «نۇرلى جول» باعدار­لا­ماسىن جۇزەگە اسىرۋ ەلدىڭ بارلىق ءوڭىرىن ەلورداعا جاقىنداتا تۇسۋدە. جاڭا جىبەك جولى جوباسى قازاق­ستاندى ەۋرازيا قۇر­لى­عىنىڭ ورتا­لىق مەملەكەتىنە اينالدىرادى. ەكسپو-2017 حالىق­ارالىق كورمەسىن وتكىزۋ ەلىمىز­دىڭ تەحنولوگيالىق كوش­باس­شىلى­عىن قامتاماسىز ەتىپ, الەمگە قا­زاق­ستاننىڭ بالامالى ەنەرگەتيكا سالاسىنداعى جەتىستىكتەرىن ايگى­لەيدى. «استانا» حالىقارالىق قار­جى ورتا­لىعىن قۇرۋ – تاعى ءبىر ءور­شىل باستا­مامىز. ول استانانىڭ عانا ەمەس, بۇكىل رەسپۋبليكانىڭ كوپ جىلدارعا ارنالعان دامۋ باعى­تىن ايقىنداپ بەرەدى. «لوكالدى كوشباسشىلىق جانە جاھان­دىق باسەكەگە قابىلەتتىلىك» – ءبىز ۇستاناتىن فورمۋلا وسى. كورىپ وتىرعانىمىزداي, استانادا قازىر­دىڭ وزىندە وسى جوسپاردى جۇزەگە اسىرۋ ءۇشىن جۇمىس جۇرگىزىلۋدە, – دەدى مەملەكەت باسشىسى. سونىمەن قاتار, قازاقستان پرەزي­دەنتى مەرەكەگە ءوزىنىڭ جەكە باسىنىڭ قاتىسى جونىندەگى ويىمەن ءبولىستى. – قالا كۇنى دە ادامنىڭ تۋعان كۇنى سياقتى – ول تەك مەرەكەلەۋ­گە سەبەپ قانا ەمەس, ەسەپ بەرىپ, قورىتىندى جاساۋدىڭ دا ءبىر مۇمكىندىگى. مەن ءۇشىن مەرەيتوي جەكە باسىمنىڭ مەرەكەسى بولعان كەزەڭ الدەقاشان ارتتا قالدى. مەنىڭ بۇكىل جۇمىسىم مەن بار ءومىرىم ەلمەن ەتەنە بايلانىستى. مەن ءۇشىن قازاقستاننىڭ, ونىڭ ەلورداسىنىڭ جانە ءاربىر ءوڭىرىنىڭ جاڭا تابىسىنان ارتىق قۇتتىقتاۋ جوق جانە بولماق ەمەس, – دەدى نۇرسۇلتان نازارباەۆ. سونداي-اق, مەملەكەت باس­شىسى اس­تانانى ودان ءارى دامىتۋعا اتسا­لىس­قان­دارى ءۇشىن قاتىسۋشىلارعا العىس ايتتى. – بۇل جەردە جاڭا جانە بىرە­گەي ەۋرا­زيا مادەنيەتى قالىپتا­سادى, جاستار باسەكەگە لايىق ءبىلىم الادى, بولا­ش­اققا سەنىممەن قا­دام باساتىن جاڭا وتباسىلار قۇرىلادى. ءبىرلى­گى­مىزدىڭ, ەڭبەك­سۇي­گىش­تىگىمىزدىڭ, تابان­دى­لى­عىمىزدىڭ ارقاسىندا ءبىزدىڭ العا قوي­عان بارلىق ماقساتىمىزعا جەتە­تىنىمىزگە سەنىمدىمىن, – دەدى قازاق­ستان پرەزيدەنتى. سوڭىندا نۇرسۇلتان نازارباەۆ بارشا قازاقستاندىقتاردى مەرەكەمەن قۇتتىقتاپ, يگىلىك پەن باق-بەرەكە تىلەدى.