الەۋمەتتىك قورعاۋ – بارشاعا ورتاق

قاراعاندىدا ەڭبەك جانە حا­لىقتى الەۋمەتتىك قورعاۋ مينيستر­لى­گى مەن بۇۇ-نىڭ قازاقستانداعى دامۋ باعدارداماسىنىڭ “مۇگەدەك­تەر­دىڭ قۇقىقتارى  تۋرالى بۇۇ كون­ۆەنتسياسى شەڭبەرىندە ءمۇم­كىن­دىگى شەكتەۋلى ادامداردى الەۋمەتتىك قورعاۋ جۇيەسىن جەتىلدىرۋ جانە ارناۋلى قىزمەت كورسەتۋ جۇيەسىن دا­مىتۋ” اتتى بىرلەسكەن جوباسى ايا­سىندا مۇمكىندىگى شەكتەۋلى ازامات­تاردىڭ قۇقىقتارىن قامتاماسىز ەتۋ, ءومىر ءسۇرۋ ساپاسىن جاقسارتۋ  جونىندەگى  ۇزاق مەرزىمدى پەرسپەك­تي­ۆاعا ارنالعان ۇلتتىق ءىس-قيمىل جوسپارىن ازىرلەۋ جونىندەگى جۇمىس توبى مەن مۇگەدەكتەردى الەۋمەتتىك قورعاۋ سالاسىنداعى  ۇيلەستىرۋ كەڭەسىنىڭ  بىرلەسكەن وتىرىسى, سونداي-اق “ارناۋلى الەۋمەتتىك قىزمەتتەر تۋرالى” قازاقستان رەسپۋبليكاسى زاڭىنىڭ ىسكە اسىرىلۋ ماسەلەلەرى تالقىلان­عان كەڭەس ءوتتى. ونى ەڭبەك جانە حالىقتى الەۋ­مەتتىك قورعاۋ  ءمينيسترى گۇلشارا ابدىقالىقوۆا اشىپ, جۇرگىزدى. ءسوز ورايىندا اتالىپ وتكەندەي, جۇمىس توبى مەن ۇيلەستىرۋ  كەڭەسىنىڭ نە­گىز­گى مىندەتتەرى مۇگەدەكتەردى  الەۋ­مەتتىك قورعاۋ ماسەلەسى بويىنشا ۇسىنىستار ازىرلەۋ, ورتالىق جانە جەرگىلىكتى اتقارۋشى ورگانداردىڭ, ۇيىمدار مەن قوعامدىق بىرلەستىك­تەردىڭ مۇگەدەكتەردى الەۋمەتتىك قور­عاۋدى قامتاماسىز ەتۋ, ولارعا ءومىر سۇرۋگە جانە قوعامعا  كىرىگۋگە تەڭ جاع­داي جاساۋدا ءوزارا قارىم-قاتىناستى قالىپتاستىرۋ  بولىپ تابىلادى. بۇگىندە قازاقستانداعى بارلىق ساناتتاعى مۇگەدەكتەردىڭ سانى 485,4 مىڭ ادامنان استام نەمەسە حالىق­تىڭ 3 پايىزىن قۇرايدى. 2008 جىل­دىڭ جەلتوقسان ايىندا ەلىمىز  “مۇگەدەكتەردىڭ قۇقىقتارى تۋرالى” كونۆەنتسياعا قول قويدى. مۇگەدەك ادامداردىڭ قۇقىقتارىن قورعاۋعا, ولاردى الەۋمەتتىك كىرىكتىرۋگە باعىتتالعان ءىس-شارالار قازىر بەلەڭ الىپ كەلەدى. ازىرلەنىپ جاتقان مۇمكىندىگى شەكتەۋلى ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇزاق مەرزىمدى پەرسپەكتيۆاعا ارنالعان ۇلتتىق ءىس-قيمىلدار جوسپارى ەلىمىزگە مۇگەدەكتەردىڭ قۇقىقتارى تۋرالى بۇۇ كونۆەنتسياسىن راتي­في­كاتسيالاۋ جولدارى مەن ۇدەرىس مەر­زىمىن انىقتاۋعا مۇمكىندىك بەرەدى. كەڭەستە ەڭبەك جانە حالىقتى الەۋمەتتىك قورعاۋ, دەنساۋلىق ساق­تاۋ, ءبىلىم جانە عىلىم, قارجى ۆي­تسە-مينيسترلەرىنىڭ ەسەپتەرى تىڭ­دال­دى. ۇكىمەتتىك ەمەس ۇيىمدار جە­تەكشىلەرى ءوز وي-پىكىرلەرىن ورتاعا سالدى. وسى القالى جيىنعا قاتىسۋشى­لار قاراعاندىداعى بالالار جۇيكە-نەۆرولوگيالىق جۇمىسىمەن, وڭال­دى­رۋ قۇرال-جابدىقتارى كورمەسى­مەن تانىستى. مۇگەدەكتەرگە قىزمەت كورسەتۋ بويىنشا تاجىريبە الما­سىلدى. ءتيىستى قاۋلىلار قابىلدا­نىپ, ناقتى تاپسىرمالار بەلگىلەندى. ايقىن نەسىپباي. قاراعاندى.