ويلى ءسوز – ورتاق قازىنا

كوكىرەگىڭدە كۇن تۇتىلماسىن. *** دىنىنە بەرىك– اينىماس سەرىك. *  *  * تۇنەكتى تۇرەتىن جارىق, تاريحتى تۇزەتىن حالىق. *  *  * باقىتتى ەڭبەكتەن, شىندىقتى جەر-كوكتەن ىزدە. *  *  * ءسوزىڭنىڭ توساڭسۋى, ءتىلىڭنىڭ بوساڭسۋى. *  *  * شاكىرت بولساڭ, ۇستاز بوپ ويلا, باس الماي وقى, بىلۋگە تويما. *  *  * قايماناعا ايتقانىڭ ايدالاعا. *  *  * سايىستا – قايىسپا, كۇرەستە – تىرەس. *  *  * ارالاپ باق نە تۇكپىرلى عالامدى, سوندا تەرەڭ ۇعىناسىڭ ادامدى. مۇزافار الىمباەۆ, قازاقستاننىڭ حالىق جازۋشىسى. الماتى. جاقسىلاردىڭ جازبالارى قازىناسى مول قابدولوۆتىڭ جەكە مۇراعا­تىنان تاعى ءبىر قۇندى مالىمەت تابىلدى. قا­زاقتىڭ ايگىلى اقىنى تايىر جاروكوۆتىڭ ءوز قولىمەن جازعان ءبىر اۋىز ءازىل ولەڭىن زەكەڭ ۇقىپتاپ ساقتاپ قويىپتى. وسىدان شيرەك عاسىر­داي ۋاقىت بۇرىن ۇزاققا سوزىلعان ءبىر جيىنعا قاتىسقان ارىندى اقىن ابدەن زەرىگىپ, جازۋشى ىنىسىنە ولەڭمەن حات جولدايدى. قىرىق سەگىز جىل ساقتالعان بۇل ولەڭحاتقا ز.قابدولوۆتىڭ ءوزى زاماتىندا تۇسىنىكتەمە جازىپ قويىپتى. ۇلى ادامدارىنىڭ تابانى تيگەن جەردەن جادىگەرلىك ىزدەيتىن ۇلگىلى ەلدەردىڭ ۇردىسىنە سالىپ, ادەبيەتىمىزدىڭ تاريحىندا ايرىقشا ورىن الاتىن وسىناۋ ءۇش تۇلعاعا (قاجىم جۇماليەۆ, تايىر جاروكوۆ, زەينوللا قابدولوۆ) قاتىستى سول ولەڭدى وقىرمانعا ۇسىنىپ وتىرمىز. امانتاي ءشارىپ, باۋىرجان ومار ۇلى, فيلولوگيا عىلىمدارىنىڭ دوكتورلارى. * * * زەينوللاعا! قايراتى تال بويىندا قاجىماعان, قايناعان ءسوزدى قۇيىپ قازىنادان. قولىندا قايىرىمى ىنىگە مول, قاسقايىپ وتىرعاندا قاجىم اعاڭ, اعاعا وقتا-تەكتە ءىنى ەركەلەر, قورىقپا, قولقالايتىن بازىنادان. قولىڭدى قاعا قويماس قاپەلىمدە, قارتايىپ قالماسا ەگەر قاجىپ اعاڭ! القىنباس الشاڭكەردىڭ ءوزى ەمەس پە, اشىلسا اي استىندا ازىناعان. ت. ء14/ىV/62. ز.قابدولوۆتىڭ تۇسىنىكتەمەسى: قازاقستان جازۋشىلار وداعىندا ءبىر ۇلكەن جينالىس بولىپ جاتتى. تاكەڭ (تايىر جاروكوۆ) پرەزيديۋمدا وتىرعان. مەن زالدا — قاجەكەڭنىڭ (قاجىم جۇماليەۆتىڭ) قاسىندا وتىرمىن. جينالىس ۇزاققا سوزىلدى. ءتۇس كەزىندە دە تارامادى, ءبىز شارشادىق. سوندا تاكەڭ ەكەۋىمىز الىستان ىمداسىپ, ۇزىلىستە قاجەكەڭە ەرىپ كەتپەك بولدىق. تاكەڭ: “اعاڭدى اينالدىرا بەر, ازىرلەي بەر” دەپ, ەركەلەپ, ەلبەڭدەدى دە وتىردى. سونىڭ ءبارىن ماعان ىممەن ايتتى, ودان قالعانىن وسىلايشا ولەڭدەتىپ, جازىپ بەردى. ز.ك.