شىنايى قۇتتىقتاۋ

25 شىلدەدە پاريج قالاسىنىڭ ەليسەي الاڭىندا الەمگە ايگىلى “تۋر دە فرانس” ۆەلوجارىسىنىڭ سوڭعى كەزەڭى ءوتتى. باس كلاسسيفيكاتسيا بويىنشا “استانا” كومانداسىنىڭ كاپيتانى – يسپاندىق ۆەلوشاباندوز البەرتو كونتادور جەڭىمپاز اتاندى. وسىعان وراي فرانتسيا پرەزي­دەنتى ن.ساركوزي قازاقستان پرەزي­دەنتى ن.نازارباەۆقا ءوزىنىڭ شى­نايى قۇتتىقتاۋىن جولداعانىن “سا­مۇرىق-قازىنا” ۇاق” اق باس­قارماسىنىڭ توراعاسى ق.كەلىم­بە­توۆ­كە فرانتسياداعى قازاقستان ەلشىسى ن.دانەنوۆتىڭ قاتىسۋىمەن وتكەن جۇمىس كەزدەسۋى بارىسىندا وسى ەل پرەزيدەنتىنىڭ ديپلوما­تيا­لىق كەڭەسشىسى جان-داۆيد لەۆيتت جەتكىزدى. كوپكۇندىك جارىستىڭ فينالدىق بولىگىنە كەلگەن قازاقستاندىق دەلە­گاتسيا دا “استانا” كومانداسىنىڭ تاماشا جەڭىسىنە بايلانىستى فران­تسيانىڭ سپورت ىستەرى جونىندەگى جاۋاپتى حاتشىسى راما ياد حا­نىمنان, وسى ەل استاناسىنىڭ مەرى بەرتران دەلانوەدەن, فرانتسيا ۆەلوسيپەد سپورتىنىڭ پرەزيدەنتى داۆيد لاپپارتيەننەن, “تۋر دە فرانس” ۇيىمداستىرۋ كوميتەتىنىڭ باس­شىلىعىنان جانە فرانتسۋز سپورت ۇيىمدارى وكىلدەرىنەن قۇت­تىق­تاۋلار الدى. سول كۇنى “استانا” كوماندا­سى­نىڭ باس دەمەۋشىسى بولىپ تابى­لاتىن “سامۇرىق-قازىنا” ۇاق” اق باسشىلىعى فرانتسياداعى قازاقستان ەلشىلىگىنىڭ قولداۋىمەن ۆەلوكوماندا مۇشەلەرىنە ارناپ قا­بىلداۋ ۇيىم­داستىردى. وعان باق, فران­تسيانىڭ قوعامدىق-ساياسي ىسكەر توپ­تارىنىڭ وكىلدەرى قاتىستى. ەل باس­شىلىعى اتىنان قاتىسۋشىلار ال­دىندا ق.كەلىم­بە­توۆ ءسوز سويلەپ, ا.كونتادوردى جەڭىسىمەن, ال بارلىق كوماندانى “تۋر دە فرانس” ءباي­گەسىنە تابىستى قاتىسقاندارى ءۇشىن العىس ايتىپ, قۇتتىقتادى. قازاقستان پرەزيدەنتى ن.نازارباەۆتىڭ كومان­داعا قول­داۋى جانە ەلدەگى ۆەلو­سپورتتىڭ دامۋىنا كوپ كوڭىل ءبولىپ وتىرعانى دا باسا ايتىلدى. “سامۇرىق-قازىنا” ۇاق” اق باس­قارماسىنىڭ توراعاسى ق.كەلىم­بەتوۆ پاريجدە بولعان كەزىندە سونىمەن قاتار فرانتسيانىڭ ىسكەر توپ وكىلدەرىمەن دە كەزدەستى, دەپ حا­بارلادى سىرتقى ىستەر مينيستر­لى­گىنىڭ ءباسپاسوز قىزمەتى.