جۇك بەتىندە – تاماق, استىندا – اراق...

ادامنان قۋلىق ارتىلعان با؟ وتكەن اپتادا قورداي اۋدانىنداعى «وتار» كەدەن بەكەتىندە «كاماز» كولىگى توقتاتىلىپ, قۇجاتتارىن تەكسەرگەندە وندا تيەلگەن جۇك – ماكارون, وسىمدىك مايى دەپ كور­سەتىلگەن ەكەن. الايدا, تەكسەرە كەلگەندە كولىكتەن جالپى سال­ماعى 20-30 توننانى قۇرايتىن تسيستەرنالار تابىلدى. قىرعىز ەلىنەن اكەلە جاتقان بۇل ىدىستارعا الكوگولدى ونىمدەر قۇيىلعان. ال, «اۋقاتتى» بەكەتىندە توقتاتىل­عان «لادا-21705» كولىگىنە تيەل­گەن جۇكتىڭ قۇجا­­­­تىنا باسقا دۇنيە­لەر جازىلعان دا, تەكسەرە كەل­­گەندە سۋىق قارۋعا ۇقسايتىن زات تابىل­عان. سونداي-اق, ماۋسىم ايىنىڭ سوڭعى كۇندە­رىندە «قورداي», «وتار» بەكەتتەرىنەن وتپەك بولعان «مازدا مVP» جانە «Volvo Fh 12» كو­لىك­تەرىنىڭ يەلەرى حالىق تۇتى­ناتىن تاۋار­لاردى, اراق ونىمدەرىن زاڭسىز الىپ وتپەككە تاۋەكەل ەتىپتى. بۇلار دا جالعان قۇجات جاساعان. «Volvo 380» جۇك كولىگىنىڭ جۇرگىزۋشىسى ت.بەگمەتوۆ «ايشا ءبيبى» كەدەن بەكەتى ارقىلى 24 دانا پلاستماسسا بوشكەلەردى جاسىرىپ الىپ وتپەك بولعان كەزدە ۇستالدى. ءار بوشكەگە 1000 ليتر سپيرت قۇيىلعان. ال, ءدال وسى كۇندەرى «وتار» كەدەن بەكەتىندە جۇك ارتقان «مەرسەدەس سپرينتەر» كولىگى جول قىزمەتكەرلەرىنىڭ: «توقتا!» دەگەن بۇيرىعىن ەلەمەستەن قاشىپ كەتكەن. – ماۋسىم ايىنىڭ باسىندا قارجى مي­نيسترلىگى مەملەكەتتىك كىرىس­تەر كوميتەتى يمپورت­­تالعان تاۋار­­لار بويىنشا سالىقتار مەن كەدەن­­دىك تولەمدەردى تولەۋدى اكىم­شىلىك­­تەن­دىرۋدى كۇشەي­تۋ­ ماقساتىندا باقى­­لاۋ-پرو­في­لاك­تيكالىق ءىس-شارالار جوسپا­رىن ءازىر­لەگەن. وسىعان سايكەس, جامبىل وبلىسى بويىن­­شا مەم­لەكەتتىك كىرىستەر دەپارتا­مەن­تى­­نىڭ ءىس-شارا­لار جوسپارى بەكىتىلدى. مىنە, بۇل ءىس-جوس­­پارلار العاشقى كۇننەن-اق ءوز ءنا­تيجە­سىن بەرۋدە, دەيدى بۇل جونىندە جامبىل وب­لى­سى بويىنشا مەملەكەتتىك كىرىستەر دە­پار­­تامەن­تىنىڭ باسقارما باسشىسى ادىلبەك الىشەۆ. ورالحان ءداۋىت, «ەگەمەن قازاقستان». جامبىل وبلىسى.