مەملەكەت باسشىسى ليۋكسەمبۋرگ پرەمەر-ءمينيسترىن قابىلدادى

استانا. 21 مامىر. ەلباسى VIII استانا ەكونوميكالىق فورۋمىنا قاتىسۋعا كەلگەن ليۋكسەمبۋرگ پرەمەر-ءمينيسترى كساۆە بەتتەلدى قابىلدادى. بۇل تۋرالى akorda.kz حابارلادى. كەزدەسۋ بارىسىندا ەكى ەلدىڭ ىنتىماقتاستىعىن نىعايتۋ تەتىكتەرى قاراستىرىلدى. سونداي-اق, قازاقستان مەن ەۋروپالىق وداق اراسىنداعى قارىم-قاتىناستاردى اتالعان وداققا ليۋكسەمبۋرگتىڭ الداعى توراعالىعى اياسىندا كۇشەيتۋ ماسەلەلەرى ءسوز بولدى. مەملەكەت باسشىسى ءبىزدىڭ ەلىمىز بىلتىر قازاقستان مەن ەۋروپالىق وداقتىڭ كەڭەيتىلگەن سەرىكتەستىگى مەن ىنتىماقتاستىعى تۋرالى كەلىسىم جوباسى جونىندەگى كەلىسسوزدەردى اياقتاۋ تۋرالى قۇجاتقا قول قويعانىن ەسكە سالدى. «سىزدەر توراعالىق ەتكەن كەزەڭدە وسى ۇدەرىستەر اياقتالادى دەپ ۇمىتتەنەمىن. ەلدەرىمىزدىڭ دوستىق قاتىناستارىن ەسكەرە وتىرىپ, ەۋروپالىق وداقپەن ءوزارا ىقپالداستىق كەزىندە ۆيزا رەجيمىن جەڭىلدەتۋدى, اۆياتسيا سالاسىنداعى شەكتەۋلەردى الىپ تاستاۋدى قامتيتىن بىرقاتار ماسەلەلەردى شەشۋ ىسىندە ءسىزدىڭ قولداۋىڭىزعا سۇيەنەمىز», – دەدى نۇرسۇلتان نازارباەۆ. تاراپتار قازاقستان مەن ليۋكسەمبۋرگ اراسىنداعى ىنتىماقتاستىقتى ءارى قاراي نىعايتۋدىڭ ماڭىزدىلىعىن اتاپ ءوتتى. ەلامان قوڭىر. دەرەك, سۋرەت: akorda.kz.