«قاز قوناق» ەسكەرتكىشى يۋنەسكو قورعايتىن نىساندار تىزىمىنە الىنادى

پاۆلودار. 2 ءساۋىر.  «قاز قوناق» ەسكەرتكىشى يۋنەسكو قورعايتىن نىساندار تىزىمىنە الىنادى. بۇل تۋرالى egemen.kz ءتىلشىسى حابارلادى. وبلىستىق كاسىپكەرلىك, ساۋدا جانە تۋريزم باسقارماسىنىڭ مالىمەتىنشە  وبلىس ورتالىعىنداعى  بۇل ەسكەرتكىشتىڭ يۋنەسكو  تىزىمىنە ەنۋى ءۇشىن ءالى كوپ جۇمىستار اتقارىلۋى  قاجەت. تابيعي ەسكەرتكىشتى «مادەني جانە تابيعي مۇرا» حالىقارالىق باعدارلاماسىنا ەنگىزۋ ء–ۇشىن  الدىمەن جەرگىلىكتى جەردىڭ وزىندە قورعالۋ كەرەك.  2016-2018 جىلعا جوسپارلانعان  بۇل جۇمىسقا 73 440 مىڭ تەڭگە جۇمسالماقشى.  ۇكىمەت نازارىنا «قاز قوناق» تابيعي تاريحي دالا مۇراجايىنىڭ قۇرىلىسىن باستاۋ  تۋرالى  ۇسىنىس جاسالدى. بۇل  پالەونتولوگيالىق ەسكەرتكىشتى 1928 جىلى رەسەي عالىمى يۋري ورلوۆ اشىپتى. وسى جەردە تەڭىز بولعان دەسەدى. وبلىستا تروپيكالىق اڭ-قۇستار قاڭقالارى تابىلعان سوڭ  ەسكەرتكىش 1971 جىلى «قاز قوناق» اتالىپ, رەسپۋبليكالىق ماڭىزى بار تابيعي ەسكەرتكىشتەردىڭ قاتارىنا الىندى. 2001 جىلى «قاز قوناققا» « قازاقستاننىڭ تابيعات ەسكەرتكىشى» مارتەبەسى بەرىلدى.  فاريدا بىقاي. دەرەك: egemen.kz سۋرەت: egemen.kz