پەتروپاۆل. 2 ءساۋىر. دۋبايدا ورنالاسقان بىرىككەن اراب امىرلىگىندەگى ءىرى ازىق-ت ۇلىك جەلىلەرىنىڭ ءبىرى «LuLu» سۋپەرماركەتىندە قازاقستان رەسپۋبليكاسىنىڭ ەلشىلىگى پرەزيدەنت ن. نازارباەۆتىڭ وتاندىق ونىمدەردى ناسيحاتتاۋ جونىندەگى باستاماسىنا وراي «قازاقستاندا جاسالعان» روۋد-شوۋىن ۇيىمداستىردى. ونداعى تانىستىرىلىمدا سولتۇستىك قازاقستان وبلىسى تاۋار وندىرۋشىلەرىنىڭ ازىق-ت ۇلىك ونىمدەرى زور قىزىعۋشىلىق تۋدىردى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى.
ايماق باسشىسىنىڭ ءبىرىنشى ورىنباسارى ايداربەك ساپاروۆ جەتەكشىلىك ەتكەن دەلەگاتسيا قۇرامىنا تاماق ونەركاسىبى سالاسىندا سىرتقى ەكسپورتقا شىعىپ جۇرگەن «سۇلتان», «ءسۇت», مۋكومول», «درۋجبا», «پەرسپەكتيۆا» سەكىلدى جەتەكشى شارۋاشىلىقتار وكىلدەرى ەنىپ, ەكسپوزيتسيانىڭ ءىرى اۋماعىن يەلەندى. سۋپەرماركەتكە كەلۋشىلەر تاراپىنان سورەلەرگە قويىلعان ازىق-ت ۇلىك تۇرلەرىنە, ونىڭ ىشىندە, ماكارون, ۇن, بال ونىمدەرىنە سۇرانىس مول بولىپ, ساپالىلىعىمەن, باعانىڭ قولجەتىمدىلىگىمەن ەرەكشەلەندى. «سولتۇستىكقازاقستاندىق دەلەگاتسيا 29 ناۋرىزدا ىسساپارمەن ءباا-نە اتتانعان بولاتىن. 3 ساۋىرگە دەيىن «قازاقستاندا جاسالعان» اكتسياسىنا, «روۋد-شوۋ» شاراسىنا قاتىسىپ, ىسكەر وكىلدەرمەن كەزدەسەدى. ونداعى ماقسات–گيپەرماركەتتەر جەلىسى باسشىلارىمەن كەلىسسوز جۇرگىزىپ, ءباا مەن تاياۋ شىعىستاعى ەلدەر نارىعىنا قازاقستاندىق ونىمدەردى ساتۋ ماسەلەسىن قاراستىرۋ. بىزگە جەتكەن اقپاراتتار بويىنشا اكتسيانىڭ جوعارى دەڭگەيدە وتكەنى , شەتەل كاسىپكەرلەرىنىڭ ءبىزدىڭ ونىمدەرگە ۇلكەن قىزىعۋشىلىق تانىتقانى بايقالادى.»,– دەيدى وبلىستىق اۋىل شارۋاشىلىعى باسقارماسى باسشىسىنىڭ ورىنباسارى جانار مۇساقۇلوۆا. ءومىر ەسقالي. دەرەك: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى سۋرەت: سولتۇستىك قازاقستان وبلىسى اكىمدىگىنىڭ باسپاسوز قىزمەتى.
