اتىراۋ تۇرعىنى توپىراق اراسىنان 2 سنارياد تاۋىپ الدى

اتىراۋ. 21 مامىر. اتىراۋ وبلىسىنىڭ تۇرعىنى ءۇي جانىنداعى توپىراق اراسىنان 2 سنارياد تاۋىپ الدى. بۇل تۋرالى وبلىستىق ىشكى دەپارتامەنتىنىڭ ءباسپاسوز قىزمەتى حابارلادى. اتىراۋ قالاسىنا تاياۋ ورنالاسقان دامبا-2 ەلدى مەكەنىنىڭ 30 جاستاعى تۇرعىنى ءبىر اي بۇرىن تۇرعىن ءۇي قۇرىلىسىن جۇرگىزۋ ءۇشىن «كاماز» كولىگىنىڭ جۇرگىزۋشىسىنەن توپىراق ساتىپ العان. ال مامىر كۇنى سول توپىراقتى قۇرىلىس جۇمىستارىنا پايدالانۋدى باستاعان. توپىراق اراسىنان 2 سناريادتى تاۋىپ الىپ, قۇقىق قورعاۋ ورگاندارىنا حابارلاعان. «وقيعا ورنىنا پوليتسيا جانە ىشكى ىستەر دەپارتامەنتىنىڭ «ارلان» ارنايى جاساعى مەن «باتىس» ايماقتىق قولباسشىلىعىنىڭ اسكەري ءبولىم قىزمەتكەرلەرى كەلدى. سنارياد تابىلعان جەر قورشالىپ, ولار اسكەري پوليگوندا زالالسىزداندىرىلدى. مامانداردىڭ ايتۋىنشا, 122-كاليبرلى, زاريادتىق جارىلعىشى جوق, تاتتانعان ەكى سنارياد سوعىس كەزىنەن ساقتالىپ قالعان», – دەيدى وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنازيرا مۇحتاروۆا. جولداسبەك شوپەعۇل. دەرەك: اتىراۋ وبلىستىق ىشكى دەپارتامەنتىنىڭ ءباسپاسوز قىزمەتى. سۋرەت: mk.ua.