ەل چەمپيوناتى مارەگە جەتتى

باتىس قازاقستان وبلىسىنا قاراستى زەلەنوۆ اۋدانىنىڭ اسان اۋىلىندا ات سپورتى تۇرلەرى بويىنشا جاستار اراسىنداعى ەل چەمپيوناتى مارەگە جەتتى. وبلىستىق بالالار مەن جاسوسپىرىمدەر سپورت مەكتەبىنىڭ بازاسىندا كوكپار, اۋدارىسپاق, تەڭگە ءىلۋ جانە جامبى اتۋدان جارىس­تار ۇيىمداستىرىلدى. كوپشىلىكتىڭ قىزىعۋشىلىعىن تۋدىرعان كوكپاردىڭ فينالدىق باسەكەسىندە قىزىلوردالىقتاردان باسىم تۇسكەن وڭتۇستىكقازاقستاندىقتار جەڭىس تۇعىرىنا كوتە­رىلدى. الاڭ قوجايىندارىن 5:2 ەسەبىمەن ۇتقان جامبىل وبلىسىنىڭ كومانداسى جۇلدەلى ءۇشىنشى ورىنعا جايعاستى. ال اۋدارىسپاقتان ءوز سالماق دارە­جەلەرىندە وڭتۇستىكقازاقستاندىق ەلامان پەرنەبەك (50 كگ), قىزىلوردالىق بەردىبەك جورابەك (60 كگ), اقتوبەلىك شىڭ­عىسحان ەرجانوۆ (70 كگ), وڭتۇستىكقازاقستاندىق ەسىمحان راحماتۋللا (80 كگ), اقتوبەلىك سايات ساتىم (80 كگ جوعارى) جەڭىس تۇعىرىنا كوتەرىلدى. تەڭگە ىلۋدەن اقتو­بەلىك ءاليحان باشەنباي ۇزدىك شىقسا, جامبى اتۋدان ءوڭتۇس­تىكقازاقستاندىق ەرالحان ايكوز الدىنا جان سالعان جوق. جارىستىڭ جابىلۋ راسىمىندە وبلىس اكىمى نۇرلان نوعاەۆ ءسوز الىپ, كونەدەن ۇزىلمەي كەلە جاتقان ۇلتتىق سپورت تۇرلەرىن ودان ءارى دامىتۋدىڭ قاجەتتىگىن اتاپ كورسەتىپ, جارىسقا قاتىسۋشى بارلىق كوماندالارعا العىسىن ءبىلدىردى. «ەگەمەن-اقپارات».