قىتايدا ويىنقۇمار ايەل كومپيۋتەر الدىندا بوسانىپ قالدى

استانا. 21 مامىر. قىتايدىڭ نانچان قالاسىندا ادام ايتسا, سەنگىسىز وقيعا بولدى. جەرگىلىكتى ينتەرنەت-كافەلەردىڭ بىرىندە كومپيۋتەر ويىندارىنا قۇمار ايەل ويناپ وتىرىپ, بوسانىپ قالدى. ەڭ سوراقىسى, وزدىگىنەن بوسانعان ويىنقۇمار انا نارەستەسىن ەدەنگە قويا سالىپ, سۇيىكتى ويىنىن ءارى قاراي جالعاستىرعان. بۇل تۋرالى قىتاي اقپارات قۇرالدارىنا سىلتەمە جاساپ, newsru.com حابارلادى. ينتەرنەت-كافەگە كەلۋشىلەردىڭ ءبىرى شىڭعىرعان ايەلدىڭ داۋسىن ەستىپ, قاسىنا بارعاندا جاعا ۇستاتار جايتقا كۋا بولدى. ول 24 جاستاعى جاڭا بوسانعان ايەلگە سۋعا شومىلىپ الۋعا كەڭەس بەرەدى. الايدا, كەلىنشەك الدىمەن ونلاين-ويىنىن اياقتاپ العىسى كەلەتىنىن ايتقان. بۇل جايتقا قايران قالعان كۋاگەرلەر ءسابيدى جورگەككە وراپ, جەدەل جاردەم شاقىرتتى. كەيىن جاۋاپسىز انانىڭ وتباسىنا رەنجىپ, ۇيىنەن كەتىپ قالعانى بەلگىلى بولدى. دوسىنىڭ ۇيىنە بارماق بولعان ول ءاميانىن جوعالتىپ العان. سوعان بايلانىستى دوسىن ويىنحانادا كۇتپەك بولعان. بولعان جايتتان حابار العان قىزدىڭ اتا-اناسى مەن ءسابيدىڭ اكەسى انا مەن بالا ورنالاستىرىلعان اۋرۋحاناعا كەلگەن. ەلامان قوڭىر. دەرەك: newsru.com. سۋرەت: muz4in.net.