قوستانايدا ءبىرىنشى رەت اۋىل شارۋاشىلىعى تەحنيكالارىنىڭ كورمەسى ءوتتى

 قوستاناي. 2 ءساۋىر. قوستانايدا ءبىرىنشى رەت اۋىل شارۋاشىلىعى تەحنيكالارىنىڭ كورمەسى ءوتى. وعان قوستاناي, قاراعاندى, سولتۇستىك قازاقستان, اقمولا وبلىستارىنان, كورشى رەسەيدىڭ چەليابى وبلىسىنان بارلىعى 60-تان اسا كاسىپورىندار قاتىستى. بۇل تۋرالى egemen.kz ءتىلشىسى حابارلادى. كورمەدە جاتكا, كەپتىرگىش, تراكتورلار, ءدان اتقىش, شاشىراتقىش سەكىلدى تەحنيكالار مەن جابدىقتاردى كورسەتتى. تەحنيكالار مەن جابدىقتاردىڭ  قۋاتى, كولەمى  سانالۋان.  سونىمەن قاتار كومپانيالار كورمەدە تەك تەحنيكالار عانا ەمەس, اۋىل شارۋاشىلىعىنا پايدالاناتىن حيميا جانە تۇقىمدىق استىق جانە قۇرالداردى دا اۋىل شارۋاشىلىعى ونىمدەرىن وندىرۋشىلەردىڭ نازارىنا ۇسىندى. مىسالى, قوستانايلىق «اگروتەحسەرۆيس» كاسىپورنى جەم ۇساقتاعىش تەحنيكاسىن كورمەگە قويدى. سۇرانىسقا يە جابدىق. كاسىپورىن ونى جەرگىلىكتى نارىقتا بەس جىلدان بەرى جاقسى وتكىزىپ كەلەدى.  كورمەگە قاتىسقان ينجەنەرلەردىڭ ايتۋىنشا, كورمە ءوز ءونىمىن جارنامالاۋعا ۇتىمدى شارا. بۇل جەردەن  جاڭا ارىپتەستەر  تابىلادى.  «اگروتەحسەرۆيس» كاسىپورنىنىڭ ديرەكتورى ا.بورزەنكو: «تاۋارلارىمىزدى ساتۋدا قيىندىقتار بار. قازىر ينتەرنەت زامانى, بىراق  ءبىززىڭ  شارۋالاردىڭ كوپشىلىگىندە. ال كورمە اقپاراتتىق كەڭىستىك سەكىلدى. اۋىلشارۋاشىلىعىنا جاڭا كوزقاراسپەن قارايتىندار, جاڭاشا جۇمىس ىستەگىسى كەلەتىندەر, دامۋدى كوزدەيتىندەر وزىق تەحنيكالار مەن جابدىقتاردى الادى», دەدى. كورمەنى ۇيىمداستىرۋشىلار ەكى جاققا ءتيىمدى كەلىسىمدەر جاسالادى دەپ ۇمىتتەنەدى. مۇنداي كورمە كۇزگى جيىن-تەرىن الدىندا دا وتەتىن بولادى. ءنازيرا جارىمبەتوۆا. دەرەك: egemen.kz سۋرەت: egemen.kz