ماراپاتتار تابىس ەتىلدى

قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار بەيسەنباەۆ تاۋەلسىز مەملەكەتتەر دوستاستىعىنا قاتىسۋشى مەملەكەتتەر پارلامەنتارالىق اسسامبلەياسىنىڭ ماراپاتتارىن تابىس ەتتى, دەپ حابارلادى سەناتتىڭ ءباسپاسوز قىزمەتى. «كازاحستانسكايا پراۆدا» رەس­­پۋبليكالىق گازەتى» اق باسقار­ماسىنىڭ توراعاسى الەكساندر تاراكوۆ, «ەگەمەن قازاقستان» ينتەرنەت گازەتىنىڭ رەداكتورى سە­رىك ءپىرنازار, «قازاقستان» رترك اق اقپارات باعدارلامالارى دي­رەك­تسياسىنىڭ باس رەداكتورى قۇرمانبەك قازانباسوۆ, «24 kz» تەلەارناسىنداعى جاڭا­لىق­تار ءبولىمىنىڭ پروديۋسەرى يننا مالاحوۆا جانە «استانا» تەلە­ارناسىنىڭ جۇرگىزۋشىسى وكسانا پەتەرس «ءباسپاسوز جانە اقپاراتتى دامىتۋعا سىڭىرگەن ەڭبەگى ءۇشىن» قۇرمەت بەلگىسىمەن ماراپاتتالدى. اباي اتىنداعى اكادەميالىق وپەرا جانە بالەت تەاترىنىڭ ءان­شىسى مەيىر باينەشوۆ جانە قازاق ۇلتتىق ونەر ۋنيۆەرسيتەتىنىڭ وقىتۋشىسى جۇمابەك قادىرقۇلوۆ «مادەنيەت پەن ونەردى دامىتۋعا سىڭىرگەن ەڭبەگى ءۇشىن» قۇرمەت بەلگىسىمەن ماراپاتتالدى. 2014 جىلعى ازياداعى پار­اليم­پيالىق ويىندارداعى جۇزۋدەن بەس دۇركىن چەمپيون ءانۋار احمەتوۆ جانە حالىقارالىق گروسسمەيستەر, «قازمۇنايگاز» ۇك» اق ستراتەگيا جانە جيناقتاۋ-ۇيلەستىرۋ جۇ­مىستار دەپارتامەنتىنىڭ ديرەكتورى, قازاقستان رەسپۋبليكاسىنىڭ پرەزيدەنتى جانىنداعى جاستار ساياساتى جونىندەگى كەڭەستىڭ ءمۇ­شەسى دارمەن سادۋاقاسوۆ «دەنە­شىنىقتىرۋ, سپورت جانە ءتۋريزمدى دامىتۋعا سىڭىرگەن ەڭبەگى ءۇشىن» قۇرمەت بەلگىسىمەن ماراپاتتالدى.