قاراعاندىنىڭ بيشىلەرى تۇركيادان جەڭىسپەن ورالدى

قاراعاندى. 21 مامىر. قالاداعى №-3 گيمنازيانىڭ “ايتۇمار» بي ءانسامبلى تۇركيانىڭ انتاليا قالاسىندا وتكەن حالىقارالىق «التىن گۋنەش» بايقاۋىندا 1 ورىندى يەلەندى. بۇل تۋرالى egemen.kz ءتىلشىسى حابارلادى. اتالعان بي ءانسامبلى وسىدان ەكى جىل بۇرىن قۇرىلعان. بۇگىندە 2-سىنىپتىڭ وقۋشىلارى ونەر كورسەتەتىن توپ قالالىق, وبلىستىق جانە رەسپۋبليكالىق بايقاۋلاردا جۇلدەلى ورىنداردى يەلەنىپ ءجۇر. توپ جەتەكشىسى بەيبىتكۇل مۇقاشەۆا: «مەن شاكىرتتەرىمدى 1-سىنىپقا قابىلدانعاننان باستاپ بيگە ۇيرەتتىپ. وتە تالانتتى, اقىلدى قىزدارىم انتاليادا وتكەن حالىقارالىق جارىستا ۇلتتىق ونەرىمىزدى ناسيحاتتاپ, قازاق ءبيىن شەتەلدىكتەرگە تانىستىردى. توگىلگەن تەر مەن تىنىمسىز دايىندىقتىڭ ارقاسىندا شاكىرتتەرىم 1-ورىندى جەڭىپ الدى. مەن وتە قاتتى قۋانىپ تۇرمىن»,–دەدى. ايتا كەتەيىك, انسامبل مۇشەلەرى جازعى دەمالىستا توپ جەتەكشىسىمەن بىرگە ەلەمىزدىڭ كەيبىر وڭىرلەرىنە ءىسساپارلاپ ونەرلەرىن حالىققا كورسەتۋدى ءجون ساناپ وتىر. ايقىن نەسىپباي. دەرەك: egemen.kz. سۋرەت: newskaz.ru.