القا ءماجىلىسى

وندا ءبىرىنشى جارتىجىلدىقتىڭ قورىتىندىسى شىعارىلدى قازاقستان رەسپۋبليكاسىنىڭ قورعانىس مينيسترلىگىندە القا ءماجىلىسى ءوتتى. وندا ەل ارمياسىنىڭ جاۋىنگەرلىك ازىرلىگىنىڭ وزەكتى ماسەلەلەرى قارالىپ, 2015 جىلعى ءبىرىنشى جارتىجىلدىقتىڭ جۇمىس قورىتىندىسى شىعارىلدى. القا ماجىلىسىنە مينيسترلىك باسشىلىعى, دەپارتامەنت جانە باسقارما باسشىلارى, اسكەر ءتۇر­لەرىنىڭ باس قولباسشىلارى, اسكەر تەكتەرى, وڭىرلىك قولباسشىلىق ءاس­كەر­لەرىنىڭ قولباسشىلارى, اسكەري وقۋ ورىندارى, قورعانىس ىستەرى ءجو­نىندەگى دەپارتامەنتتەردىڭ باس­تىق­تارى, سەرجانتتار قۇرامى قاتىستى. ءىس-شارا بارىسىندا قارۋلى كۇشتەردىڭ ساپالىق جاي-كۇيىمەن بايلانىستى ماسەلەلەر, ونىڭ ىشىندە اسكەرلەردىڭ جاۋىنگەرلىك ازىرلىگى, قازاقستان قارۋلى كۇش­تەرىندەگى اسكەري ءتارتىپ پەن قۇقىق­تىق ءتارتىپ, ونى جاقسارتۋ جونىندەگى تاپسىرمالار تالقىلاندى. «ەلباسى – جوعارعى باس قول­باسشىنىڭ ەرەكشە قولداۋى جانە مەملەكەتتىڭ قورعانىس قابىلەتتىلىگى ماسەلەلەرىنە ۇدايى نازار اۋدا­رۋى­نىڭ ارقاسىندا ارميانىڭ جالپى جاي-كۇيى جەتكىلىكتى جاقسى دەڭ­گەي­دە», – دەدى القا ماجىلىسىندە قور­­عانىس ءمينيسترى يمانعالي تاسماعامبەتوۆ. سونىمەن, جوعارعى باس قول­باسشىنىڭ تاپسىرماسى بويىن­شا 2014 جىلعى قازان مەن 2015 جىل­عى شىلدە ارالىعىندا بار­لىق اسكەر تۇرلەرى مەن وڭىرلىك قول­باسشىلىقتاردا شامامەن 70 كەنەت­تەن تەكسەرۋ ىسكە اسىرىلدى. ونىڭ ىشىندە: 52 تەكسەرۋ قۇرلىق اسكەر­­لەرىندە, 11 – اۋە قورعانىسى كۇش­تە­رى ارا­سىندا جانە 3 – اسكەري-تەڭىز كۇش­تەرىندە. وسىناۋ ءىس-شارا­لاردىڭ, سون­داي-اق, جوسپارلى تەك­سەرىس­تەردىڭ باستى ماقساتى – كەز كەلگەن جاع­دايدا اسكەرلەردىڭ جاۋىن­گەر­لىك قابى­لەتتىلىك دەڭگەيىن ارتتىرۋ. بۇل ورايدا قارۋلى كۇشتەردىڭ بولىمدەرى مەن بولىمشەلەرىنىڭ شىنايى جاۋىنگەرلىك ازىرلىگىن تەكسەرۋدىڭ پارمەندى تەتىگى كەنەتتەن تەكسەرۋ بولىپ تابىلادى. وسىعان بايلانىستى, قورعانىس ۆەدومستۆوسىنىڭ باسشىسى ي.تاس­ماعامبەتوۆتىڭ قاتىسۋىمەن ءارتۇرلى وڭىرلەردە تۇنگى ۋاقىت­تا ءوت­كىزىلگەن 5 تەكسەرىستى جۇزە­گە اسىرۋ بويىنشا جۇمىس ۇيىم­داستىرىلدى. شەتەل اسكەري ساراپشىلارىنىڭ پىكىرىنشە, ۇقشۇ, شىۇ حالىق­ارالىق ۇيىمدارىندا, سونداي-اق, «بەيبىتشىلىك جولىن­داعى سە­رىك­تەستىك» ناتو-نىڭ باع­دار­لا­ما­لارىندا ىنتىماقتاستىق جاساۋ­دا قازاقستان اسكەريلەرى ماڭىزدى جۇيەلى ءرولدى ىسكە اسىرادى. اسكەري قىزمەتشىلەر وزدە­رىنىڭ جوعارى جاۋىنگەرلىك ازىرلىك دەڭگەيىن «دالا قىرانى – 2015», «التىن ۇكى», «جاۋىنگەرلىك دوستاستىق – 2015», ۇقشۇ-نىڭ ۇجدك, تمد-نىڭ ارميالىق ويىندارى سەكىلدى ءىس-شارالارعا قاتىسىپ, جوعارى ناتيجە كورسەتۋى وسىنى راستايدى. ەلىمىزدىڭ بارلىق وقۋ ورىندارىندا اسكەري-پاتريوتتىق جۇ­مىس بەلسەندى جۇرگىزىلۋدە. ال ءبىرىن­شى جارتىجىلدىق ىشىندە عانا اۋە قورعانىسى كۇشتەرىنىڭ اۆيا­تسيالىق پاركى 4++ ۇلگىدەگى سۋ-30سم ءتورت جاڭا ۇلكەن مانەۆرلى جوي­عىشتارمەن جاڭارتىلدى. بۇل ەلدىڭ اۋە شەپتەرىنىڭ قورعا­نى­سىن اناعۇرلىم ارتتىرادى. اعىم­داعى جىلى مەملەكەت باس­شىسىنىڭ قولداۋىمەن ءۇش جىلدىق مەملەكەتتىك قورعانىس تاپسىرىسىن ورىنداۋ بويىنشا قاناتقاقتى جوبا ىسكە اسىرىلادى. ونىڭ بىرىڭعاي ورىنداۋشىسى «قازاقستان ينجينيرينگ» بولىپ تابىلادى. القا قورىتىندىسى بويىنشا الداعى جۇمىستىڭ باعىتتارى اي­قىندالىپ, بىرقاتار ءتيىستى تاپسىر­مالار بەرىلدى. بۇدان وزگە, ءماجىلىس قاتىسۋشىلارى اتال­عان تەتىكتەردىڭ قورعانىس ۆەدوم­ستۆوسىنىڭ جۇمى­سىن جاڭا ساپالى دەڭگەيگە شىعارۋعا مۇمكىندىك بەرەتىنى تۋرالى وي-پىكىرلەرىن ءبىلدىردى. «ەگەمەن-اقپارات».