ەل بىرلىگى – بەرەكە باستاۋى

بۇدان بەس جارىم عاسىر بۇرىن شاڭىراق كوتەرگەن قازاق حاندىعى بۇگىندە الىپ ەلگە اينالدى. مەملەكەتتىڭ قالىپتاسۋى – بۇل بارىنشا ۇزاق ءارى تىم كۇردەلى پروتسەسس. ويتكەنى, تالاي تار جول, تايعاق كەشۋلەردەن وتكەن ۇلى كوش ارقيلى جىمىسقى ساياساتتىڭ ىقپالىندا قالىپ قويعاندىقتان, ءتول تاريحىمىزدى تەرەڭىنەن تاني الماي كەلدىك. ال تاريح – حال­قىمىزدىڭ وتكەن ءومىرى, اتا-بابا­لارىمىزدىڭ ءومىر جولى. ءبىر حالىق ءوزىنىڭ تاريحىن بىلمەسە, ءبىر ەل ءوزىنىڭ تاريحىن جوعالتسا, ونىڭ ارتىنشا ءوزى دە جوعالۋعا ىڭعايلى بولىپ تۇرادى. دەمەك, ءبۇتىن ءبىر ەلدىڭ رۋحىمەن قالىپتاسقان تاريحتى ەشقاشان وشىرۋگە بولمايدى. قازاق حاندىعىنا – 550 جىل! وتكەن جىلعى تاۋەلسىزدىك مەرە­كەسىنە ارنالعان سالتاناتتى جيىن تورىنەن مەملەكەت باس­شى­سى نۇرسۇلتان ءابىش ۇلى نازار­باەۆ: « ۇلى دالادا كۇللى ەۋرا­زيا قۇرلىعىن ۋىسىندا ۇستاعان الىپ مەملەكەتتەر بولعان. الىپ كەڭىستىكتى ەن جايلاپ, ەركىن بيلەپ-توستەگەن ايبارلى حالىقتار ءومىر سۇرگەن. بۇگىنگى قازاقستان – سول بابا­لاردىڭ زاڭدى مۇراگەرى. ...ۇلت­تىق تاريحىمىز بەن مادە­نيە­­تى­مىز­دەگى ماڭىزدى داتانى – قازاق حان­دىعى قۇرىلۋىنىڭ 550 جىلدى­عىن اتاپ وتەتىن بولامىز», دەگەن ەدى. تاريح – تاعىلىم. سوندىقتان, مەملەكەتتىلىگىمىزدىڭ قالىپتاسۋى كەزەڭىندەگى حاندارىمىزدىڭ ءداۋىرىن, سول تۇستاعى جىراۋلار مەن ابىزداردى, بيلەر مەن باتىرلاردى بار بولمىسىمەن ۇرپاق ساناسىنا ءسىڭىرۋ كەرەك. ۋاعىندا: «ەشبىر دۇشپان باسىنباعان ەلمىز, باسىمىزدان ءسوز اسىرماعان ەلمىز, دوسىمىزدى ساقتاي بىلگەن ەلمىز, ءدام-تۇزدى اقتاي بىلگەن ەلمىز», دەپ تولعاعان قازىبەك بي بابامىز سەكىلدى قازاق حالقىنىڭ قادىر-قاسيەتىن, ۇلتتىق سيپاتىن ءدوپ باسىپ بەينەلەگەن ەشكىم بولماعان شىعار, ءسىرا. الاش بالاسى ارعى-بەرگى تاع­دىرىندا تالاي بۇرالاڭ-بۇرا­لاڭ بەلەستەردەن ءوتىپ, بوستان­دىققا جەتىپ, جەر بەتىنەن قازاق اتىن جوعالتپاي, ماڭگىلىك ەل بو­لۋعا, باياندى بولاشاققا بەتبۇرىس جاساپ كەلەدى. تاۋەلسىزدىك پەن تەڭدىكتىڭ, ىن­­تىماق پەن بىرلىكتىڭ بەلگىسى – قازاق ەلىنىڭ ءتول مەرەكەسىن تۇڭ­عىش رەت مەملەكەتتىك دەڭگەيدە اتاپ, ۇلتتىق قادىر-قاسيەتىمىز بەن اق جولىمىزدى ۇلىقتاۋ – التى الاشتىڭ رۋحىن كوتەرەدى دەپ سەنەمىز! «ماڭگىلىك ەلدىڭ» قاعي­داسى ءبىزدىڭ دامۋىمىزدىڭ ارقاۋ­لىق قۇندىلىقتارىن, قا­زاق­ستان حالقىنىڭ ورتاق ءمۇد­دەسى مەن تاريحي تاعدىرىن ايشىق­تايدى. سەبەبى, ماڭگىلىك ەل مۇرا­تىنا جەتۋ ۇرپاقتار بىرلىگى مەن سا­باق­تاس­تىعىنىڭ كورىنىسى ارقى­لى جۇزەگە اساتىندىقتان دا ەل­با­سىنىڭ حالىقتىڭ ءۇش بۋى­نىنا ءۇن قاتۋى كەشەگى تاريح قوي­ناۋىنداعى بابالار ءۇنىن تاعى دا جاڭعىرتقانداي اسەر قالدىرادى. مەملەكەت قۇرىلۋىنىڭ مەرەيتويى ەڭ الدىمەن ازاماتتاردىڭ پاتريوتتىق سەزىمدەرىن ارتتىرۋ مەن قازاقستان مەملەكەتتىلىگىن نىعايتۋعا باعىتتالىپ وتىر. وسىلاي ۇلت ءومىرىنىڭ ءھام جارقىن بەلەستەرىن بەينەلەيتىن, ەلىمىزدىڭ ۇلى تويى – قازاق ەلىندە تۇراتىن بارشا حالىقتىڭ تويى! مۇنى بىرلەسە مەرەكەلەۋگە مىندەتتىمىز. ۇلت تاتۋلىعى – يگىلىكتىڭ كەپىلى. تۇتاسقان جۇدىرىقتاي مىعىم بولۋىمىز كەرەك. بىرلىگى تايعان ەلگە باق قۇتايمايدى. بەرەكەنىڭ باس­تاۋى ەلدىڭ ىنتىماعى ەكەنىنە دە تاۋەلسىزدىگىمىزدىڭ عاسىرعا بەرگىسىز العاشقى بەلەسىندە كۋا بولىپ وتىرمىز. جاڭادان قۇرىلىپ وتىر­عان «ماڭگىلىك ەل» قورى ۇلتتى­عىمىزدى ۇلىقتاۋعا, بابالارىمىزدان ميراس بولعان مۇرانى قادىرلەۋگە, قاستەرلەۋگە جەتەلەيدى دەگەن ويدامىز. مەرەيلى مەملەكەتىمىزدىڭ مەرەيتويى ىسكەر ازاماتتار, مەتسەناتتار, دەمەۋشىلەر تاراپىنان دا جان-جاقتى قولداۋ تابۋى ءتيىس. ساۋاپتى ىسكە ۇلەس قوسقان ءار ازا­ماتقا اللانىڭ نۇرى جاۋسىن! ءابىش كەكىلباەۆ, قازاقستاننىڭ حالىق جازۋشىسى, مەملەكەتتىك سىيلىقتىڭ لاۋرەاتى, قازاقستاننىڭ ەڭبەك ەرى.   استانا.