وقۋشى ورت كەزىندە 4 جاستاعى بالانى امان الىپ قالدى

وبلىس ورتالىعى ىرگەسىندەگى №33 ورتا مەكتەپتە ەلىمىزدىڭ توتەنشە جاعدايلار كوميتەتىنىڭ ۆەدومستۆولىق شەشىمىمەن 7-سىنىپ وقۋشىسى زەينەپ قابىلبەكتى ماراپاتتاۋ سالتاناتتى جيىنى ءوتتى. وعان مەكتەپ وقۋشىلارى, اتا-انالار, ۇستازدار, دەپارتامەنت قىزمەتكەرلەرى قاتىستى. اۋىل كوشەلەرىنىڭ بىرىندەگى ۇيدە ءورت بولعان. سوندا №33 ورتا مەكتەپتىڭ وقۋشىسى زەينەپ وقيعانى ءورت ءسوندىرۋ بولىمىنە حابارلايدى. ال, ءوزى ورتەنىپ جاتقان ۇيگە جۇگىرىپ, ونداعى ءتورت جاسار بالانى الىپ شىعادى. جەدەل كەلىپ جەتكەن اپاتتىق جاعدايداعى شۇعىل كومەك مەديتسينا ورتالىعىنىڭ بريگاداسى ورتتەن امان قالعان بالانى وبلىستىق بالالار اۋرۋحاناسىنا الىپ كەتەدى. ماماندار زەينەپتىڭ ءسۇت بەرىپ, بالانى جۋىندىرىپ جەدەل كومەك بەرگەنىنىڭ ارقاسىندا ءبۇلدىرشىننىڭ تۇتىننەن ۋلانۋ سالدارىن تومەندەتۋگە كومەكتەسكەنىن ايتادى. استانادان كەلىپ جەتكەن مينيسترلىكتىڭ تاپسىرماسى بويىنشا زەينەپكە العىس حات پەن باعالى سىيلىقتى جەرگىلىكتى قالالىق توتەنشە جاعدايلار ءبولىمىنىڭ باستىعى م.رومانەۆيچ تاپسىردى. – زەينەپ جاساعان ارەكەت ءبىزدىڭ ەلى­مىزدەگى بارلىق وقۋشىلار ءۇشىن ۇلگى ەتۋ­گە لايىق باتىلدىق پەن وجەتتىك, – دەدى ميحايل نيكولاەۆيچ. – جانە دە, توتەن­شە جاعدايلار قىزمەتكەرلەرىنىڭ, ما­مانداردىڭ وتكىزگەن قاۋىپسىزدىك ساباق­تا­رىنىڭ قاجەت ەكەنىنە كوزىمىز جەتتى. ال, №33 ورتا مەكتەپ ۇجىمى ۇس­تازدارى, وقۋشىلارى زەينەپ قابىل­بەكتىڭ وجەتتىگىندەي وسى مەكتەپتىڭ ءاربىر وقۋشىسى دا وسىلاي ءبىر ساتتىك كوزسىز ەرلىك جاساۋعا دايىن تۇرا الاتىندارىنا سەنىمدى. فاريدا بىقاي, «ەگەمەن قازاقستان. پاۆلودار.