جازا

اقتوبە وبلىسىنىڭ قىل­مىستىق ىستەر جونىندەگى مامان­داندىرىلعان اۋدانارالىق سوتىندا ۆ.ليتۆينوۆكە قاتىس­تى جۇرتشىلىقتى ءدۇر ءسىل­كىن­دىرگەن قىلمىستىق ىسكە ۇكىم جاريالاندى. ايىپتاۋ قورى­تىندىسى بويىنشا 2012 جىلدىڭ قىركۇيەگىندە جانە 2015 جىلدىڭ قاڭتار ايىندا ازامات ۆ.ليتۆينوۆ اقتوبە قالاسىندا اسا اۋىر ساناتتاعى ەكى قىلمىس, ياعني ازامات ر.مۇ­حامبەتالين مەن ازاماتشا گ.كور­كينانى قاساقانا ءولتىرۋ, سون­داي-اق, سوڭعىسىنىڭ مۇلكىن ۇرلاۋ قىلمىستارىن جاساعان. 2012 جىلدىڭ قىر­كۇيەك ايىنىڭ باسىندا ۆ.ليت­ۆينوۆ «التاي» ساۋدا ءۇيى­نە جەكە كاسىپكەر ازامات ر.مۇ­حامبەتالينگە اياق كيىم ساتۋشىسى بولىپ جۇمىسقا ورنالاسقان. باۋ-باقشا ۋچاس­كەسىندەگى ءسپيرتتى ىشىمدىك ءىشۋ­دەن كەيىن ارالارىنداعى ارازدىقتى پايدالانىپ, كا­سىپ­كەرمەن جانجالداسىپ, قاساقانا كەۋدەسىنە پىشاق سالعان. جابىرلەنۋشى العان جاراقاتتان قايتىس بولعان. ودان كەيىن, ول سول كۇنى كەشكى ۋاقىتتا جابىرلەنۋشىنىڭ ءمايىتىن قىلمىس قۇرالىمەن بىرگە اتالعان ۋچاسكەگە كومىپ تاستاعان. قانى قارايعان قىلمىسكەر مۇنىمەن دە تىنبايدى. 2015 جىلدىڭ 17 قاڭتارىندا ۆ.ليت­ۆينوۆ ءۇي تەلەفونىمەن قوڭىراۋ شالامىن دەگەن سىلتاۋمەن ءوزىنىڭ بۇرىنعى تانىسى ازاماتشا گ.كوركينانىڭ ۇيىنە كىرەدى. اڭگىمە بارىسىندا ازاماتشا ونىڭ الكوگولدى ىشىمدىكتەرگە جاقىن ەكەنىن, جۇمىستا جوق­تىعىن ايتقان كەزدە وزىنە قاتىستى سىندى جەكە باسىنا ءتىل تيگىزۋ دەپ قابىلداپ, كىرەبەرىس بولمەدەگى شكافتىڭ ۇستىندە جات­قان بالتانى الىپ, ونىڭ باسىنا قا­ساقانا 20-عا جۋىق سوققى جاساپ, سونىڭ سالدارىنان جابىرلەنۋشى قىل­مىس بولعان جەردە قازا بول­عان. ودان كەيىن ۆ.ليتۆينوۆ جابىرلەنۋشىنىڭ پاتەرىندەگى سورەدەن 3000 تەڭ­گەنى, 25000 ءرۋبلدى, با­عاسى 3000 تەڭگە تۇراتىن «Panasonic» ماركالى راديوتەلەفونىن ۇرلاپ كەتكەن. سوت ۇكىمىمەن ۆ.ليتۆينوۆ بىرنەشە رەت قاساقانا ادام ولتىرگەنى, بوتەننىڭ مۇلكىن ۇر­لاعانى ءۇشىن كىنالى دەپ تانىلىپ, وعان تۇپكىلىكتى قا­تاڭ رەجىمدەگى تۇزەۋ كولو­نياسىندا 18 جىلعا باس بوس­تاندىعىنان ايىرۋ جازاسى تاعايىندالدى. ساتىبالدى ءساۋىرباي, «ەگەمەن قازاقستان». اقتوبە وبلىسى.