“قازاقستان رەسپۋبليكاسىنىڭ حالىقارالىق شارتتارى تۋرالى” قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى
1-باپ. “قازاقستان رەسپۋبليكاسىنىڭ حالىقارالىق شارتتارى تۋرالى” 2005 جىلعى 30 مامىرداعى قازاقستان رەسپۋبليكاسىنىڭ زاڭىنا (قازاقستان رەسپۋبليكاسى پارلامەنتىنىڭ جارشىسى, 2005 ج., № 10, 35-قۇجات; 2007 ج., № 4, 34-قۇجات) مىناداي وزگەرىستەر مەن تولىقتىرۋلار ەنگىزىلسىن:
1) 1-باپ مىناداي رەداكتسيادا جازىلسىن:
“1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) دايەكتەۋ – كەلىسسوزدەرگە قاتىسۋشى ءاربىر تاراپتىڭ وكىلەتتى وكىلدەرىنىڭ حالىقارالىق شارت ماتىنىمەن كەلىسۋ بەلگىسى رەتىندە كەلىسىلگەن حالىقارالىق شارتتىڭ جوباسىنا نەمەسە ونىڭ جەكەلەگەن نورمالارىنا اتى-جوندەرىمەن الدىن الا قول قويۋى نە حالىقارالىق شارت ءماتىنىنىڭ تەڭ تۇپنۇسقالىعىن انىقتاۋ تاسىلدەرىنىڭ ءبىرى;
2) دەپوزيتاري – حالىقارالىق شارتتىڭ تۇپنۇسقاسى ساقتالۋعا تاپسىرىلاتىن جانە وسى حالىقارالىق شارتقا قاتىستى حالىقارالىق قۇقىق نورمالارىندا كوزدەلگەن فۋنكتسيالاردى ورىندايتىن مەملەكەت, حالىقارالىق ۇيىم نەمەسە ونىڭ باستى اتقارۋشى لاۋازىمدى ادامى;
3) ەسكەرتپە – كوپجاقتى حالىقارالىق شارتقا قول قويۋ, ونى راتيفيكاتسيالاۋ, بەكىتۋ, قابىلداۋ نەمەسە وعان قوسىلۋ كەزىندە مەملەكەت نەمەسە حالىقارالىق ۇيىم كەز كەلگەن تۇجىرىممەن جانە كەز كەلگەن اتاۋمەن بىرجاقتى جاساعان مالىمدەمە, بۇل مالىمدەمە ارقىلى وسى مەملەكەت نەمەسە وسى حالىقارالىق ۇيىم حالىقارالىق شارتتىڭ بەلگىلى ءبىر ەرەجەلەرىنىڭ زاڭدىق كۇشىن ولاردىڭ اتالعان مەملەكەتكە نەمەسە اتالعان حالىقارالىق ۇيىمعا قولدانىلۋىنا قاتىستى جويۋدى نەمەسە وزگەرتۋدى قالايدى;
4) كەلىسسوزدەرگە قاتىسۋشى تاراپ – حالىقارالىق شارت ءماتىنىن جاساۋعا نەمەسە قابىلداۋعا قاتىسقان مەملەكەت نەمەسە حالىقارالىق ۇيىم;
5) كۇشىن جويۋ – قازاقستان رەسپۋبليكاسىنىڭ ءوزى جاساسقان حالىقارالىق شارتتان تيىسىنشە رەسىمدەپ باس تارتۋى جانە قازاقستان رەسپۋبليكاسى حالىقارالىق شارتىنىڭ قولدانىلۋىن توقتاتۋ تاسىلدەرىنىڭ ءبىرى;
6) قازاقستان رەسپۋبليكاسىنىڭ حالىقارالىق شارتى – قازاقستان رەسپۋبليكاسى شەت مەملەكەتپەن (شەت مەملەكەتتەرمەن) نەمەسە حالىقارالىق ۇيىممەن (حالىقارالىق ۇيىمدارمەن) جازباشا نىساندا جاساسقان جانە مۇنداي كەلىسىمنىڭ ءبىر قۇجاتتا نەمەسە ءوزارا بايلانىستى بىرنەشە قۇجاتتاردا ەكەندىگىنە قاراماستان, سونداي-اق ونىڭ ناقتى اتاۋىنا قاراماستان حالىقارالىق قۇقىقپەن رەتتەلەتىن حالىقارالىق كەلىسىم;
7) قازاقستان رەسپۋبليكاسى حالىقارالىق شارتتارىنىڭ مەملەكەتتىك ءتىزىلىمى – حالىقارالىق شارتتاردىڭ تۇپنۇسقالارى مەن دەپوزيتاري رەسمي كۋالاندىرعان كوشىرمەلەرىن, ولاردىڭ دەرەكتەمەلەرىن جانە سىرتقى ىستەر مينيسترلىگى ايقىندايتىن ولار تۋرالى اقپاراتتىق-انىقتامالىق سيپاتتاعى باسقا دا مالىمەتتەردى قامتيتىن قازاقستان رەسپۋبليكاسىنىڭ حالىقارالىق شارتتارىن تىركەۋدىڭ, ەسەپكە الۋدىڭ جانە ساقتاۋدىڭ بىرىڭعاي مەملەكەتتىك جۇيەسى;
8) قول قويۋ – حالىقارالىق شارتتى جاساسۋ ساتىسى نەمەسە ەگەر حالىقارالىق شارتتا قول قويۋدىڭ وسىنداي كۇشى بار ەكەندىگى كوزدەلگەن نەمەسە قازاقستان رەسپۋبليكاسى مەن كەلىسسوزدەرگە قاتىسۋشى باسقا دا تاراپتاردىڭ قول قويۋدىڭ وسىنداي كۇشكە يە بولۋعا ءتيىس ەكەندىگى تۋرالى ۋاعدالاستىعى وزگە دە جولمەن بەلگىلەنگەن نەمەسە قازاقستان رەسپۋبليكاسىنىڭ قول قويۋعا وسىنداي كۇش بەرۋ نيەتى ونىڭ وكىلىنىڭ وكىلەتتىگىنەن تۋىنداعان جانە (نەمەسە) كەلىسسوزدەر كەزىندە بىلدىرىلگەن جاعدايدا, حالىقارالىق شارتتىڭ ءوزى ءۇشىن مىندەتتىلىگىنە قازاقستان رەسپۋبليكاسىنىڭ كەلىسىم ءبىلدىرۋ ءتاسىلى;
9) مەملەكەتىشىلىك راسىمدەر – حالىقارالىق شارتتى قازاقستان رەسپۋبليكاسى پارلامەنتىنىڭ راتيفيكاتسيالاۋى, قازاقستان رەسپۋبليكاسى پرەزيدەنتىنىڭ نە قازاقستان رەسپۋبليكاسى ۇكىمەتىنىڭ بەكىتۋى نەمەسە قابىلداۋى;
10) وكىلەتتىك –
حالىقارالىق شارتتىڭ ءماتىنىن قابىلداۋ نەمەسە ونىڭ تەڭ تۇپنۇسقالىعىن بەلگىلەۋ;
حالىقارالىق شارتقا قول قويۋ;
قازاقستان رەسپۋبليكاسىنىڭ ءوزى ءۇشىن حالىقارالىق شارتتىڭ مىندەتتىلىگىنە كەلىسىمىن ءبىلدىرۋ;
شارتقا قاتىستى وزگە دە اكت جاساۋ ماقساتىندا قازاقستان رەسپۋبليكاسىنىڭ لاۋازىمدى ادامدارىنىڭ نەمەسە قۇزىرەتتى ورگانىنىڭ شەشىمدەرى نەگىزىندە جۇزەگە اسىرىلاتىن جانە كەلىسسوزدەرگە قاتىسۋشى تاراپقا نە دەپوزيتاريگە تاپسىرىلاتىن وكىلەتتىلىك سەرتيفيكاتىمەن تيىسىنشە رەسىمدەلگەن ءبىر ادامنىڭ نەمەسە بىرنەشە ادامنىڭ قازاقستان رەسپۋبليكاسى اتىنان وكىلدىك ەتۋ قۇقىعى;
11) راتيفيكاتسيالاۋ, بەكىتۋ, قابىلداۋ جانە قوسىلۋ – جاعدايعا بايلانىستى وسىنداي اتاۋى بار, ءتيىستى نورماتيۆتىك قۇقىقتىق اكت نەگىزىندە جاسالاتىن حالىقارالىق اكت, ول ارقىلى قازاقستان رەسپۋبليكاسى حالىقارالىق شارتتىڭ ءوزى ءۇشىن مىندەتتىلىگىنە حالىقارالىق تۇرعىدان ءوزىنىڭ كەلىسىمىن بىلدىرەدى;
12) ۋاعدالاسۋشى تاراپ – حالىقارالىق شارتتىڭ كۇشىنە ەنگەنىنە نەمەسە ەنبەگەنىنە قاراماستان حالىقارالىق شارتتىڭ وزدەرى ءۇشىن مىندەتتى ەكەندىگىنە كەلىسكەن مەملەكەت نەمەسە حالىقارالىق ۇيىم;
13) حالىقارالىق ۇيىم – مەملەكەتارالىق نەمەسە ۇكىمەتارالىق ۇيىم;
14) حالىقارالىق شارت جاساسۋ – قازاقستان رەسپۋبليكاسىنىڭ ءوزى ءۇشىن حالىقارالىق شارتتىڭ مىندەتتى ەكەندىگىنە كەلىسىم ءبىلدىرۋى;
15) حالىقارالىق شارتتىڭ تەڭ تۇپنۇسقا ءماتىنى – كەلىسسوزدەرگە قاتىسۋشى تاراپتار نەمەسە ۋاعدالاسۋشى تاراپتار تۇپنۇسقا (تۇپكىلىكتى نۇسقا) رەتىندە قارايتىن حالىقارالىق شارت ءماتىنى نەمەسە ەگەر ول شارتتا كوزدەلسە نەمەسە بۇل جونىندە وعان قاتىسۋشىلار كەلىسسە, ءارتۇرلى تىلدەردە جاسالعان ماتىندەردىڭ اراسىندا الشاقتىق بولعان جاعدايدا باسىمدىققا يە ءماتىن.”;
2) 2-باپتىڭ 3) تارماقشاسىنداعى “اتىنان” دەگەن سوزدەن كەيىن “قازاقستان رەسپۋبليكاسىنىڭ زاڭناماسىندا ايقىندالعان ءوز قۇزىرەتى شەگىندە” دەگەن سوزدەرمەن تولىقتىرىلسىن;
3) 3-باپتىڭ 2-تارماعى ەكىنشى بولىگىنىڭ 2) تارماقشاسىنداعى “ولاردىڭ كۇشىنە ەنۋى مەن ورىندالۋىنا” دەگەن سوزدەر “ولاردى جاساسۋعا, كۇشىنە ەنۋىنە, ورىنداۋعا, وزگەرتۋگە, ولاردىڭ توقتاتىلا تۇرۋىنا جانە توقتاتىلۋىنا” دەگەن سوزدەرمەن اۋىستىرىلسىن;”;
4) 4-باپ مىناداي رەداكتسيادا جازىلسىن:
“4-باپ. قازاقستان رەسپۋبليكاسى قاتىسۋشى بولۋعا نيەتتەنەتىن
حالىقارالىق شارتتارعا, سونداي-اق حالىقارالىق
شارتتاردىڭ جوبالارىنا عىلىمي ساراپتاما
1. قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتار بويىنشا, سونداي-اق حالىقارالىق شارتتاردىڭ جوبالارى بويىنشا وسى شارتتارمەن رەتتەلەتىن قۇقىق قاتىناستارىنا قاراي عىلىمي (قۇقىقتىق, ەكولوگيالىق, قارجىلىق جانە باسقا دا) ساراپتاما جۇرگىزىلۋى مۇمكىن.
مىندەتتى عىلىمي ساراپتاما راتيفيكاتسيالاۋعا جاتاتىن:
حالىقارالىق شارتتاردىڭ جوبالارى بويىنشا – ولارعا قول قويىلعانعا دەيىن;
قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتار بويىنشا – ولاردى راتيفيكاتسيالاۋ نەمەسە ولارعا راتيفيكاتسيالاۋ جولىمەن قوسىلۋ تۋرالى شەشىم قابىلدانعانعا دەيىن جۇرگىزىلەدى.
قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتار, سونداي-اق حالىقارالىق شارتتاردىڭ جوبالارى بويىنشا عىلىمي ساراپتاما جۇرگىزۋ قاعيداسىن قازاقستان رەسپۋبليكاسىنىڭ ۇكىمەتى ايقىندايدى.
2. عىلىمي ساراپتامانى قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتىڭ جوباسىن ازىرلەۋگە قاتىسقان نەمەسە حالىقارالىق شارتتى جاساسۋعا باستاماشى بولعان ادامداردى قوسپاعاندا, عىلىمي ۇيىمدار جانە (نەمەسە) ءتيىستى بەيىندەگى جوعارى وقۋ ورىندارى, قارالاتىن حالىقارالىق شارتتىڭ نەمەسە حالىقارالىق شارت جوباسىنىڭ مازمۇنىنا قاراي عالىمدار مەن ماماندار اراسىنان تارتىلعان, ونىڭ ىشىندە شەتەلدىك ءبىر نەمەسە بىرنەشە ساراپشى (ساراپتاما كوميسسياسى) جۇرگىزەدى.
3. عىلىمي ساراپتاما:
1) قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتىڭ نەمەسە حالىقارالىق شارت جوباسىنىڭ ساپاسىن, نەگىزدىلىگىن, ۋاقتىلىلىعىن جانە وعان قاتىسۋدىڭ زاڭدىلىعىن باعالاۋ;
2) قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتا نەمەسە حالىقارالىق شارتتىڭ جوباسىندا ادامنىڭ جانە ازاماتتىڭ قازاقستان رەسپۋبليكاسىنىڭ كونستيتۋتسياسىندا كەپىلدىك بەرىلگەن قۇقىقتارى مەن بوستاندىقتارىن ساقتاۋ;
3) قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتىڭ, سونداي-اق حالىقارالىق شارت جوباسىنىڭ ىقتيمال تيىمدىلىگىن ايقىنداۋ;
4) حالىقارالىق شارت جاساسۋدىڭ ىقتيمال تەرىس سالدارىن انىقتاۋ;
5) قازاقستان رەسپۋبليكاسى زاڭناماسىنىڭ قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتقا نەمەسە حالىقارالىق شارتتىڭ جوباسىنا سايكەستىگىن باعالاۋ ماقساتىندا جۇرگىزىلەدى.
4. قازاقستان رەسپۋبليكاسى قاتىسۋشى بولۋعا نيەتتەنەتىن حالىقارالىق شارتتار بويىنشا, سونداي-اق حالىقارالىق شارتتاردىڭ جوبالارى بويىنشا عىلىمي ساراپتاما جۇرگىزۋ تۋرالى شەشىم:
1) قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى پرەزيدەنتى اكىمشىلىگى باسشىسىنىڭ, قازاقستان رەسپۋبليكاسى پرەمەر-ءمينيسترىنىڭ, قازاقستان رەسپۋبليكاسى پرەمەر-ءمينيسترى كەڭسەسى باسشىسىنىڭ تاپسىرماسى نەگىزىندە;
2) قازاقستان رەسپۋبليكاسى پارلامەنتى دەپۋتاتتارىنىڭ باستاماسى بويىنشا;
3) حالىقارالىق شارت جاساسۋ تۋرالى ۇسىنىس بەرگەن ورتالىق مەملەكەتتىك ورگاننىڭ باستاماسى بويىنشا, سونداي-اق حالىقارالىق شارتتىڭ نەمەسە حالىقارالىق شارت جوباسىنىڭ كەلىسىلۋىن جۇزەگە اسىراتىن باسقا دا ورتالىق مەملەكەتتىك ورگانداردىڭ ۇسىنىستارى بويىنشا قابىلدانۋى مۇمكىن.”;
5) 5-باپتا:
1-تارماقتىڭ 1) جانە 2) تارماقشالارى مىناداي رەداكتسيادا جازىلسىن:
“1) قازاقستان رەسپۋبليكاسىنىڭ پرەزيدەنتىنە – حالىقارالىق شارتتارعا قول قويىلاتىن كۇنگە دەيىن كۇنتىزبەلىك ون ءتورت كۇننەن كەشىكتىرمەي قازاقستان رەسپۋبليكاسىنىڭ اتىنان ولارعا قول قويۋ, ولاردى راتيفيكاتسيالاۋ, بەكىتۋ, قابىلداۋ تۋرالى جانە ولارعا قوسىلۋ تۋرالى, ونىڭ ىشىندە قول قويۋ تۋرالى ۇسىنىستار;
2) قازاقستان رەسپۋبليكاسىنىڭ ۇكىمەتىنە - حالىقارالىق شارتتارعا قول قويىلاتىن كۇنگە دەيىن كۇنتىزبەلىك ون ءتورت كۇننەن كەشىكتىرمەي قازاقستان رەسپۋبليكاسىنىڭ ۇكىمەتى اتىنان ولارعا قول قويۋ, ولاردى راتيفيكاتسيالاۋ, بەكىتۋ, قابىلداۋ تۋرالى جانە ولارعا قوسىلۋ تۋرالى, ونىڭ ىشىندە قول قويۋ تۋرالى ۇسىنىستار بەرەدى.”;
2-تارماق مىناداي رەداكتسيادا جازىلسىن:
“2. قازاقستان رەسپۋبليكاسىنىڭ ورتالىق اتقارۋشى ورگاندارى ءوز قۇزىرەتىنىڭ ماسەلەلەرى بويىنشا قازاقستان رەسپۋبليكاسىنىڭ ۇكىمەتى اتىنان حالىقارالىق شارتتارعا قول قويۋ, ولاردى راتيفيكاتسيالاۋ, بەكىتۋ, قابىلداۋ تۋرالى جانە ولارعا قوسىلۋ تۋرالى, ونىڭ ىشىندە قازاقستان رەسپۋبليكاسى ۇكىمەتىنىڭ اتىنان قول قويۋ تۋرالى - ولارعا قول قويىلاتىن كۇنگە دەيىن كۇنتىزبەلىك ون ءتورت كۇننەن كەشىكتىرمەي, قازاقستان رەسپۋبليكاسىنىڭ اتىنان ولارعا قول قويىلاتىن كۇنگە دەيىن كۇنتىزبەلىك وتىز كۇننەن كەشىكتىرمەي قازاقستان رەسپۋبليكاسىنىڭ ۇكىمەتىنە ۇسىنىستار بەرەدى.”;
3-تارماق “حالىقارالىق شارتتارعا” دەگەن سوزدەردەن كەيىن “قول قويىلاتىن كۇنگە دەيىن كۇنتىزبەلىك ون ءتورت كۇننەن كەشىكتىرمەي ولارعا” دەگەن سوزدەرمەن, “قوسىلۋ تۋرالى” دەگەن سوزدەردەن كەيىن “, ونىڭ ىشىندە قول قويۋ تۋرالى” دەگەن سوزدەرمەن تولىقتىرىلسىن;
6-تارماقتا:
6) تارماقشا مىناداي رەداكتسيادا جازىلسىن:
“6) شارتتى جاساسۋ تاسىلىنە قاراي - قازاق جانە ورىس تىلدەرىندەگى, سونداي-اق باسقا دا جاساسۋ تىلدەرىندەگى حالىقارالىق شارتتاردىڭ جوبالارى;”;
مىناداي مازمۇنداعى 6-1) جانە 6-2) تارماقشالارمەن تولىقتىرىلسىن:
“6-1) حالىقارالىق شارتتاردىڭ جاسالۋ تىلدەرىندە قازاقستان رەسپۋبليكاسىنىڭ سىرتقى ىستەر مينيسترلىگى رەسمي كۋالاندىرعان ولاردىڭ (دەپوزيتاري رەسمي كۋالاندىرعان حالىقارالىق شارتتاردىڭ) كوشىرمەلەرى;
6-2) حالىقارالىق شارتتاردىڭ جاسالۋىنا جاۋاپتى قازاقستان رەسپۋبليكاسىنىڭ ورتالىق مەملەكەتتىك ورگانى رەسمي كۋالاندىرعان ولاردىڭ قازاق جانە ورىس تىلدەرىنە, ەگەر ولار جاسالۋ ءتىلى بولىپ تابىلماعان جاعدايدا, اۋدارمالارى;”;
مىناداي مازمۇنداعى 7-تارماقپەن تولىقتىرىلسىن:
“7. حالىقارالىق شارتتاردىڭ تەڭ تۇپنۇسقا ماتىندەرىنىڭ بىرىنە قازاق جانە ورىس تىلدەرىندەگى اۋدارمالارىنىڭ سايكەس بولۋىن ونى جاساۋعا جاۋاپتى قازاقستان رەسپۋبليكاسىنىڭ ورتالىق مەملەكەتتىك ورگانى قامتاماسىز ەتەدى.”;
6) 6-باپتا:
تاقىرىبىنداعى “حالىقارالىق شارتتاردى جاساسۋ ماسەلەلەرى بويىنشا شەت مەملەكەتتەرمەن” دەگەن سوزدەر “شەت مەملەكەتتەرمەن” دەگەن سوزدەرمەن اۋىستىرىلسىن;
“جاساسۋ” دەگەن سوزدەن كەيىن “, ولاردىڭ كۇشىنە ەنۋى, ولاردى ورىنداۋ, وزگەرتۋ, توقتاتا تۇرۋ جانە توقتاتۋ” دەگەن سوزدەرمەن تولىقتىرىلسىن;
7) 7-باپ مىناداي مازمۇنداعى 3-تارماقپەن تولىقتىرىلسىن:
“3. حالىقارالىق شارتتارعا وزگەرىستەر مەن تولىقتىرۋلار ولار جاسالعان تىلدەردە رەسىمدەلەدى.”;
8) 20-باپتا:
4-تارماق مىناداي رەداكتسيادا جازىلسىن:
“4. قازاقستان رەسپۋبليكاسىنىڭ ورتالىق مەملەكەتتىك ورگاندارى ءوز قۇزىرەتى شەگىندە حالىقارالىق شارتتاردان تۋىندايتىن قازاقستان رەسپۋبليكاسى مىندەتتەمەلەرىنىڭ ورىندالۋىن جانە قۇقىقتارىنىڭ جۇزەگە اسىرىلۋىن قامتاماسىز ەتەدى, سونداي-اق حالىقارالىق شارتتارعا باسقا دا قاتىسۋشىلاردىڭ ءوز مىندەتتەمەلەرىن ورىنداۋىن قاداعالايدى.”;
مىناداي مازمۇنداعى 6-تارماقپەن تولىقتىرىلسىن:
“6. قازاقستان رەسپۋبليكاسى حالىقارالىق شارتتارىنىڭ ورىندالۋىن قامتاماسىز ەتۋ مونيتورينگى قازاقستان رەسپۋبليكاسىنىڭ ۇكىمەتى ايقىندايتىن تارتىپپەن جۇزەگە اسىرىلادى.”;
9) 22-باپتىڭ 1-تارماعى مىناداي رەداكتسيادا جازىلسىن:
“1. قازاقستان رەسپۋبليكاسىنىڭ مۇددەلى ورتالىق مەملەكەتتىك ورگاندارى حالىقارالىق شارتتاردى راتيفيكاتسيالاۋ تۋرالى ۇسىنىس ەنگىزۋ كەزىندە قازاقستان رەسپۋبليكاسىنىڭ زاڭناماسىنا وزگەرىستەر مەن تولىقتىرۋلار ەنگىزۋ تۋرالى ۇسىنىستى قازاقستان رەسپۋبليكاسىنىڭ ۇكىمەتى ايقىندايتىن تارتىپپەن قازاقستان رەسپۋبليكاسىنىڭ ۇكىمەتىنە ەنگىزەدى.”;
10) 24-باپتىڭ 3-تارماعىنىڭ ءماتىنى بويىنشا “مەملەكەتتىك” دەگەن ءسوز “قازاق” دەگەن سوزبەن اۋىستىرىلسىن;
11) 25-باپتا:
1-تارماق مىناداي مازمۇنداعى ەكىنشى بولىكپەن تولىقتىرىلسىن:
“قازاقستان رەسپۋبليكاسى حالىقارالىق شارتتارىنىڭ مەملەكەتتىك ءتىزىلىمىن جۇرگىزۋ قازاقستان رەسپۋبليكاسىنىڭ ۇكىمەتى ايقىندايتىن تارتىپپەن جۇزەگە اسىرىلادى.”;
3-تارماقتا:
“تۇپنۇسقالارى نەمەسە رەسمي كۋالاندىرىلعان” دەگەن سوزدەر “تۇپنۇسقالارى نەمەسە دەپوزيتاري رەسمي كۋالاندىرعان” دەگەن سوزدەرمەن اۋىستىرىلسىن;
“وسى حالىقارالىق شارتتاردىڭ كوشىرمەلەرىن” دەگەن سوزدەر “قازاقستان رەسپۋبليكاسىنىڭ سىرتقى ىستەر مينيسترلىگى رەسمي كۋالاندىرعان حالىقارالىق شارتتاردىڭ كوشىرمەلەرىن (دەپوزيتاري رەسمي كۋالاندىرعان حالىقارالىق شارتتاردىڭ كوشىرمەلەرى نەگىزىندە) ولاردى جاساسقان تىلدەردە” دەگەن سوزدەرمەن اۋىستىرىلسىن;
12) 29-باپ مىناداي مازمۇنداعى 5-تارماقپەن تولىقتىرىلسىن:
“5. قازاقستان رەسپۋبليكاسىنىڭ ورتالىق مەملەكەتتىك ورگاندارى ءوز قۇزىرەتىنىڭ ماسەلەلەرى بويىنشا وزدەرىنىڭ اتىنان جاسالعان, قازاقستان رەسپۋبليكاسىنىڭ مۇددەلى ورتالىق مەملەكەتتىك ورگاندارىمەن جانە قازاقستان رەسپۋبليكاسى ادىلەت مينيسترلىگىمەن كەلىسىلگەن حالىقارالىق شارتتاردىڭ قولدانىسىن توقتاتا تۇرۋ نەمەسە كۇشىن جويۋ تۋرالى ۇسىنىستاردى قازاقستان رەسپۋبليكاسى سىرتقى ىستەر مينيسترلىگىنە تابىس ەتەدى.
قازاقستان رەسپۋبليكاسى سىرتقى ىستەر مينيسترلىگى قازاقستان رەسپۋبليكاسىنىڭ ورتالىق مەملەكەتتىك ورگاندارى اتىنان جاسالعان حالىقارالىق شارتتاردىڭ قولدانىسىن توقتاتا تۇرۋ نەمەسە كۇشىن جويۋ تۋرالى ۇسىنىستاردى قارايدى جانە ولار بويىنشا قولدانىسىن توقتاتا تۇرۋدىڭ نەمەسە كۇشىن جويۋدىڭ سىرتقى ساياسي ورىندىلىعى تۋرالى قورىتىندىلار بەرەدى.”;
13) 30-باپتىڭ 2-تارماعىنىڭ ءبىرىنشى ابزاتسىندا:
“نەمەسە” دەگەن سوزدەن كەيىن “ولاردىڭ” دەگەن سوزبەن تولىقتىرىلسىن;
“قازاقستان رەسپۋبليكاسىنىڭ بەكىتىلگەن, قابىلدانعان حالىقارالىق شارتتارىنىڭ” دەگەن سوزدەر الىپ تاستالسىن.
2-باپ. وسى زاڭ العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2010 جىلعى شىلدەنىڭ 15-ءى. № 335-ءىV قرز
سوڭعى جاڭالىقتار
قازاق سپورتشىلارى وليمپيادانىڭ العاشقى كۇنىندە قالاي ونەر كورسەتتى؟
وليمپيادا • كەشە
قىسقى وليمپيادانىڭ العاشقى التىن جۇلدەسى كىمگە بۇيىردى؟
وليمپيادا • كەشە
ازيا چەمپيوناتى: قازاقستان جەڭىل اتلەتيكادان ەكىنشى التىن جۇلدەنى جەڭىپ الدى
جەڭىل اتلەتيكا • كەشە
ەرتەڭ ەلىمىزدىڭ بارلىق وڭىرىندە داۋىلدى ەسكەرتۋ جاريالاندى
اۋا رايى • كەشە
جاڭا كونستيتۋتسيا جوباسى ساراپشىلاردىڭ قولداۋىنا يە بولدى
اتا زاڭ • كەشە
جاڭا كونستيتۋتسيا ءماتىنىن برايل قارپىمەن جازۋ ۇسىنىلدى
اتا زاڭ • كەشە
